Rebelesen 13:9 - Golin: God ka main buku

⁹ Ibal kobe kiranin kulina, ena ere gule piro.

Rebelesen 13:9 ပူးပေါင်းရင်းမြစ်များ

Matyu 11:15

Ibal kiranin gi dikimia kiranin gule piro.

Maka 4:23

Ibal kiranin gi dikimia, kiranin gule piro.”

Luku 8:8

Milin taw gariba wai dungwa gul yaa sirere, gune di maare arin sire milin kule sulu dimua. Dire erin ta milin binanwenbile wan kandret, paimua.” Yesu ainere dungwa, “Ibal kiranin gi dekemia, kiranin gule piro.”

Rebelesen 2:11

“God Iban ka di ka main ibal taminin ta ta para tongure, i kiranin kulina, ena ere gule piro. “Gariba kal piringa maangure manaa di tere ka main pire gi di milanga, ena ibal kirara gule wei sire enderin gaul ai ta pekenanwa.”

Rebelesen 2:17

“God Iban ka di ka main ibal taminin ta ta para tongure, i kiranin kulina, ena ere gule piro. “Gariba kal pirungwa maangure manaa di tere ka main pire gi di milangwa, ena ibalin kobi kamin ai komina aal kule dungwa, i maribe ere nenamua. Nenangure te kobile pege ta ibalin kobi para teralwa. Kobile iray bolimina kaan ta kwi bile teralgire, ibal taw ama kaan i main ta pirekenamba, inangwa yal i tawle piramua.”

Rebelesen 2:29

“God Iban ka di ka main ibal taminin ta ta para tongure, i kiranin kulina, ena ere gule piro.”

Rebelesen 2:7

“God Iban ka di ka main ibal taminin ta ta para tongure, i kiranin kulina, ena ere gule piro. “Gariba kal pirungwa maangure manaa di tere ka main pire gi di milangwa, ena kwi milungwa eri ta God kamin ai wai suna dungwa, ibalin kobi milin i nere mile painangwal painangwa nenama dire, na ‘Para no,’ di teralwa.”