Matyu 6:9 - Golin: God ka main buku

⁹ Ana di God tenanga iru do. ‘Na Abe kamin mina milinga, i kaanin wi yebe namua.

Matyu 6:9 ပူးပေါင်းရင်းမြစ်များ

Matyu 10:29

Kauba dauna sutan i gibilin sirala erungwa kobile baa, toea taranta tenba, Abe mile kauba dauna taran i milama di pirangwa i milamua, te gulama di pirangwa i gulamua.

Matyu 23:9

‘Na Abe taran kamin mina milemua,’ dingi ena gariba gul yal ta, ‘Na abe,’ di tekio.

Matyu 26:29

Na kawen dirala i piro. Malia na nil wain nega mere, iru ta ama nekeralba, God kenin ere ke milungwa ai pi milalga eme kwi neralwa.”

Matyu 26:42

Direre ginin ta kwi pire ana dire iru dungwa, “Na Abe, ena giil malia piralga i painama di piranga, giil piralwa.”

Matyu 5:16

Enderin derin dongwa mere i ibal kobe ama iru milere kal wai ero. Eranga ibal kobe kanere deminin si Kamin Abe tenamua.

Matyu 5:48

I Kamin Abe wai wen milungwa mere, i iru milanga paamua.

Matyu 6:14

Dire Yesu ainere iru dungwa, “Ibal taw kobe kal digan ere taalime ere i tongwa pirin i gule ere tenanga, ena i kal digan ere taalime eringa, Nenin kamin mina milungwa pirin i gule ere i tenamua.

Matyu 6:6

Yalin kobe iru erimba, i ana konagi erala di pire, i ogu ala pire kol yaale i Kamin Abe ibal ta kanekungwa, ana di yalini to. Tenangire i Kamin Abe aal kule paangwa para main kanere, tobe i tenamua.

Matyu 7:11

I yal kobe digan milinba i kalkan wai dungwa i wanin abilin kobe terala di piringiwe. Ere tenga mere God ere mine ere i tongwa iwe. Ibal kobe mile ana di God tenangure kalkan wai kaan di Kamin Abe tenangwa ena tenangirawa.

Luku 15:18

Na alere pi na abe milungwa gul pire iru di yalini terabinga, Abe, i te God bole kal digan ere taalime ere i yasu teiwa.

Luku 15:21

Miingure wan iru dungwa, ‘Na abe, i te God bole kal digan ere taalime ere i yasu teiwa. I mile na wanan milemua, dinanga ta paikinamua.’

Luku 2:14

“Kamin gul mine wen ibe God deminin si tobingire taran milemua. Milere ibal wai pire tongure, ibalin kobe den miriin suna ura dinangure, yaa ime si milamua,” dungwa.

Yon Yesu guun kan ka minin ganin bilungwa 20:17

Dungure Yesu ka iru di abalini tongwa, “Na Abe milungwa gul kwi ole kaya pekega, ena i na aa tekio. Diiba i pi na enan kobe iru di to, ‘I Nenin na Abe, te i na God ena yalini milungwa gul ibe kwi ere nalwa.’”

Orom 1:7

I ibal kobe Orom ogu ai milingire, God den miriin i tere te yalini gawlin kobe i milana dire, paale suna ere ingure, i ibalin kobe ka minin ganin iray bile i teiwe. Abe God te Singaba Yesu Kirisito mile kenin wai ere i terere, te i denin miriin wai painana dire, kalin sui ere i ibal kobe terala di pire eremue.

Orom 8:15

Nil konagi ibal milungwa mere milere, te kuril pire God tongwa main kwi pirana dire, na ibal kobe iru ta milekebinwe. Ta milekebinba God wan abilin milabina dire, yalini Iban denan miranan suna pai milungure na ibal kobe mile, “Abe, na Abe,” dire di God tobinwe.

Galesia 1:1

Pol na milere Yesu nusi erungwa ongwa yal, Aposel ta, na miliwe. Na nusi erungure obinga iwe. Ibal kobe na nusi erekire, te konagi main iru painangwa mere “Ero,” di na tekemue. Di na tekimba Yesu Kirisito gulere aa tongure alungwa yal, na Abe God, te Yesu Kirisito inin bole na ka main konagi erama dire, na nusi erungure, obinwe.

Galesia 4:6

Yalini wan milinga, ibal kobe kane bawa dinama dire, God mile yalini Wan Iban nusi na tongure, den miriin suna mile, “Abe, na abe,” di tomue.

1 Timoti 6:16

Mile painangwal painangwa main yalini taran komin kanin milere, te yalini naabile aw dungwa ain milungure, ibal kobe yalini milungwa gul pi maala ta pekenangwa paamue. Ibal taran wen ta yalini ta kanekire, te kanala di namba, ta kanekinangwa paamue. Ibal kobe mile yalini kaan ai yebe dire deminin si tenangure, te yobilaan bile milangwal milamue. I kawen.

1 Pita 1:17

Ibal kobe kalkan erungwa mere kanere, God ka kol ere ibal tongwa, ibal kuunin kuunin milema di pire ere tomue. Iru tere milamia, ena i ibal kobe ana di God tere, “Na Abe,” di tenanga kaun, i gariba gul abila imo mile painanga kaun i deminin si gun ye God tenanga paamue.

Rebelesen 4:11

“Na Singaba te na Abe God i kalkan para muru ere yengire, te kal iray u maribe nama di piringire, u maribe pi milemua. Iru milemia, ena ibal para muru deminin si i tere, i kaanin gale yebe ere yobilaan pai i tenangwa i para kuunin erinwa.”

Rebelesen 5:12

Angel kobi iru mile geril bil dire iru dungwa, “Bolima Siipe Siipe Gawlin si gulungwa iwe, yobilaan pai yalini tere, te kalkan para muru tere, te nomanin pai tere, te yobilaan bil bile tere, te kaan gale yebe ere te maki yere deminin si tere, te kal iru ere yalini tenangwa kuunin paimua.”