Rebelesen 1:2 - Golin: God ka main buku

² Di tongure na Yon milia, ena kalkan para kaniga mere, di gawa diwe. God ka dungwa, te ka main kawen dungwa, Yesu Kirisito di gawa dungwa, na para muru di gawa diwe.

Rebelesen 1:2 ပူးပေါင်းရင်းမြစ်များ

Yon Yesu guun kan ka minin ganin bilungwa 1:32

Yon ka di gawa dire iru dungwa, “Kamin mina God Iban imil giran guman kulungwa mere si paale ire kule, Yesu milungwa gul ere ime ungwa, kaniwa.

Yon Yesu guun kan ka minin ganin bilungwa 12:17

Goma yal ta kaan Alasaras gulungwa maul si yongure, Yesu pire, “Ere mena wo,” di gala dire Alasaras alungwa, Yesu iru ere yalini tongwa. Iru erungwa ibal binanbile kanere malia pire bolin kule ibal para tongwa.

Yon Yesu guun kan ka minin ganin bilungwa 19:35

Kal i u maribe ongwa na kanere, di maribe ere kawen diga. Ka pore iray keranga i ibal kobe pire gi dinana dire, di maribe ere i teiwa.

Yon Yesu guun kan ka minin ganin bilungwa 21:24

Gawlima ta i Yesu kan dungwa, na yal iray milebingi. Milere ka minin ganin biliga i kawen kirara dungwa na ibal kobe para kanebinga.

Yon Yesu guun kan ka minin ganin bilungwa 3:11

Na kawen dirala piro, kalkan kobe pirebinga ka iru dibinwa, te kalkan kanebinga di tobinwa. Di tobinba ka dibinga, i yal kobe pire gi dikinwa.

Aposel 22:15

I kalkan kanere, te ka dungwa piringa di maribe ere ibal para tenana dire, yalini konagi iru ere i tomua.

Aposel 26:16

I ale milo. Na nilerari yal i milana dire, na u maribe pi i teiwa. Kemina kalkan kaninga, te eme i maribe ere i terabinga, i di maribe ere ibal kobe tenanwa.

Aposel 4:20

Kalkan kanere te ka dungwa pirebinga, pire unin ta si milekire bolin kule te milabingal milabinwa.”

1 Korin 1:6

Kirisito guun kan di maribe erebinga, i ibal kobe nomanin suna tegi dina, ena wai wen mile painwe.

1 Korin 2:1

Ena na enan kobe we, goma God guun kan kere di terala dire, na i ibal kobe milinga gul uga main para kane kamil kaa wai siga mere, di i tekiwe.

1 Yon 1:1

Yal iray ta milekenangwa ena ibal para muru ama ta milekerabingire, yalini milungwa mere, ka minin ganin bile i terabina. Kamin kaya goma wen kalkan kawn kule ere yongwa, yalini milemue. Milungwa omilan kanere, yalini u maribe ongwa kanere, ka dungwa pirere, yalini milungwa gain mina aa tere na ibal kobe bole para milebinga.

1 Yon 4:14

Pirebingire God Wan gariba ibal para aa ki di tere a pili dinama dire, yalini Wan nusi ime erungure, na ibal kobe kanere di maribe ere ibal tobinwe.

3 Yon 1:12

“Demitirias yal wai milemua,” dire ibal para iru di maribe erungure, te ka main kawen dungwa mere, yalini iru ere milungure, te na ama para yalini guun kan di maribe erigire, na kawen dima di pire i ibalin kobe iru pire kaninwe.

Rebelesen 1:11

Dungwa iray ka iru di na tongwa, “Kalkan para kananga meri ka minin ganin piapa mina bilere, Esia gariba gul ka main ibal taminin anan kole muru kole sutan nusi ere ibalin kobi to. Ibalin kobi milungwa ain iwe, Epesas milungure, te Simena milungure, te Pegamam milungure, te Tayataira milungure, te Sadis milungure, te Piladelpia milungure, te Eleodisia milungure, ain iru milemua.”

Rebelesen 1:19

Main iru paamia, ena kalkan maliaga kaninga, te eme kalkan u maribe nangure kananga, para ka minin ganin bilo.

Rebelesen 1:9

Ena i ibal kobe ka main enin ta, na Yon miliwe. I na bole Yesu Kirisito gawliman milebilga, gain giil bole para pire milere, te yalini kenin ere ke milungwa suna bole milere, te ka main aa gi di pire milabingal milabinga bole milere, na ibal kobe iru milebilwe. God ka dungwa na kere di maribe erere, Yesu ka main kawen dungwa di gawa diga, ena ibal na nusi mena erere, “Pi pirin nil suna gariba ai mege kaan Patmos milo,” di na tongure, na u miliwe.

Rebelesen 12:11

Ka main enan kobe mile, Bolima Siipe Siipe Gawlin mayan garu di ibalin kobi tongwa i pire, te God guun kan di gawa di ibal tomia, ena ibalin kobi kaymin Satan si i sutaw eremua. Ibalin kobi kwi imo milabina di pirekire, ‘Gulabinga para wai paimua,’ dimua.

Rebelesen 12:17

Iru erungwa ena oniba bil i den gule abal i tomue. Tere pi abalini kule yongwa kobe bole kura bilala dire, omue. Abalini kule yongwa kobe iwe, God kile kaman ka pire wiina erere, Yesu guun kan di gawa di ibal tomue. Te oniba bil i pi pirin nil binan makalua dungwa gul ale milemue.

Rebelesen 20:4

Ena iru kanere pare, yal bil kenin ere ke milungwa bol te ibal kobe bol iray amin di milungwa para na kaniwe. Kaniga ibalin kobi ka kol ere ibal tenama dire, God yobilaan iru pai tomue. Yesu ka main di maribe erungwa, te God ka dungwa, ibal kobe ka sutan i di gawa dimia, ena yal ton ibalin kobe si gulungure, ibalin kobi iban para milungwa na kaniwe. Ibalin kobi ana dire deminin si kabe biin te kabe biin i kobile galbale ta tekere, te kabe biin ibal maabin mina te aan mina minin ganin bile paalimba, ibalin kobi minin ganin i ole bilekemue. Ibalin kobi sigare kule si kwi yere, Kirisito bole me erin wan tausen kenin ere ke mile milemue.

Rebelesen 22:21

Yesu Singaba kenin wai ere God ibalin gawliman para tenama di piriwe.

Rebelesen 6:9

Iru kanigire, Bolima Siipe Siipe Gawlin goma kan paalin sui sui pu erungwa malia ta ama pu eremue. Goma ibal taw God ka main kere di maribe ere ka iray di gawa di ongwa ongwa omia, ena ibal kobe ibalin kobi si gulemue. Ibalin kobi iban, kabe si gale God tongwa bol main ali mile paangwa, kaniwe.