အွန်လိုင်း သမ္မာကျမ်းစာ

Orom 5:19 - Golin: God ka main buku

¹⁹ God ka dungwa, yal ta giran mina se eremia, ena ibal binanbile kal digan ere taalime ere milemue. Ere milimba iru erungwa mere God ka dungwa yal ta wiina ere tomia, ena God mile, “I pirin pai i tekire kabin sire wai wen milinwa,” di ibal binanbile tenamue.

အခန်းကိုကြည့်ပါ။ ကော်ပီ

« အရင်

ပြန်တက်သွားပါ။ ⬆

နောက်တစ်ခု »

Orom 5:19
10 ပူးပေါင်းရင်းမြစ်များ

Orom 11:32

Ibal para wen ka main pire wiina ere tekenama dire, God “I konagi iru paimua,” dimue. Kal iru erungwa main paangwa iwe, God piranin pai ibal para tongwa, i maribe erabina di pire eremue.

အခန်းကိုကြည့်ပါ။

Orom 5:12

Ena ibal para sanamoi gilekume Adam goma mile kal digan ere taalime erungure pirin pai tomia, ena pirin i gariba gul u maribe ongure, ibal para gulungwa main u maribe omue. U maribe omia, ena kal digan ere taalime erungwa main i, para kirara sinaa di u bil omue. Ibal para kal digan ere taalime erungwa, ena sinaa di u bil ongure, ibal para gulungwa main paamue.

အခန်းကိုကြည့်ပါ။

Orom 5:15

Main iru erimba, God imore kal wai ere ibal tongwa mere, Adam kal digan ere taalime erungwa kuunin ta di bile dikirabinwe. Yal taran kal digan ere taalime erungwa, ena ibal para pirin pire gulimba, God kal wai ere ibal tere, te Yesu Kirisito yalini inin tawle imore nusi ere ibal tongwa, ena kal wai ere kenin wai ere ibal para tomue.

အခန်းကိုကြည့်ပါ။

Orom 5:18

Ka dungwa iru paamia, kile kaman ka yal taran ta si keli simia, ena God mile, “Ibal para pirin paimua,” di tomue. Kal iru erungwa mere, yal ta kal wai ta kirara wen ere ibal tomia, ena God kane mile, “I pirin paangwa gule ere i tere aa te pilaan pai tere u wai pi milanwa,” di tomue.

အခန်းကိုကြည့်ပါ။

2 Korin 5:21

Kal digan ere taalime erungwa Kirisito main iru ta ere warekimba, na ibal kobe yalini bole pena gale u taran pi milere, God kabin sire wai wen milungwa mere, iru milabina dire, kal digan ere taalime erungwa, Kirisito pirin i aw si ire gule ere na tomue.

အခန်းကိုကြည့်ပါ။