Orom 2:10 - Golin: God ka main buku

¹⁰ Piramba ibal para kal dime di ere milangwa, ena God naabilungwa ain bole ereko milere, te God gun ye tenangure milere, te den miriin wai pai tenangure mile pai eramue. Goma Yuda ibal iru ere tenangure pare, eme Yuda ta milekungwa ibal para iru ere tenamue.

Orom 2:10 ပူးပေါင်းရင်းမြစ်များ

Matyu 10:13

Ogu kobaan kobe i aa tekun ere i tenangwa ena, ‘Yalkuna,’ ka dinga i painamua. Painamba ogu kobaan kobe i aa tekun ere i tekinangwa ena ‘Yalkuna,’ ka dinga i paikinamua.

Luku 1:79

Te ibal si bilungwa gul milere gulala di kuril pirungwa, yalini aw bil di na ibal kobe tenamua. Tenangwa kol wai ta i maribe ere na ibal tenangure, duulin bilabinwa.” Dire Sekaraya ka iru dungwa.

Luku 12:37

Nil konagi yal kobe kanekun ere milungure, singaba ure kanamia, ena yalin kobe miriin wen painamua. Singaba kal iru eramua. Singaba ure, ‘Nil konagi yal kobe amin di milo,’ di tere kin dere, koray pire i sire pi komina ki yalin kobe tenamua.

Luku 19:42

Miire iru dungwa, “Yerusalem ibal kobe, i denin miriin suna yaa ime sire mone di milala dire kemina main piranba, maliaga ta pirekinwa.

Luku 22:14

Komina nenangwa kaun u bawa dungure, Yesu te yalini nusi erungwa ongwa yal kobe, Aposel, para amin di milungwa.

Luku 9:48

Milungure Yesu iru di yalin kobe tongwa, “Yal ta na guunan kanan pire aa te wai ere gaan i tenangwa mere, yalini aa te wai ere na tenamua. Te yal ta aa te wai ere na terere, ena yalini para aa te wai ere na nusi erungwa yal tenamua. I yal kobe milinga suna i, ‘Yal ta digan milemua,’ dinba yalini singaba milemua.”

Yon Yesu guun kan ka minin ganin bilungwa 12:26

Yal ta nil konagi ere na terala di pirangwa, ena na munan kol duulan bilangwa paamua. Bilamia ena na milalga gul yalini para pi milamua. Yal ta nil konagi ere na tenangwa, ena na Abe yalini ai yebe di tenamua,” dungwa.

Yon Yesu guun kan ka minin ganin bilungwa 14:27

“I kabin si milanwa. Na kabin si miliga mere, iru wen milanwa. Ka main pirekungwa ibal kabin si milungwa mere, iru ta milekenanwa. I sigagu dikire nomanin si ala erekire, te kuril para pirekio.

Yon Yesu guun kan ka minin ganin bilungwa 16:33

I yal kobe bole pena gale na tere den miriin suna ura dinangure kamin wai taanama dire, ka iru di i yal kobe teiwa. Gariba gul ibal gain giil pire i yal kobe tenamba, gariba gul yal singaba, Satan, na yalini si ime ere i sutaw ere tobinga, ena i yobilaan bile milo.”

Aposel 10:35

Gariba gariba ibal para yaa ime sire deminin si God tere kal wai erungwa, ena God yalin kobe mun kal waa tekire, wai pire gun ye tomua.

Orom 14:17

God kenin ere ke milungwa kol main iwe. Komina te nil nerabina mo, nekerabin mo, iru ta paikimia. Ta paikimba kabin sire wai wen milere, te den miriin suna yaa ime sire wai wen milere, te God Kegemama Iban den miriin suna paire si kwi yongure, miriin pai milere, iru ere milungwa mere, God kawen kenin ere ke milemue.

Orom 15:13

I pire gi di God tenga i miriin wen paire, te denin miriin yaa ime sire wai wen milana dire, God i tenama di piriwe. God ka dungwa u maribe ongure, yobilaan pai na tomue. God Kegemama Iban i denin miriin suna pai mile yobilaan bile i tenangure, i nomanin su su sikire pi tegi yere milana di piriwe.

Orom 2:7

Ibal taw niminin mile kal dime di ere milere, God naabilungwa ain bole ereko milabina dire, te God gun ye na tenama di pirere, te mile pairabingal pairabina dinangwa, ena ibalin kobe wai mile painangwal painama dire, God kal iru ere tenamue.

Orom 2:9

Ibal kobe para kal ki ere warangwa, ena ibalin kobe gain giil bilkaw pire terere, te taalime bil u maribe pi tenamue. Goma Yuda ibal pirangure pare, eme Yuda ta milekungwa ibal piramue.

Orom 5:1

Ena malia inin ibal kobe pire gi di Yesu tobinga, ena God mile, “I kabin sire wai wen milinwa,” di na tomue. Di na tomia, ena Singaba Yesu Kirisito kal wai ere na tongure, God te na ibal kobe bole pena gale u taran obinwe.

Orom 8:6

Gain kal pire nomanin suna yenanga, ena gulanga paamue. Paamba God Iban main paangwa erungwa mere, pire nomanin suna yenanga, ena sigare kule u wai pire denin miriin ura dinangure, God bole pena gale u taran pi si dawle milanga paamue.

Orom 9:21

Ena gariba woore aa dagi sungwa yal iwe. Yalini gariba woore inin pire kal ta erala di pirungwa mere, ere yenangwa, ta paikinamo? Para painamia. Gariba taw woore kal sutan erala di pire mugu ta wai ere yere, te mugu ta digan ere yenangwa painamue.

Orom 9:23

Yalini kane unin si milungwa main iwe. God piranin pai tongwa ibal yalini naabile aw dungwa mere bole milama dire, konagi main iru ere milemue. Ibalin kobe iru mere milama dire, goma paale suna ere imue.

Galesia 5:22

Dimba God Iban den miriin suna pai milungwa kal, i maribe ere iru paamia. Den miriin ibal terere, te gun yere miriin kabin pai milere, te God kenin ere na toma di pire den miriin aregan ere milere, te ibal kal digan ere na toma di pirimba, pire unin si milere, te kal wai ere ibal terere, te aa te wai ere ibal terere, te, “Kal iru erabinwa,” dungwa mere erere,

Galesia 5:6

Na ibal kobe pire gi di Kirisito tere u taran pi milebinga, ena gaynan bile erabinga mo, gaynan bile erekirabinga mo, kal i ta maakire, kal imore dimue. Dimba takal main wi yebe ome? Pire gi di Kirisito tere, den miriin ibal tongwa main, wi yebe omue.

Pilipai 4:7

Tenangire God i denin miriin suna aa te ura di i tenangure, dorimil wai milanwe. God denin miriin suna aa te ura di i tongwa main iwe. Ibal kobe main i pire pol sirabina di pirimba, main wen paangwa i kirara pire pol ta sekenamue. Kirisito Yesu bole pena gale u taran pi milanga, ena God denin miriin suna aa te ura di i tere, te denin miriin te nomanin suna kenin ere i tenamue.

1 Timoti 1:17

God taran tawle milere kamin te gariba kenin ere ke mile milungwal milere ta gulekire kwi imo milungure, na ibal kobe yalini guman ta kanekibinga nomanin pire ai yebe di yalini tere deminin si te milabingal milabinwe. I kawen.

Kibiru 2:7

Dimba ibal mile kaun tawle angel kobe wi yebe ta pekenama dire, i iru ere ibal tenwa. Te ibal kobe gariba gul yal bil kaan ai yebe dire deminin si tongwa mere, i kal main iru ere ibal kobe tenwa.

Yemis 2:22

Yalini ka main pire gi dungwa, te kalkan erungwa, kalin sui main taran paangwa ta kanekino? Ka main pire gi dungwa kirara kuunin painama dire, kal main wai paangwa eremue.

Yemis 3:13

Ena i ibal kobe milinga suna yal ta nomanin wai paangwa mile kal main wai kanungwa milemo? Yal iru ta milangwa, ena yalini mile pai wai erere, te kal main wai paangwa erala dire, nomanin paangwa mere pire girin ta di milekire ka mone mone di dinamue. Iru ere milangwa, ibal kanere ka dungwa kawen dima di piramue.

1 Pita 1:7

I ka main pire gi dinga kirara kawen dinana di pirama dungure, gain giil pirinwe. Kobile gol di painangwal ta paikinamba, niminin mile dinam mo, dikinam mo, kanama dire, enderin suna ali galemue. I pire gi di Kirisito tenga main wi yebe pire, kobile gol yaa ime simba, pire gi dinga di painangwal painama dire para sua i kanamue. Kobile gol enderin ali galungwa mere, taalime main main i aw sire gain giil piringa sua i kanamue. Pire gi di milangal milanga, ena Yesu Kirisito kwi ure u maribe nangwa kaun, God deminin si i tere, te Kirisito naabile aw dungwa bole ere ye i terere, te ai yebe di i tenamue.

1 Pita 5:4

Kol iru egilanga, ena bolima siipe siipe kenin erungwa yal bil Yesu Kirisito u maribe pi ibal terere pare, “I konagi eringa paimua,” di i tere tobe i tenamue. Tobe tenangwa iwe, imo di painangwal painangwa tobe iru mere i tenamue.