Orom 13:11 - Golin: God ka main buku

¹¹ Ena goma ka iru di gawa dibinga main iwe. Malia kamin kaun u maribe ongwa i ul pai milabinga kaun tamama. Goma pire gi di Yesu tobinga mili obinga obinga, ena God kirara aa te pilaan pai na tenangure, gaynan sigare kule u wai nabinga kaun u maala omia, ena kwi wai milabinwe.

Orom 13:11 ပူးပေါင်းရင်းမြစ်များ

Matyu 16:3

te taanima wen kamin kama milungwa, ‘Nimin sinamua,’ dinwa. I yal kobe kamin kama milungwa kaninga main pirinba, kamin kaun malia kal ta u maribe ongwa main pirekun erekinwa.

Luku 21:28

Kal main i kawn kule u maribe nangure God i aa ki dinangure sigare kule u wai nanga kaun u maala namia, ena i kane yebe ero.”

1 Korin 10:11

Ibal kobe main pirama dire, kalkan iray u maribe pi na sanamoi gilekume tongwa paamue. Kalkan iray ka minin ganin bilungwa, bigan kule na ibal kobe tomue. Kamin kaun ta ta para mili ubinga, malia i wei sima di kanebinwe.

1 Korin 15:34

I nomanin paikungwa mere pisere, nomanin paangwa mere pire milo. Kal digan ere taalime eringa, kirara pisere kwi ta erekio. I ibal kobe gay gulana dire, na ka iru di i teralga, “I ibal kobe taw God main paangwa pirekun ta erekinwa.”

Epesas 5:14

Paangwa iwe. Ka main minin ganin iru dire bilungwa paangwa, “Gulungwa gul milungwa ibal kobe ale kwi ye milo. Milanga Kirisito i nomanin aa naabile i tenamua.”

Yemis 5:8

Milungwa mere, i para iru pire suul mile kane unin si milanwe. Yesu Singaba kwi ere ime unangwa kaun u maala omia, ena i denin miriin suna yobilaan bile milo.

1 Pita 4:7

Ena kamin te gariba kalkan para wei sinangwa kaun, kaya u maala omue. U maala omia, ena nomanin paangwa main pire erere, te gaynin kal piringa maangwa inin manaa di to. Ana di God te milala dire, kal iru ere milo.

2 Pita 3:11

Ena kalkan para iray iru mere kirara si wei sinamia, ena i ibal kobe mile pai eranga, kabin si mile kal dime di ere milere, te God ere milungwa mere i para milangirawa.

2 Pita 3:9

Ibal taw kobe mile ka iru pirungwa, “Yesu Singaba, ‘Kal iru eralwa,’ dire aan kere yomba, yalini si nege ere kaya ole erekimua,” dimue. Dimba yalini si nege ta erekungwi, ibal ta wen ta u sutaw ta pekenama dire, yalini pire unin si mile suul milemue. Ibal para kal digan ere taalime erungwa pisere, nomanin suna si kiruul sinama dire, suul milemue.

1 Yon 2:18

Ena na kule yega kobe, gariba kal wei sinangwa kamin kaun i u maala nangwa paimia. “Yesu Kirisito kaymin ibal unamua,” dungwa piringiwe. Pirinba malia Yesu Kirisito kaymin ibal binanbile u maribe omia, ena gariba kal wei sinangwa kamin kaun i u maala nama di kanebinwe.

Rebelesen 1:3

Eme kalkan u maribe nangwa malia ka di tega i, ibal kerangwa, te ibal pire wiina erangwa, ibalin kobi miriin painamue. Miriin painangwa main iwe, u maribe nangwa kaun u maala omue.

Rebelesen 22:10

Dire ka ta iru di na tongwa, “‘Kalkan u maribe namua,’ dire buku ta i, i di maribe erana dire i tongwa, i aal kulekio. Kalkan i u maribe nangwa kaun u maala omia, ena i aal ta kulekire di maribe ere to.

Rebelesen 22:12

Ena Yesu ka iru dungwa, “Ka dirala piro. Na kwi uralga kaun u maala omua. Ibal kobe mile pai erungwa mere, na kanere tobe kuunin maan terala dire uralwa.

Rebelesen 22:20

Ena ka di i ibal kobe tega, kobaan yal i ka iru dungwa, “Owa, na gin taran ere ime uralwa.” Dungure Yesu Singaba i kawen dinga, ena para, i kwi ere ime wo.