Rebelesen 11:7 - Golin: God ka main buku

⁷ Yal sui kaya ka main i di gawa di piserangure pare, kabe biin ele paire naanin paangwa, enderin gaul ai pisere ere yebe ure, yal sui bole kura bilere yal sui si gulamue.

Rebelesen 11:7 ပူးပေါင်းရင်းမြစ်များ

Luku 13:32

Dungure Yesu iru di yalin kobe tongwa, “Yalini awi biin ele milungwa mere, iru mile ibal kobe bawle tomia, ena i iru di tenana po, ‘Kemina te erima sia maa si mena erere, te nibil erungwa aa te wai ere terabinba, taale na konagi ere wei siralwa.’

Luku 8:31

Yesu sia kobe nusi gawl ai ta erekinama dire, kawan dire di tongwa.

Yon Yesu guun kan ka minin ganin bilungwa 17:4

I yobilaan bil bilinga, na gariba gul ure i maribe eriwa. ‘Na konagi ero,’ di na tenga mere, na kaya ere wei siwa.

Yon Yesu guun kan ka minin ganin bilungwa 19:30

Yesu nil wain digan tongure iru dungwa, “Malia na gariba gul mile konagi eriga para wei simua.” Dungure naan gorawal giire gulungwa.

Aposel 20:24

God kal wai ere ibal tongwa, ka pore iray di maribe erabina dire, Yesu Singaba konagi ere na tomua. Tongwa na wiina ere, ere wei sirala di piriga kal gogo ere na tenangwa, gurala di kuril ta pirekiwa.

2 Timoti 4:7

Na Yesu Kirisito bole yere ka main konagi nega di erere, te “Ka main konagi ero,” di na tongwa mere, ere wei sirere, te ka main pire gi diga, main i aa gi di pire miliwe.

Rebelesen 11:3

Na guunan kanan di gawa di ibal tenangwa, na yal sui nusi eralwa. Eralgire waiba gal werain bile paale weray sungwa, God ka main di maribe eramua. Are kaun wan tausen tu kandret sikisti, kaun iru di maribe ere ibal tenamua.”

Rebelesen 12:17

Iru erungwa ena oniba bil i den gule abal i tomue. Tere pi abalini kule yongwa kobe bole kura bilala dire, omue. Abalini kule yongwa kobe iwe, God kile kaman ka pire wiina erere, Yesu guun kan di gawa di ibal tomue. Te oniba bil i pi pirin nil binan makalua dungwa gul ale milemue.

Rebelesen 13:11

Ena kal iru kanere pare, kabe biin ele paangwa ta ama gariba gul ali pisere u maribe ongwa kaniwe. Kabe ta i milungwa mere iwe, bolima siipe siipe gibilin yaan sui kulungwa mere kulere, te oniba bil iray ka dungwa mere, olin ire dimue.

Rebelesen 13:7

Kabe biin i God ibalin gawliman kobe bole kura bile sire si u sutaw nama dire, te gawlima ibal ta ta para te gariba bilin ibal ta ta para, te ka kowa more more paangwa ta ta para, te kuru kama ibal ta ta para, kabe biin i, ibalin kobi ke milama dire, oniba bil i yobilaan pai yalini tomue.