Rebelesen 13:1 - Golin: God ka main buku

¹ Ena iru kanere pare, kabe ta biin ele paangwa pirin nil pisere u mena pi milungwa kaniwe. Kabe iray milungwa main iwe. Gibilin yaan anan kole kole muru sirere, te gibilin mere anan kole muru kole sutan kulemue. Gibilin yaan dungwa mina yal singaba gibilin gal inin inin kaungure, te gibilin anan kole muru kole sutan mina kaan ka minin ganin digan wen bile paalungwa, kaan i gain ka si God tongwa dimue.

Rebelesen 13:1 ပူးပေါင်းရင်းမြစ်များ

Rebelesen 11:7

Yal sui kaya ka main i di gawa di piserangure pare, kabe biin ele paire naanin paangwa, enderin gaul ai pisere ere yebe ure, yal sui bole kura bilere yal sui si gulamue.

Rebelesen 12:3

Te ibal kobe main ta pirama dire, kamin ai kal ta ama u maribe ongwa i, kal ta di bilemue. Di bilungwa kal iwe, oniba baa ta bilkaw wen u maribe pi milere, gibilin anan kole muru kole sutan kulere, sigin gibilin mina ungwa, anan kole kole muru umue. Te yal bil gibilin gal oniba iray gibilin anan kole muru kole sutan kulere, gal i gibilin mina inin inin kaumue.

Rebelesen 13:11

Ena kal iru kanere pare, kabe biin ele paangwa ta ama gariba gul ali pisere u maribe ongwa kaniwe. Kabe ta i milungwa mere iwe, bolima siipe siipe gibilin yaan sui kulungwa mere kulere, te oniba bil iray ka dungwa mere, olin ire dimue.

Rebelesen 13:14

God yalini kane unin si milungure pare, kabe biin ta eme u maribe ongwa i, kal guman kwi dungwa main main kabe biin ta goma u maribe ongwa i guman mina eremia, ena gariba gul ki pai milungwa ibal, yalini ibalin kobi bawle tomue. Kabe biin ta goma milungure, di kuba pera si gulimba, kwi imo milungure, te kabe biin ta eme ungwa i, gariba ibal kobe ka di tere iru dungwa, “Kobile bale kabe biin i giran guman si paale ire ere yeyo,” dire di ibalin kobi tomue.

Rebelesen 13:15

Bale ere yongwa kobile i ka dinama dire, te ibal ana dire deminin si kobile iray tekungwa ibal si gulama dire, kabe biin ta goma milungwa giran miin pu dungure, kobile bale ere yongwa i, si kwi yere milemue. Iru erama dire, “Para owa,” di tomue.

Rebelesen 15:2

Ena iru kanere pare, nil benge ta milungwa mere kaniwe. Botol te enderin bole nuungure, u nil kol pire dima di kaniwe. Kabe biin iray te kabe biin giran guman kobile bale ere yongwa te kabe biin i kaan minin ganin bilungwa, ibal kobe kalin sutakobe yaa ime si tere milungwa para kaniwe. Ibalin kobe nil benge kan diga i binan kole ale milere, God ibalin kobe gita dungwa mere, kaan kaap, tongwa aa tere milemue.

Rebelesen 16:13

Kanere pare, kabe du milungwa mere, sia digan sutakobe iru milungwa kaniwe. U maribe ongwa mere iwe, oniba te kabe biin te kakiibi ka kebe yal, ibalin kobi iru giran ali u maribe ongwa kaniwe.

Rebelesen 17:16

Kabe biin gibilin sigin anan kole kole muru yal bil kan diga i, te kabe biin iray kaninga, ibalin kobi den gule tere kaymin paale yal maale ingwa abal tenamua. Abalini kalkan para aa te nongwa, ibalin kobi girin di inangure, abalini yorowan bole milamua. Ibalin kobi abalini miin bale nere gain enderin galangure, de taa namua.

Rebelesen 17:3

God Iban na denan miranan suna paire niminin mile na tongure, angel iray na awli gariba simi yongwa gul omue. Na awli ongure milere, kabe biin baa ta ele paangwa mun bolimina abal ta aw si milungwa kaniwe. Kabe biin i ka minin ganin binanbile gain mina bilungwa, gain ka si God tongure, te gibilin anan kole muru kole sutan kulere, te gibilin sigin anan kole kole muru kulemue.

Rebelesen 17:5

Abalini maabin mina kaan ta main aal kule paangwa, minin ganin bile paalungwa ka iru dungwa, “Na Bebilon abal bil milere yal maale ingwa abal kobe, na abalin kobi man milere, te kal ki iru erungwa ibal, na ibalin kobi man para miliwa.”

Rebelesen 19:19

Dungure pare kabe biin ele paangwa, te gariba gul yal bil kobe te yalin kobi simil nen kobe bole yere, bolima ausi aw si milungwa yal iray te yalini simil nen kobe bole yere kura bile terabina dire, u ku bilemue.