Rebelesen 3:1 - Golin: God ka main buku

¹ “Ena na ka ta dirala i ka minin ganin bile Sadis ka main ibal taminin to. “Ka pore di i tega i, yal ta God Iban anan kole muru kole sutan bole milere, te kulmama anan kole muru kole sutan aa tongwa yal, yal iray na mile ka pore di i teiwa. I ibal kobe kal eringa na kanere, te ibal kobe mile, ‘Sadis ka main ibal taminin sigare kule wai milemua,’ dimba ibal gule daalin sungwa mere, i ibal kobe nomanin suna iru gule daalin simua.

Rebelesen 3:1 ပူးပေါင်းရင်းမြစ်များ

Luku 15:24

Na wanan iray kaya gulema di pirebinba, malia u milemua. Te yalini u baan ta ongwa kanekibinba, malia kanebinwa.’ Dire pare komina bil kawn kule ki nere miinin maamua.

Luku 15:32

Dimba i kebininbi kaya gulema di pirebinba, malia u milere, te u baan ta ongwa kanekibinba, maliaga kanebinwa. Kanebinga ena komina bil ki nere para wai pirebinga, para paamua.’”

Yon Yesu guun kan ka minin ganin bilungwa 1:16

Dungure yalini kenin wai wen ere ibal tomia, ena kal wai wen ere na ibal kobe tongwa. Yalini iru na tere tere milungwa.

Yon Yesu guun kan ka minin ganin bilungwa 1:33

Kanere yalini Kirisito milema di pirekebinba, ‘Nil bile tenana po,’ di na nusi erungwa yal, God ka iru di na tongurawa. ‘Na Ibanan ere ime ure yal ta si paale ire kule milungwa gul u milangwa kananwa. Yal iray na inan Kegemama Iban nusi ere ibal tenangure, ibal nomanin sigi dinamua.’

Yon Yesu guun kan ka minin ganin bilungwa 20:22

Iru dire pare giran miin pu di yalin kobe tere iru di tongwa, “God Kegemama Iban i teya, ire den miriin suna yeyo.

Yon Yesu guun kan ka minin ganin bilungwa 3:34

God yalini nusi ime erere inin Iban kirara muru tomia, ena yalini God ka dungwa mere aine di milungwa.

Aposel 2:33

God Yesu kaan aa te yebe erungure, yalini inin aan wen kol milemua. Milungure God goma mile aan kere ye tongwa mere, yalini inin Kegemama Iban Yesu tongure, yalini nusi ere na yal kobe na tomua. Kuun sungwa mere na tongure ire mile kal main main erebinga i, i yal kobe kaninwa.

Epesas 2:1

Ena goma i ibal kobe God giran mina se ere kal digan ere taalime eringire, God pirin pai i tongure, nomanin gule daalin sungure u main enwe.

Epesas 2:5

Na tongwiwe. God giran mina ka dungwa se erebinga, ena God pirin pai na tongure, gulungwa mere milebinwe. Milebinba Kirisito gulere alungwa main paangwa mere, God si kwi ye na tongure, sigare kule u wai pire Kirisito bole u taran pi milebinwe. Sigare kule u wai obinga main iwe, God kal wai ere pilaan pai na ibal kobe na tongwa i pire sigare kule u wai obinwe.

Kolosi 2:13

I ibal kobe kal digan main main ere milere, te i inin gaynin kal piringa maangwa ere milinga, ena i gulungwa mere milingire, God iru kanemue. Kanimba God i Kirisito bole si dawle i tongure, si kwi yere sigare kule u wai pire milinwe. Kal digan ere taalime erebinga para muru God pirin i gule ere na ibal kobe na tomue.

1 Timoti 5:6

Paamba abal weray ta gain kal pirungwa maangwa mere, ere milangwa, ena abalini gulungwa mere milungware, ka main ibal taminin aa ki di abalini ta tekenangwa paamue.

Yemis 2:26

Ibal kobe miin gain te yobilagi dinamba, iban bole ta milekenamia, ena ibalin kobi gulungwa paamue. Iru paangwa mere, ibal kobe pire gi dire kal main wai paangwa bole ta i maribe ere milekenamia, ena ibalin kobi pire gi dungwa main i, imore pire main ta paikinamue.

1 Pita 1:11

Kirisito Iban yalin kobi nomanin suna mile paire Kirisito gain giil iru iru pirere pare, “Eme yalini naabile aw dungwa ain pi suna milamua,” dire ka iru di yalin kobi terala dungwa, ena yalin kobi ka dungwa i, u maribe nangwa kaun te u maribe nangwa kalkan goma kanangwa kalin sui main pirala dire, waa duumue.

Yut yalini ka minin ganin bile tongwa 1:12

I ibal kobe inin inin denin miriin tere komina taran nenga, yalin kobi i bole komina nomia, ena yalin kobi kal piril sungwa ere i tomue. Yalin kobi i bole komina nenba, gay ta gule pirekire komina inin nerala di pire nomue. Kawa pege gwi si baan baan ongure, nimin sekungwa mere, yalin kobi ibal aa ki di tekungwa mere, main iray mere mile waremue. Eri milin kulangwa kaun eri taw milin kulekungwa mere, yalin kobi iru milemue. Milemia ena yalin kobi gulungwa mere milere, te ibal eri komin dulanin woore i mena erungwa mere, God para iru ere yalin kobi tomue.

Rebelesen 1:11

Dungwa iray ka iru di na tongwa, “Kalkan para kananga meri ka minin ganin piapa mina bilere, Esia gariba gul ka main ibal taminin anan kole muru kole sutan nusi ere ibalin kobi to. Ibalin kobi milungwa ain iwe, Epesas milungure, te Simena milungure, te Pegamam milungure, te Tayataira milungure, te Sadis milungure, te Piladelpia milungure, te Eleodisia milungure, ain iru milemua.”

Rebelesen 1:16

Yalini aan wen kol kulmama anan kole muru kole sutan aa tongure, te di kuba pera kole kole para algane nongwa, yalini giran ali ere mena u dimue. Are bil dere naabile aw dungwa mere, yalini guman mina iru aw di dimue.

Rebelesen 1:20

Kulmama anan kole muru kole sutan na anan wen kol aa tega, te enderin derin kobile gol ere yongwa anan kole muru kole sutan de dungwa, kalin sui iray main aal kule paamba, main di maribe ere i terala piro. Kulmama anan kole muru kole sutan iwe, ka main ibal taminin anan kole muru kole sutan milungwa, angel kobe anan kole muru kole sutan ibal taminin taran taran kobi, kenin ere milamua. Te enderin derin kan diga iwe, ka main ibal taminin anan kole muru kole sutan milemua.”

Rebelesen 1:4

Na Yon milere Esia gariba gul ka main ibal taminin anan kole muru kole sutan milinga iray, pire na ka minin ganin bile i ibal kobe i teiwe. God kwi milungwal milungwa, te mile painangwal painangwa, te yalini eme unangwa iru milungure, te God Iban anan kole muru kole sutan yalini kenin ere ke milungwa bol guman mina milungure, te Yesu Kirisito God ka dungwa pire wiina ere ka di gawa dire ibal gulere alungwa, yalini goma kawn kule ale mile, mile painangwal painangwa gariba gul yal bil kobe yalini yalin kobi yal singaba milungure, yal sutakobe iray kal wai ere kenin wai ere i tere, te den miriin yaa ime si i tenamue. Yalini den miriin na ibal kobe na tere, te na kal digan ere taalime erebinga pirin gule ere na terala dire, yalini inin mayan inin garu di na ibal kobe na tomue.

Rebelesen 2:13

Satan kenin ere ke milungwa ain baan suna iray, i ibal kobe ki pai milinga kaniwa. Na ka main i aa gi di pire milere, te na ka main di gawa di milungwa yal, kaan Antipas, Satan ki pai milungwa ain ibal kobe yalini si gulungwa kaun, i ibal kobe pire gi di na tenga piserekire, mun kal waa na tekinwa.

Rebelesen 2:19

I denin miriin ibal tere, te ka main aa gi di pire milere, te ka main konagi ere milere, te gaynin giil piringa pire unin si milere, kal iru ere milinga na kaniwa. Te goma kal wai erinba, malia i kal wai maa kora kule eringa para na i kaniwa.

Rebelesen 2:2

I mile pai eringa main, na i kane piseriwa. I konagi nega di erere, te gaynin giil pire i tongwa, niminin mile ale milinga, para kaniwa. Yal kobe kal ki ere milungwa, i ibal kobe yalin kobi nigi de kaninga, i na para piriwa. Yal taw kobe mile, ‘God nusi erungwa ongwa yal, Aposel, na miliwa,’ dire i ibal kobe yalin kobi suan i kanere yal iru ta milekungwa kanere, kakiibi dungwa pirinwa.

Rebelesen 2:9

Taalime obin dongwa aw si waringa kanere, te i kalkan aa te nekinga para kaniiba, God kal wai ere i tongure i kalkan binanbile aa te nongwa ibal mere milinwa. Ibal taw, ‘Na Yuda ibal miliwa,’ dimba, kakiibi dire iru ta milekire, gain ka si i tongwa kaniwa. Ibalin kobi Satan ka main ibal taminin milemua.

Rebelesen 3:15

I mile pai eringa, main na kane piseriwa. I konagi nega di erekire, te kirara si nege para ta erekinga kaniwa. Konagi nega di eran mo, kirara si nege eran mo, main ta iru ere milana di piriwa.

Rebelesen 3:2

Iru mile pai eringa pisere, i ka main pire gi dinga main iru tawle imo dimia, pi nima nama dire, konagi nega di ero. Ta erekinanga, main piringa iray kaya wei sinamua. God maabin mina kalkan eringa, kirara muru ta ere gawa dikinga na i kaniwa.

Rebelesen 3:8

I mile pai eringa na i kaniwa. I ka main pire gi dinga, i niminin ta milekinba, na ka diga pire wiina erere, te na guunan kanan ka di kile di mena ere na tekinwa. I kol wai ta pire ka main konagi erana dire, kol ta bala di i tegire, yal ta kol i si pere ta di i tekenangwa paamua.

Rebelesen 4:5

Kenin ere ke milungwa bol suna dire kamin nege erungwa, te teli bilkaw dungwa, te kamin guru dungwa, i maribe eremue. Bol iray guman mina kewa anan kole muru kole sutan de dimue. Kewa dongwa iwe, God Iban anan kole muru kole sutan milemue.

Rebelesen 5:6

Te Bolima Siipe Siipe Gawlin ta si gulungwa iray ale milungwa na kanigire, kenin ere ke milungwa bol iray kole milungure, te kalkan sui sui milungwa kole milungure, te yal singaba kobe wenabe di milemue. Bolima Siipe Siipe Gawlin iray niminin wen mile gibilin sigin yaan anan kole muru kole sutan kulungure, te omilin anan kole muru kole sutan para kulemue. Te omilin iwe, God Iban anan kole muru kole sutan nusi gariba ulin kole kole para erungwa milemue.