Orom 8:7 - Golin: God ka main buku

⁷ Ibal ta gain kal pire nomanin suna yenangwa, ena ibalini kaymin paale God tere, te God kile kaman ka pire wiina ere tekire, te wiina ere tenamba, kuunin ta paikimue.

Orom 8:7 ပူးပေါင်းရင်းမြစ်များ

Matyu 12:34

Iru paamba oniba milungwa mere, i yal kobe kal ki eringa, ‘Nomanin kama sungwa ka wai dibinwa,’ dino? Ta paikima. Nomanin suna paangwa mere ka iru dinangwa paamua.

Matyu 5:19

Ena iru paamia. Yal ta kile kaman ka i minin ganin taran wen wiina erekire, te ama iru nil si ibal kobe tenangwa, ena yal ta i God gawlima kobe suna muna kol namua. Dibinba Mose kile kaman ka yal ta wiina erere, te ama iru nil si ibal kobe tenangwa, ena yal ta i God gawlima kobe suna u guman kol namua.

Yon Yesu guun kan ka minin ganin bilungwa 7:7

Gariba ibal kobe den gule i ta tekimua. Dimba ibalin kobi, ‘Kal ere main paangwa kal ki erinwa,’ di tere tere ere milebina, den gule na na tomua.

Orom 1:28

Ena ibalin kobi God main paangwa aa gi di pirekerabina di pirungwa, ena God ibalin kobe de ere piseremue. Ibalin kobe nomanin gogo sire kal piril sungwa erama di pirere, God ibalin kobi piseremue.

Orom 1:30

te gain ka sirere, te God nigi de pire terere, te ka dagi di milere, te kule si warere, te inin eralga kuunin painama di pirere, te kal digan ta kal guman kwi dungwa nomanin si pire erala di pirere, te nen man ka dungwa pire wiina ere tekire,

Orom 3:31

“Ena pire gi di Yesu tongwa main kile kaman ka yaa ime sungure u digan omua,” dirabino? Ka iru dirabinga ta paikinamia. Na ibal kobe ka dibinga i, kile kaman ka nomanin suna ka milin elin si yobingire paamue.

Orom 5:10

God kaymin paale tobinga kaun, yalini Wan nusi ere inin ibal kobe na tongure, yalini kuman kine na pire gule na tomia, ena God bole pena gale na tongure, u taran obilwe. Obilga ena malia Yesu gulere ale kwi imo mile paimia, God pire aa ki di na tenangure sigare kule u wai nabinwe.

Orom 7:22

God kile kaman ka di ibal tongwa, na denan miranan suna wai pire wiina ere terala di piriga paamue.

Orom 8:4

God kal iru erungwa main iwe, na ibal kobe goma gaynan kal pirebinga maangure kal nigi dongwa ere milebinga pisere, malia God Iban nil si na tongwa pire duulin bile ere warebinwe. Mose kile kaman ka dungwa mere, “Ibal kobe kabin sire wai wen milo,” dungure na ibalin kobe para main iru ere milama dire, God kal iru ere na tomue.

1 Korin 2:14

Di tobinba yal ta God Iban den miriin suna ta pai dekungwa, ena God Iban ka nil si tongwa, yal iray ta pirekemue. Yalini main iray pire pol ta sekungwa iwe. Ka main, main kanungwa ibal tawle, “Main iray paimua,” dinamia, ena yalini main iray ta paikima di piremue.

1 Korin 9:21

Mose kile kaman ka pirekungwa ibal kobe, pire gi di Yesu tenangwa, awli pi terala dire, na u ibalin kobi milungwa mere obinwe. Obinba God kile kaman ka si keli ta sikire, Kirisito kile kaman ka wiina ere teiwe.

Kolosi 1:21

Goma i ibal kobe nomanin si piringa i nigi dongure, te kal ki ere waringa God te i bole guman inin inin dungwa milinwe.

Kolosi 2:18

Yal ta ure, “Na gaynan pire tekire, angel kobe deminin si tere eriga paimua,” dire te, “God ure ul kiibi ka di na tomua,” dire te yalini ibal main paangwa mere pire inin kaanin gale yebe ere, “I ibal kobe mile pai eringa paikimua,” dire ka iru di i tenangwa, kakiibi di i tenamia, ena i pire gogo ere milo.

2 Timoti 3:4

te inin gawliman kobe baale taal sire kela kule terere, te nomanin si i kuunin ere pirekire kalkan gin taran ere milere, te kawen kirara kule si ware milere, te gain kal pirungwa maangwa erala dire, miriin kabin paamba, yalin kobi den miriin God ta tekemue.

Kibiru 8:10

Milere pare na ka wai di bole pena gale Isirel ibal terala dire, kile kaman ka kwi di teralga, kal iru ere teralwa. Na kile kaman ka ibalin kobi nomanin suna yerere, te na kile kaman ka i den miriin suna painama dire, para iru yerere, te ibalin kobi God na miligire, te na ibalan gawlimanan ibalin kobi iru milamua.

Yemis 4:4

Abal ta pi yal kunibe ingwa mere, i ibal kobe kal iru ere milingi. Gariba gul kalkan miriin kabin pai irala di pire ere milanga, ena God kaymin paale i tenangwa pirekino? Ibal ta gariba gul kalkan miriin kabin paire irala di pirangwa ena God kaymin paale ibalini tenangwa paamue.

2 Pita 2:14

Yalin kobi abal kunibe irala di pire, miriin kabin pai milemue. Milere kal digan ere taalime erungwa main iray ta piserekire, erala di pire milemue. Ibal kobe ka main pire gi dire niminin ta milekungwa, yalin kobi bawle ibalin kobi tere awli pi kol digan omue. Kalkan te kobile moni den inanin gire inangwa main, kaya nomanin suna nil si piremue. God yalin kobi kanemia, den gule tenamue.