Orom 12:3 - Golin: God ka main buku

³ Ena God piranin paire aa te wai ere na tomia, ka ta di i ibal para terala piro. I guunin kanin kawen ware biinangwa, i inin maa kora kule milia di pirekio. “God aa ki di na tongure, ka main konagi eriga paangwi, na inan eriga ta paikimua,” dire i iru milanga mere, nomanin suna si piro.

Orom 12:3 ပူးပေါင်းရင်းမြစ်များ

Luku 18:11

Parasi inin baan ta milere, ana dire iru dungwa, ‘O God, ibal kobe para kunibe nerere, te ki erere, te abal kunibe irere, te kal main iru erungwa i, na ta erekiwa. Te kobile moni takis ingwa yal milungwi ime, kal ki erungwa mere, na ta erekiga, ena i maki ye teiwa.

Yon Yesu guun kan ka minin ganin bilungwa 3:34

God yalini nusi ime erere inin Iban kirara muru tomia, ena yalini God ka dungwa mere aine di milungwa.

Orom 1:5

Ibal gariba kole kole para milungwa ibalin kobi taw pire wiina ere Yesu ka main tenama dire, Kirisito milungwa i pire, God ere wai ere na tere, te nusi erungwa ongwa yal, Aposel, na milabina dire, kal iru para kirara ere na tomue.

Orom 11:20

I ka iru dinangi, kawen dinanba, ibalin kobe pire gi di God ta tekemia, ena kirara aa bege dire piseremue. Piserimba i ibal kobe ka main pire gi di milina, ena i ain iray mama wen milinwe. Iru milinba, i kule sire miinin maakio. I kanekun ere milo.

Orom 11:25

Na enan kobe, God kalin dungwa goma aal kule dungwa paamba, malia di maribe erungwa ka iwe. Malia i ibal kobe mile, “Na nomanin paangwa main kaniwa,” dire inin kaanin gale yebe erekinana dire, ka di i terala piro. Yuda ibal taw girin di mile pire gi di Yesu ta tekire, mili nangwa nangwa, God Yuda ta milekungwa ibal paale suna ere ingwa para muru, u God ibalin kobe nangwa, ena kaun i Yuda ibal girin di milungwa main i pisere, sigare kule u wai pire milamue.

Orom 12:16

I kal ta nerala di piringa meri, ibal kobe para iru nenama di piro. I guunin kanin ware biinama di pirekio. Ibal kaanin ta paikungwa milungure, i ibalin kobe bole pena gale milo. Na nomanin paama di pirekio.

1 Korin 15:10

Ka iru diiba, God kenin ere aa te wai ere na tomia, ena na ere miliga mere miliwe. Yalini kenin ere aa te wai ere na tongwa na imore ta milekire, na konagi nega dire eriwe. Aposel kobe konagi erungwa na maa kora kule eriwe. Eriiba na inan konagi iru ta erekigire, God kenin ere aa te wai ere na tere aa ki di na tongure eriwe.

1 Korin 3:10

God kal wai ere na tomia, ena ogu kiire kal milemil erungwa yal milungwa mere, na miliwe. Milere ka main kawn kule di i tere, ogu kiingwa main balungwa mere eriwe. Main baliga mere eriga, ibal taw main bolimina kiinanba, kiinanga i kanekun ere kiyo.

1 Korin 7:17

Ena God i ibal kobe, “Wo,” di gala dungwa kaun i goma kalkan konagi ta erana dire, yalini kal wai obin si tenga mere, iru wen ere milo. Ka main ibal taminin ta ta para kile kaman ka iru di teiwe.

2 Korin 10:13

Milimba na miliga iwe, na konagi ta erabina dire, God “Konagi iray ero,” di na tongwa wiina eriga, ena wai pirere inan miinin maarabinwe. Iru tawle kane wai pire miinin maarabinwe. Iru diiba, “Korin ai ka main konagi pire erana po,” di na tomue.

2 Korin 12:13

Ka main ibal taminin ta ta kenin wai erebinga mere, kenin iru ta ere i tekebino? Ere i tobinba i aa ki di na tenana dire, na manaa diwe. Kal iru eriga na yal digan milema di pirino? Ayo, miriin pire i teiye. Kal main i ta maakimia.

2 Korin 12:7

Ena, “Yal ta kamin ai omua,” diga yal iray na miliwe. Miligire God main ta ta para i maribe ere na tongure kaniga, na guunan kanan kawen ware biinangwa, na inan maa kora kule milia di pirekerala dire, God nibil ta na tongure ere miliwe. Milere na miinin maare inan kaanan gale yebe eralba, Satan gin taran ure, “God nibil ta i tongure ere milinwa,” di na tongure gay gule miinin ta maakire kaanan gale yebe erekiwe.

Galesia 6:3

Yal ta ka main yal maribe milema di pirimba, yalini yal imore milemia, ena yalini inin den suna bawle tomue.

Epesas 3:2

God kal wai ere aa ki di na tongure, i ibal kobe u wai pi milana dire, yalini ka main konagi iru ere na tongwa, kane milingiray.

Epesas 3:4

i kere piranga, ena Kirisito kamin kaya goma wen ka main aal kule ere yongwa pirebinga mere, i piranwe.

Epesas 4:16

te miin gain te yobilagi na ibal kobe iru mere milebinwe. Iru milebinga miin gain te yobilagi imu di i taran eremue. Erungwa yalini konagi iru wen ere na ibal kobe na tomue. Miin gain ta ta te yobilagi ta ta inin inin konagi erangwa, ena u ibal pire den miriin kirara ibal tere u bil pirere milabinwe.

Pilipai 2:13

Kal iru ere milanga iwe, God konagi erala dungwa mere, i iru erala di pirana dire, te eranga kuunin painama dire, God i denin miriin suna konagi ere i tomue.

Kolosi 1:29

Main paangwa mere kirara u maribe nama dire, na konagi nega di ere, te Kirisito yobilaan pai na tere aa ki di na tongure, na ka nil si teiwe.

Kolosi 2:13

I ibal kobe kal digan main main ere milere, te i inin gaynin kal piringa maangwa ere milinga, ena i gulungwa mere milingire, God iru kanemue. Kanimba God i Kirisito bole si dawle i tongure, si kwi yere sigare kule u wai pire milinwe. Kal digan ere taalime erebinga para muru God pirin i gule ere na ibal kobe na tomue.

1 Timoti 1:14

Direre God Singaba kal wai ere ibal tongwa mere maa kora kule te mina ere na tere, te Kirisito Yesu bole pena gale u taran obinga, na pire gi di yalini tere, te denan miranan ibal teralga, na kuunin painama dire, yobilaan para iru bile na tomue.

1 Timoti 2:15

Kal iru erimba, abal kobe gaan kule yenangwa, God aa ki di tere kenin wai ere tenamue. Abalin kobi ka main pire gi di milere den miriin te milere, kal dime dire ere milere inin gain ibal ta kanekinama dire, iru ere milangwa, ena God aa ki di abalin kobi tere kenin wai ere tenamue.

1 Timoti 2:9

Te abal kobe u ku bile milangwa kaun, arebal ere ulin maribe yekire, gal imore sigi dire yalgo na kanama dire, si gun gule gal iru sigi ta dikire, siine kawale te dige te kiriweri te gal tobe bil bilungwa, gal iru ta pirekenama di piriwe.

Taitas 2:12

Kal wai ere na ibal kobe na tongwa main i ka iru nil si na tongwa, “God main paangwa si kunal sire kal piril sungwa main erebinga, pisere munan kal waa tere, te gariba kal irala dire, miriin kabin paangwa inan manaa di to,” dire ka iru nil si na tomue. “Gariba gul malia milebinga gaynan kal pirebinga maangwa inin manaa di tere, te kabin sire wai wen mile, te kal dime dire ere milo,” dire para iru nil si na tomue.

Taitas 2:2

Yal dimanin kobe nil bia nere omilin ta maalekenama dire, te omilin kane tawa milama dire, ta gain kal pirungwa maangwa inin manaa di tenama dire, ka iru di yalin kobi to. Yalin kobe ka main pire gi dungwa, te den miriin ibal tongwa, te ka main aa gi di pire pire milungwa, kalin main sutakobe pi nima nama dire, ka di yalin kobi to.

Taitas 2:4

Abal garamil kobe mile win kobe te wan abilin kobe den miriin tenama dire, te gain kal pirungwa maangwa inin manaa di tenama dire, te omilin kane tawa milama dire, te milin nongwa abal milama dire, te kal wai ere ibal tenama dire, te winbi ka dungwa pire wiina ere tenama dire, abal dimanin kobe konagi iru erungwa main nil si abal garamil kobe tenamue. Abal garamil kobe kal main iru ere milangwa, ena ibal kobe God ka main gain ka si tenangwa, kuunin erekinamue.

Taitas 2:6

Di tenga mere, yal garamil kobe gain kal pirungwa maangwa inin manaa di tenama dire, kile kaman ka di yalin kobe to.

Yemis 4:6

Ka imore ta dikimba, God kal wai ere aa te wai ere na ibal kobe na tongwa main i wi yebe omue. Ongwa ka main minin ganin iru dire bilungwa paangwa, “Kule si warungwa ibal God yaa ime si terala dimba, mone di mile yaa ime si milungwa ibal yalini kal wai ere aa te wai ere tomua.”

1 Pita 1:13

Main iru paimia, ena nomanin suna ka milin elin si yere, te nomanin sigi di pire kalkan ero. Yesu Kirisito kwi ere ime ure u maribe nangwa kaun, kal wai ere i tenama di pire, pi tegi yeyo.

1 Pita 4:11

Yal ta ka main ta di ibal tenangwa, ena God kamil kaa kobaan yal i mile ka dinangwa paamue. Yal ta aa te wai konagi ere ibal tenangwa, ena God yobilaan bil pai yalini tongwa mere, aa te wai konagi ere tenangwa paamue. Yesu Kirisito kal erungwa pire kalkan para eringa deminin si God terala dire, konagi iru ere milanwe. Ena Yesu Kirisito iwe, ibal para deminin si yalini te milangure, te yalini yobilaan bile mile kenin ere ke mile milangwal milamue. I kawen.

1 Pita 4:7

Ena kamin te gariba kalkan para wei sinangwa kaun, kaya u maala omue. U maala omia, ena nomanin paangwa main pire erere, te gaynin kal piringa maangwa inin manaa di to. Ana di God te milala dire, kal iru ere milo.

1 Pita 5:5

I yal garamil kobe, ka main kol paangwa goma yongwa yal kobe iray ka dinangwa, pire wiina ere to. Ka main minin ganin iru dire bilungwa paangwa, “Kule si ware miinin maangwa ibal, God yaa ime si terala dimba, mone di mile yaa ime si milungwa ibal yalini ere wai ere tomua.” Ka iru dungwa paimia, ena i ibal kobe inin kaanin pire yebe erekire aa te wai ere inin inin te ibeya ero.

1 Pita 5:8

Nomanin sigi di pire kalkan erere, te i kanekun ere milo. I kayminin Satan mile ibal si nerala dire, bolima biin eli paangwa, kaan layon mere mile, kenan gule mile gariba baan baan para ware omue.

3 Yon 1:9

Na ka minin ganin bile ka main ibal taminin ta teiba, ibalin kobi singaba milala di pirungwa yal, kaan Dayoterepis, yalini milere, na ka digai, ta pirala pirekemue.