Rebelesen 22:2 - Golin: God ka main buku

² Urere ogu ai kombil suna umue. Nil nuule binan kole ibe te kolia kwi milungwa eri ta maare dimue. Eri iray me erin taran milin ginin anan kole kole muru kawnan milin sutan morin morin kulemue. Ba gire yongwa yongwa mere kule omue. Gariba gul bilin ibal ta ta para u wai pi milama dire, eri iray arin kabe madasin mere dimue.

Rebelesen 22:2 ပူးပေါင်းရင်းမြစ်များ

Luku 4:18

“God Singaba Iban na bole pena galemua. Kalkan aa te nekungwa ibal God guun kan pirama dire, yalini na konagi tere na paale suna ere imua. Kaymin ibal kal ta tegire ere ain nangwa di terala dire, te omilin gi dungwa ibal omilin pilaa dire kanama dire, te kanin sungwa kobe gule ere terala dire, na nusi ime eremua.

1 Pita 2:24

Na ibal kobe kal digan ere taalime erebinga, muun kal waa na tere, te kabin sire wai wen ere milama dire, na kal digan ere taalime erebinga pirin paimba, Kirisito eri pera mina gule pirin gule ere na ibal kobe na tomue. Ibal kobe yalini sungwa bilungure gain giil piremia, ena aa te pilaan pai na ibal kobe tongure wiige sire u wai pire milebinwe.

Rebelesen 2:7

“God Iban ka di ka main ibal taminin ta ta para tongure, i kiranin kulina, ena ere gule piro. “Gariba kal pirungwa maangure manaa di tere ka main pire gi di milangwa, ena kwi milungwa eri ta God kamin ai wai suna dungwa, ibalin kobi milin i nere mile painangwal painangwa nenama dire, na ‘Para no,’ di teralwa.”

Rebelesen 21:21

Kana giran anan kole kole muru kawnan milin sutan nil kabe ta milin kaan pel dungwa ere yomue. Kana giran inin inin pel taran taran bilkaw ere yomue. Te kombil kobile gol wai wen ere yongure, nilniminin naabile aw dungwa mere, kombil iru napa ere dimue.

Rebelesen 21:24

Te ibal para muru, naabile aw dungwa gul i kol waramue. Te gariba gul yal bil kobe egin galungwa kal aa te nongwa, ogu ai iray kalkan kobi kire di yuu yenamue.

Rebelesen 22:1

Ena angel ta ogu ai iray i maribe ere na tongwa milere nil nuule ta ibal nil iray nenangwa, mile painangwal painangwa yalini para i maribe ere na tomue. Nil nuule yaangwa iwe, nilniminin naabile aw dungwa mere, nil iray iru naabile aw dungure, te nuule iray nil gibilin God te Bolima Siipe Siipe Gawlin kenin ere ke milungwa bol suna nil iray umue.

Rebelesen 22:14

Kwi milungwa eri milin nerala dire, te ogu ain iray kana giran pi ala nala dire, ibal kobe galsuna bigin sungwa mere, God ka dungwa pire wiina eremue. Iru ere milungwa ibal, wai pire miriin painamue.

Rebelesen 22:19

Te “Kalkan u maribe namua,” dire buku ta i di maribe eriga, yal ta mile, “Yon ka dungwa i paikimua,” dinangwa, ena yal iray kwi milungwa eri milin ta nekire, te God ogin ain iray pi ala ta pekenama dire, God kal main iru ere yalini tenamue. Iru ere tenangwa mere iwe, ka minin ganin bile i tega, ka iray bile i teiwe.