Orom 15:26 - Golin: God ka main buku

²⁶ Tobe ta terabinga iwe. Masedonia ka main ibal te Akaya ka main ibal kobe bole kobile moni imu dire na tere, “Yerusalem ka main ibal kobe kalkan aa te nekungwa i ibalin kobe tenana po,” di na tomia, na terala wiwe.

Orom 15:26 ပူးပေါင်းရင်းမြစ်များ

Matyu 25:40

Dinangure yal bil maan iru di terabinga, ‘Na kawen di terala i piro. Kalkan kan dibinga i na ibalan kobe digan milungwa ere tenga mere, i iru ere na tenwa.’

Matyu 26:11

Kul gal bona aa te nekungwa ibal, i bole para morin milamba, na i ibal kobe bole baan araway ta milekerabilwa.

Luku 14:13

I komina bil kiinanga, ena kal aa te nekungwa ibal kobe, te aan kawn kwima erungwa ibal kobe, te aan kawn ki sungwa ibal kobe, te omilin gi dungwa ibal kobe, ibalin kobe iru, ‘Nenana wo,’ di to.

Luku 6:20

Ena Yesu gawliman kobe tena kane mile iru di tongwa, “I ibal kobe kalkan aa te nekinga miriin paimua. Paire God kenin ere ke milungwa gul pi suna milinwa.

Aposel 16:12

Ai iray pisere pi Pilipai ai milebinga. Ogu ai i main dimin bil i maribe erungure, Orom ibal gariba iray ki pai milungwa. Are kaun taw ogu ai iray pai milebinga.

Aposel 16:9

Milere gilaa iray Pol kiibi iru kanungwa, Masedonia yal ta alere iru ana di gala dungwa, “I Masedonia gariba gul ure na ibal kobe aa ki di tenana wo.”

Aposel 18:12

Orom yal singaba kobe Akaya gariba gul, yal bil Galio, konagi tongure, ere milungwa. Yuda ibal nomanin u taran pire Pol kaymin paale tere ka kol ere terabina dire, awli ongwa.

Aposel 19:21

Kal iru ere wei sungure, Pol Masedonia gariba gul te Akaya gariba gul suna pire, Yerusalem nala di pirungwa. Pirere iru dungwa, “Yerusalem ai pire pare Orom ai pi kanalwa.”

Aposel 9:13

Dungure Ananayas maan dungwa, “Yalini kal ki ere i gawlin kobe Yerusalem milungwa tongure, ibal binanbile di maribe erungwa piriwa.

1 Korin 16:15

Sitepanas te yalini enin kobe Akaya gariba gul milungwa, ibalin kobe pire gi di Yesu tere goma wen kawn kule ere tongwa, i na enan kobe milinga kaninwe. Ibalin kobe ka main konagi erungwa, aa ki di God ibalin kobe te milemue.

1 Korin 16:5

Na Masedonia gariba gul suna nala di pirega, ena Masedonia gariba gul suna pirere pare, i ibal kobe milinga gul na urabinwe.

2 Korin 1:16

Na iru piriga paangwa, ere Masedonia gariba gul nala di nalga, i ibal kobe kol baan ginin ta kanere, te Masedonia gariba gul kane pisere kwi ere ainan nala di uralga, i ibal kobe kol baan ginin ta ama kwi kanala di piriwe. Yudia gariba gul nala diga, i kol baan aa ki di na tenama di pire i kwi kanala di piriwe.

2 Korin 11:9

Te na goma i ibal kobe milinga suna milere ka main nil si i te miliga, na kobile moni wei sungwa kaun i, i ibal kobe kobile moni na tenana dire, kaan ta di i tekiwe. Masedonia ka main enan kobe ure komina kuunin biinangwa mere, na tomue. Na tongure goma, “I ibal kobe kal ta na to,” dire kaan ta dikiga mere, eme para iru kaan ta dikiralwe.

2 Korin 2:13

Dimba na ka main enan kobe, Taitas waa duure ta kanekiga, na nomanin suna ku ku maamia, ena Toroas ibal, “I milo, na ere nalwa,” di tere ere Masedonia gariba gul ere wiwe.

2 Korin 7:5

Goma Masedonia pi bawa dire gaynan giil pire milebinga, wei ta sekungwa i kawen dimue. Milebinga kura taalime main main ere na tere ka bolebilin diria ere milungure, na nomanin suna ku ku maamue.

2 Korin 9:12

Aa te wai konagi eranga i, God ibalin kobe tawle aa ki di tenanga, taman. Kal aa ki di tenanga, inangwa ibal kobe wai pire maki ye God tere tere mili nangwa paamue.

2 Korin 9:2

I ibal kobe aa ki di terala di nega di eringa piriwe. Piriga ena na miinin maare i kaanin gale yebe ere ka iru di Masedonia gariba gul ibal tega, “Akaya gariba gul ka main enan kobe me erin ta goma aa te wai konagi iray erala di eremua.” Iru diga, ena Masedonia ibal i ibal kobe yobilaan bilinga pirere, kobile moni kaya i ku bilemue.

2 Korin 9:4

Piriiba Masedonia ibal taw na bole para ure i ibal kobe kobile moni aa tekun ta erekinanga kanamia, ena na yal kobe pi i ibal kobe pi tegi yobinga, na ibal tawle gay gulabinga tamama. I ibal kobe para gay gulanwe.

Pilipai 4:15

Na goma wen Yesu guun kan kawn kule di maribe ere i tere, na Masedonia gariba bilin pisere ere uga kaun i, Pilipai ka main ibal taminin ta tawle aa ki di na tenga piringi. Aa ki di na tere ibayal ye nere bole pena gale milebilwe.

1 Tesalonaika 1:7

Aa gi di piringai, ena Masedonia ka main pire gi dungwa ibal, te Akaya pire gi dungwa ibal, ibalin kobi para muru kol ta i egilama dire, i kol iray goma yere egilinwe.

1 Tesalonaika 1:8

Yesu Singaba ka main paangwa main i, i ibal kobe kawn kule kere di maribe eringa, Masedonia gariba gul te Akaya gariba gul, gariba iru tawle ware biikimba, i pire gi di God tenga, ka pore iray gariba baan baan para ware biimue. Na yal kobe ka pore iray para ka di ibal terabinba.

1 Tesalonaika 4:10

I kirara kawen iru ere Masedonia gariba gul ka main enin kobe ere tenwe. Tenga ena na i kiranin aa tere ka iru di i tobinga, na enan kobe, i iru ere mile kwi ama ero.

1 Timoti 1:3

Ena na Masedonia gariba gul nala di obinga kaun, “I Epesas ai milo,” di i tega mere, i iru ere milana di piriwe. Ibal taw kobe ka main kakiibi nil si ibal tongwa, i manaa di ibalin kobi to.

Pailimon 1:5

Maki ye tega main iwe, God ibalin kobe para denin miriin tenga, te pire gi di Yesu Singaba tenga, ibal kobe ka iru di na tongwa pirere maki ye God teiwe.