Orom 12:19 - Golin: God ka main buku

¹⁹ Na ye nego, yal ta kal ki ere i tenangwa, i maan ta ere kole erekio. Ta ere kole erekinanga main iwe, God ibal maan sinangure, ka main minin ganin iru dire bilungwa paangwa, “God Singaba ka iru dungwa, ‘Pirin paangwa na maan ere kole eralwa.’”

Orom 12:19 ပူးပေါင်းရင်းမြစ်များ

Matyu 5:39

Dimba na di i terala piro. Yal ta kal ki ere i tenangwa i maan ta sikio. Yal ta i pawnin wen kol sinangwa, ena i pawnin kora kol maa di to.

Orom 12:14

Ena ibal kobe gain giil pire i tenangwa, ena God kwi kal wai ere ibalin kobi tenama dire, ka sirin bile God to. Owa ka diga mere, gi di ero, gain ka si tekio.

Orom 12:17

Ibal ta kal ki ere i ibal kobe tenangwa, ena maan iru ta kwi ere tekio. Ibal para mile, “Kal i main wai paimua,” dungure, i kal iru kwi erala di piro.

Orom 13:4

Iru eranga main iwe, i ibal kobe pi wai milana dire, God konagi ye gabman tomue. Yalini gain giil pire i tenangure, yobilaan kirara bilemia, ena i kal ki eranga, kuril pire yalini tenanwe. Yalini God konagi ere tongwa yal milere, ibal kobe kal digan ere milungwa, God den gule ibalin kobi tongwa mere, yalini gain giil pire ibalin kobi tomue.

Epesas 4:27

Satan i kiranin sire kela kule i tekenama dire, i den ki yere ere warekio.

1 Tesalonaika 4:6

Main ta dibinga i yal ta kal digan ere enin ta ta tekere, te bawle tere enin kal ta kunibe ta ikio. Kamin kaya ka di i tere bigan kule yongwa mere, ka iru di i tobinga, ibal kobe kal iru erangwa, God sinamue.

2 Timoti 4:14

Ain yobilagi kal mirimil erungwa yal, kaan Alekanda, yalini kal digan wen ere na tomue. Ere na tongwa mere, God maan iru ere yalini tenamue.

Kibiru 10:30

Ka iru diga main iwe. God ka iru dungure pire bilungwa paangwa, “Na ibal kobe maan na sire tobe kuunin teralwa,” dire te, “God Singaba ka kol ere na ibalan gawlimanan teralwa,” dimue.