Taitas 3:8 - Golin: God ka main buku

⁸ Na ka di i tega i, kirara kawen dungwa paamue. Ena na ka di tega i, i pi tegi yere morin morin di ibal tenana di piriwe. Ibal kobe pire gi di God tongwa, ibalin kobi kal wai erala dungwa oisa tenama dire, di ibalin kobe tenanwe. Ka di tega i, main wai paimia, ena aa ki di ibal tenangwa main dimue.

Taitas 3:8 ပူးပေါင်းရင်းမြစ်များ

Matyu 20:4

‘I pi girepe kan gul suna konagi eranga ena aibe tobe kuunin teralwa.’ Dungure ere omua.

Yon Yesu guun kan ka minin ganin bilungwa 12:44

Ena Yesu ka bil dire iru dungwa, “Ibal kobe pire gi di na tenangwa, ena ibalin kobe na inan tawle pire gi di na tenangwa, tamama. Na nusi ime erungwa yal, ibalin kobe para pire gi di yalini tenamua.

Yon Yesu guun kan ka minin ganin bilungwa 5:24

“Na kawen di i terala piro. Ibal kobe na ka diga pirere, te na nusi ime erungwa yal pire gi di tenamia, ibalin kobi mile painangwal painamua. Eme God ka kol pai ibalin kobi ta tekenangure, ibalin kobi gulala di milimba, kaya u kwi pire mile paingwal paimua.

Aposel 12:15

Di tongure ibal kobe, “I gi du milinwa,” dimba gi iray “Yalini kirara kawen milemua,” dungure ibal kobe dungwa, “Yalini iban milemua.”

Orom 4:5

Ibal kobe kal digan ere taalime ere pirin paingwa God, “Pirin gule ere i teiwa,” iru dire di ibalin kobe tomue. God kal iru ere milungwa yal ta pire inin konagi nega dire ere mile pirin gule ere na tenama di pire erangwa, ta paikinamue. Paikinamba yal ta konagi iru ta erekire pire gi di God tenangure, pire gi dungwa main i God kane mile, “I kabin sire wai wen milina di iru kaniwa,” di tenamue.

2 Korin 4:13

Ena ka main minin ganin iru dire bilungwa paangwa, “Ka main pire gi diga, ena ka i di gawa diwa.” Ka iru dungwa mere, na para ka main pire nomanin suna yere ka main pire gi dibinga, ena ka i para di gawa diwe.

Epesas 4:28

Kalkan kunibe nongwa yal kwi kunibe ta nekio. Aa te nekungwa ibal i taw tenangire, nenama dire, i konagi nega di ero.

1 Timoti 1:15

Ka ta di i teralga kirara kawen dungwa ibal para, “Ka dungwa i, paimua,” dinamue. Ka dungwa i piro. Ibal kobe kal digan ere taalime erungwa Kirisito Yesu aa ki di tongure sigare kule u wai nama dire, yalini gariba gul ere ime umue. Kal digan ere taalime erungwa ibal milungwa suna na goma yere kal digan ere taalime eriga yal na miliwe.

1 Timoti 2:8

Ena ibal kobe baan baan para inin inin u ku bile ana dire deminin si God tenangwa kaun, yalgo kal dime di ere mile, aan kule mine ere ana di God tenama di piriwe. Aan kule mine ere ana di God tenangwa kaun, den ki ta yekire, te ka bolebilin ta dekenamue.

1 Timoti 5:10

te konagi wai erungwa guun kan ware biingwa milere, te wan abin kobe goma kenin wai wen ere tere milere, te ibayal ungwa aa te wai ere tere milere, te God ibalin kobe kawn bigin sire inin kaan pire ime ere milere, te ibal taalime erungwa aa ki di tere milere, te konagi wai ta ta para muru erala di pire oisa te milamue.

2 Timoti 1:12

Iru ere na tongwa eriga, ena malia gain giil pire na tongwa i, na pire miliwe. Pire miliiba, na gay ta gulekiga main iwe. Na pi tegi yega yal milungwa main kane pol siga, ena “Ka main kenin ero,” di na tongwa na kenin erigire, mama dinama dire, yalini kenin ere na tenamue. Kenin ere na te mile, Kirisito ere ime unangwa kaun, para kenin ere na te milamue.

Taitas 1:9

Ibal ka main pi tegi yongwa main painangwa mere, na ibal kobe ka nil sibinga, yalini ka main iray aa gi di pire milamue. Milamia ena ka main i nil si tere yobilaan bile ibal terere, te kaymin ibal ka bolebilin dinangwa, yaa ime sinamue.

Taitas 2:14

Kile kaman ka main paangwa si keli sibinga, pirin pai na tongwa, tobe tere pirin gule ere na tenama dire, te nomanin naabile na tenama dire, te na ibal kobe paale suna ere na inama dire, te kal wai dungwa erala dibinga, erabinga painama dire, yalini miin mayan garu di na ibal kobe na tomue.

Taitas 2:7

Te i we. Ibal kobe kol wai egilama dire, i kalkan para mile pai eringa kal wai paangwa ere milanwe. Ka nil si ibal tenanga, nomanin tegi dire kawen dima di pire di to.

Taitas 3:1

Ena ka main ibal taminin i kenin ere milinga, ibalin kobe nomanin si pirama dire, ka iru di to. I kenin erungwa yal singaba kobe ka main paangwa mere, pire wiina ere tere, te “Konagi ta wai paangwa erana milo,” di to.

Taitas 3:14

Ka main ibal taminin kobe na yal kobe kenin ere ke milebinga, ibalin kobi kal wai erama dire, oisa tenama dire, nil si tenangwa paamue. Ibal taw kobe kalkan wen ta aa te nekungwa kal wai ere ibalin kobi tenamue. Si nege ere kal wai ta erekinangwa mere, iru ta milekenamue.

Pailimon 1:11

Goma yalini aa ki di i ta tekimba, malia yalini aa ki di i, te na para na tenamue.

Kibiru 10:24

Na ibal inin inin denan miranan te ibeya ere main wai paangwa mere erabina dire, inin inin yobilaan bile iru ere milabinga paamue.

1 Pita 1:21

Kirisito kal wai ere i tongwa pire, i ibal kobe pire gi di God tenwe. Yalini gulungure God aa te alere, te naabile aw dungwa gul inin ain pi milama dire, God kal iru ere yalini tomia, ena i ibal kobe pire gi di God tere pi tegi ye milinwe.