Orom 14:11 - Golin: God ka main buku

¹¹ Ka dibinga i ka main minin ganin iru pire dire bilungwa paangwa, “God Singaba mile, ‘Na miliga pire kawen kirara diwa. Ibal kobe para wen yaa gobin bile na tere, na kaanan taran deminin si na tere, i God milinwa, dinamua.’”

Orom 14:11 ပူးပေါင်းရင်းမြစ်များ

Matyu 10:32

“Yal ta ibal milungwa mabin mina mile, ‘Na Yesu gawliman miliwa,’ dinangwa ena na Abe kamin mina milungwa yalini mabin mina yal ta i, kaan di maribe eralga paimua.

Orom 10:9

“Yesu milungwa main iwe. ‘Yalini Singaba milemua,’ dire te ‘Yalini gulere alungure, God kal iru ere yalini tomua,’ dire pire gi iru dinanga, ena God aa te pilaan pai i tenangure sigare kule u wai pire milanwa.”

Orom 15:9

Terere, te Yuda ta milekungwa ibal God piranin pai tongwa pire deminin si God tenama dire, konagi ere tomue. Ka dibinga i, ka main minin ganin iru dire bilungwa paangwa, “Yuda ta milekungwa ibal milungwa suna na deminin si God terere, te yalini kaan pire yebe ere geril di terabinwa.”

1 Yon 4:15

Ibal kobe mile, “Yesu God Wan milemua,” dire di gawa dinangwa, ena God bole pena gale ibalin kobi tenangure, yalini te ibalin kobi bole u taran pi milamue.

2 Yon 1:7

Kakiibi dire ibal bawle tongwa kobaan, binanbile gariba gul suna kobi ware milere, “Yesu Kirisito u ibal omua,” di maribe ta ere ibal tekemue. Ibalin kobi kakiibi dire bawle tongwa kobaan milere, Kirisito kaymin ibal para milemue.

Rebelesen 5:14

Kalkan sui sui kwi milungwa kobe, ka maan di tere iru dungwa, “I kawen dinwa,” dungure yal singaba kobe yaa gobin bile mile ana dire deminin si yal sui iray tomue.