Matyu 7:24 - Golin: God ka main buku

²⁴ “Ena kile kaman ka di tobinga, i ibal taw kobe wiina pai tenangwa nomanin paangwa yal milamua. Milere, yal ta ogu dimin wai gul ogu kiingwa mere, yalini iru milamua.

Matyu 7:24 ပူးပေါင်းရင်းမြစ်များ

Matyu 12:50

Na Abe kamin mina milungwa, giraan wiina pai tongwa ibal kobe iwe, ena ibalin kobi na kebinanbi te alanbi te na mina mere milemua.” dungwa.

Matyu 16:18

Tomia ena ka iru di terala, i kaanin Pita dimua. (Yalini kaan Golin ka paangwa, Kobile.) I kobile mere milinga na ka main ibal maale sulu dinamua. Dinangure na iru erabinwa. Erabingire enderin gaul ai ibal, ka main ibal ta si main erekinamua.

Matyu 24:45

“Yal singaba nil konagi yal pi tegi yongure nil konagi yal i nomanin paangwa iwe. Nil konagi ibal kobe kenin ere mile kamin kaun kaun komina obin si tenama dire, singaba nil konagi yal ta paale suna ere irere, ere omua.

Matyu 25:2

Gi anan kole muru du dungwa milungure, te gi anan kole muru nomanin paangwa gi milemua.

Matyu 25:4

Te nomanin paangwa gi kobe, mugu ta para nil suule ire omua.

Matyu 25:9

Dimba nomanin paangwa gi kobe maan iru di tongwa, ‘I terabinba na enderin derin para u di gaanamia, ena i inin pi sitoa pire gibilin sinana po.’

Matyu 7:25

Nimin bilkaw sire nil sire gwi bilkaw maare ogu i si guru dirala di erimba, ogu i, ogu dimin wai mina kiingwa mama dimua.

Matyu 7:26

Kile kaman ka di tobinga, ibal taw kobe wiina pai tekenangwa nomanin paikungwa yal iru milamua. Milere, yal ta ogu dimin digan mina ogu kiingwa mere, yalini iru milamua.

Luku 11:28

Dimba Yesu maan dire iru dungwa, “I iru dinba, ibal kobe God ka dungwa pire wiina ere tenangwa, miriin go painamua.”

Yon Yesu guun kan ka minin ganin bilungwa 13:17

Ka di i tega main piringa, ena wiina eranga miriin painamua.

Yon Yesu guun kan ka minin ganin bilungwa 14:15

“Ena i yal kobe den miriin na tenanga, ena na kile kaman ka di i tega wiina eranwa.

Yon Yesu guun kan ka minin ganin bilungwa 15:10

Na kile kaman ka di tega wiina eranga, ena na denan miranan i yal kobe te milalwa. Te milalga mere iwe. Na Abe kile kaman ka di na tongwa wiina eriga, ena yalini den miriin na te milemua.

Yon Yesu guun kan ka minin ganin bilungwa 15:14

Na kile kaman ka di i tega wiina eranga, ena na ye nega kawen milanwa.

Orom 2:13

Ibal taw Mose kile kaman ka kiraan piramba, ibalini ka main i pire wiina ere tekenangwa, ena ibalini God milungwa mina kabin sire wai wen ta milekenamue. Iru ta milekenamba ibal taw Mose kile kaman ka pire wiina ere tenangwa, ena God mile, “Ibalini kabin sire wai wen milemua,” di tenamue.

1 Yon 2:3

God kile kaman ka wiina ere terabinga, ena yalini pire pol sibina di pirabinwe.