Orom 11:10 - Golin: God ka main buku

¹⁰ Te kal main ta kanekinama dire omilin si pere di tenangure milere, te taalime main main u maribe nangure aw si ware milangwal milama di piriwa.”

Orom 11:10 ပူးပေါင်းရင်းမြစ်များ

Orom 1:21

God milungwa ibalin kobe kanimba, deminin si maki ye God ta tekemue. Ta tekire nomanin pire du dungwa milere, te nomanin ta paikire kiraan gi dungwa milemue.

Orom 11:8

Kanekungwa iwe. Ka main minin ganin iru dire bilungwa paangwa, “Ibalin kobe omilin maale du dungwa mere milere, te main ta kanekinangwa, omilin iru kulere, te main ta pirekenangwa, kiraan iru kulere, te iru milama dire, God kal iru ere tongure, mili ungwa ungwa malia para imo iru mile paamua.”

Epesas 4:18

gibilin gune dungwa mere milere, main iray ere waremue. Warere kal main pire pol sikire, du kol warungwa main i aa i si milemia, ena God ibal mile painangwal painangwa main i maribe ere na tongwa, ibalin kobe kane pol ta sekemue.

2 Pita 2:17

Ena ka main kakiibi nil si tongwa yalin kobi milere, nil gibilin dainungwa mere, yalin kobi iru mere milemue. Te kawa pege gwi maare si i sutaw erungure, nimin sekungwa mere, yalin kobi ibal aa ki di tekungwa mere main iray mere mile waremue. Warungure ena yalin kobi kamin si bilungwa gul ime mile painangwal painama dire, God kal iru ere yalin kobi terala dimue.

2 Pita 2:4

Ena angel kobe taw kal digan ere taalime erungwa God kane gogo ta erekimba, pusi enderin gawl ai ali eremue. Erungure milere sibilungwa gul ime mile paangure ka kol ere tenangwa kaun, u maribe nama dire, kanin pai mile suul milemue.

Yut yalini ka minin ganin bile tongwa 1:13

Nil sungwa kaun eri arin te nil one eri si kire di nuule binan erungwa mere, yalin kobi kal taalime gay gulungwa kal erungwa i maribe eremue. Kulmama taw dime di kule dimba, kulmama taw kiruul sire gogo kule dungwa mere, yalin kobi iru mile warungure, ena yalin kobi kamin si bilungwa gul ime mile painangwal painama dire, God para iru ere yalin kobi terala dungwa paamue.

Yut yalini ka minin ganin bile tongwa 1:6

Te God angel kobe, “Baan ta kenin ere ke milo,” di tongwa mere ta erekire, te inin ain pisere ai baan ta ibal pi kule milemue. Eme kamin kaun bil ta, God ka kol ere ibalin kobi tenama dire, ibalin kobi sibilungwa gul ime mile, kanin pai milungwa mere milemue.