Orom 12:9 - Golin: God ka main buku

⁹ Ena i denin miriin ibal tenga, kirara niminin mile te milo. Kal ki erungwa main i den ki ye to. Main wai dungwa aa gi di pire ware milo.

Orom 12:9 ပူးပေါင်းရင်းမြစ်များ

Matyu 26:49

Dire u bawa dire gin taran Yesu milungwa gul pire, “Singabo, mile dino,” dire guman mu dungwa.

Yon Yesu guun kan ka minin ganin bilungwa 12:6

Dire bona gana aa te nekungwa ibal miriin pire tekire, kunibe nongwa yal milemia ena ka iru dungwa. Gawlima kobe kobile moni gal taran gule yongure, yalini kenin erimba, kamin kaun kaun kunibe ne nere milungwa.

Aposel 11:23

U bawa dire God kal wai ere ibal tongwa kane wai pirere, te ibalin kobe Yesu Singaba ka main aa girin di milama dire, yobilaan bile tongwa.

2 Korin 6:6

Kal dime dire ere milere, te nomanin paangwa mere ere milere, te nigi de pire na tongure kane gogo ere milere, te aa te wai ere ibal terere, te God Kegemama Iban aa ki di na tongure milere, te denan miranan kirara ibal terere,

2 Korin 8:8

Ena ka diga i, i kiranin aa tere kile kaman ka di i tekiiba, i denin miriin ibal tenga kawen kirara ten mo, tekin mo, na kanala dire, Masedonia gariba baan ta ka main ibal kobe nega dire ibal taw aa ki di terala dungwa mere, di maribe ere i teiwe.

1 Tesalonaika 2:3

Na i kiranin aa tere di i tobinga main iwe. Kakiibi dungwa main ka ta di i tekire, te kal piril sungwa main para ka di i tekire, te i ibal kobe bawle terala dire, ka iru ta di i tekebinwe.

1 Tesalonaika 5:15

Ka ta di terabinga i milinga suna u maribe ta pekenama dire, kanekun ero. Ibal ta kal ki ere i ibal kobe i tenangwa, ena maan iru ta ere tekio. Ta ere tekenanba, main ta di terabinga i, i morin morin duulin bile erala di piro. Kal wai ere inin inin te ibeya ere, te para iru ere ibal muru to.

1 Tesalonaika 5:21

Kalkan para muru kal wai dungwa dim mo, kal ki erungwa dim mo, i suan kano. Kal wai ta dinangwa kananga ero.

1 Timoti 1:5

I kiranin aa tere ka di i tega main iwe. Ibal den miriin suna kabin sire wai wen milere, te nomanin naabilungure pirin ta pai tekungwa milere, te ka main pire gi wen di milere, te ibal iru mile den miriin ibal tenama dire, ka iru di i teiwe.

Kibiru 1:9

Ibal kabin sire kal wai ere milungwa, i wai kane tenba, ibal kal piril sungwa ere milungwa, nigi de pire tenwa. Iru ere milinga, ena ibal kobe wai pirimba, i wai wen pire miriin painana dire, i Nenin God i paale suna ere imua.”

Kibiru 12:14

I ibal kobe denin miriin yaa ime sire ibal para bole pena gale milala dire, girin di milo. Te kabin sire wai wen ere ta milekungwa ibal, God Singaba ta kanekinangwa mere, i para iru ta milekerala dire, kal main wai paangwa i duulin bile ere waro.

Yemis 3:17

Main iru u maribe namba, nomanin wai paangwa kamin mina ai ere ime ungwa main iwe. Yal ta nomanin iru painangwa, ena yalini nomanin naabile kal dime dire ere milere, te den miriin suna ura di milere, te ka wai di ibal tere ka di taran u nama dire, bole pena gale milere, te miriin pire ibal tere kal main wai paangwa i maribe erere, te ibal maangwa yaangwa milema di ta pirekire, te ka sutan ta dikire kawen dima di pire dinamue.

1 Pita 1:22

Ena i ibal kobe ka main kawen dungwa i pire wiina eringa, i nomanin suna naabile i tongure milinwe. Milere te i ka main ibal milinga suna inin inin denin miriin suna te ibeya eringa, ena i denin miriin kawen kirara inin inin te ibeya ero.

1 Pita 4:8

Te main ta wi yebe ongwa iwe, den miriin ibal tongwa main aa gi di pire erungure, kal digan ere taalime erungwa binanbile kire di ere tomia, ena denin miriin inin inin te ibeya ere milo.