Matyu 6:20 - Golin: God ka main buku

²⁰ I pisera, ta iwe, i ibal kobe kamin gul bona gana dungwa gul daibe daibe do. Dinanga gunagaan ta nekire, te maimbol ta sikire, te ibal ala pire kunibe nekenangwa paamia.

Matyu 6:20 ပူးပေါင်းရင်းမြစ်များ

Matyu 19:21

Dungure Yesu maan iru di tongwa, “I ibal dimi di milala di piranga, ena i pi bona aa te nenga ibal tere kobile moni ire aa te nekungwa ibal obin si to. Tenanga kamin gul bona gana aa te nere ure, na munan kol duulin bilo.”

Matyu 6:19

“I ibal kobe gariba gul bona gana dungwa gul i diibe diibe dinama dire erekio. Eranga gunagaan nere maimbol sire, te ibal ala pire kunibe inangwa paamia.

Maka 10:21

Dungure Yesu kanere den miriin wai ye tere, iru di tongwa, “Kal ta i erekinga, kal i eranga painamua. Pi i bona aa te nenga, ibal tere kobile moni ire kal aa te nekungwa ibal obin si to. Tenanga, kamin gul bona aa te nenanwa. Nere ure na munan kol duulan bilo.”

Luku 12:33

I kul gal bona para ibal tere kobile moni inanga, aa te nekungwa ibal kobi obin si to. Kalkan imo di painangwal painangwa aa gi do. Kamin gul bona gana dungwa gul i daibe daibe do. Dinanga u mege ta pikinangure, ibal ala pire kunibe nekenangure, te gunagaan para ta nekenamua.

Luku 18:22

Dungwa i, Yesu pirere ka iru di tongwa, “Kal ta i erekinga, kal i eranga painamua. Pi i bona aa te nenga ibal tere, kobile moni ire aa te nekungwa ibal obin si to. Tenanga kamin gul bona aa te nenanwa. Nere ure na munan kol duulan bilo.”

1 Timoti 6:17

Ena ibal kobe kulgal bona binanbile aa te nongwa kule si ta warekinama dire, kiraan aa tere ka nil si to. “Kulgal bona eme bile yaanamua,” di tere, yaanangwa, “Pi tegi yekio,” di to. Yekenamba kalkan para muru aa te nere wai pirabinga, God kalkan i na tongwa ena, “Yalini pi tegi yeyo,” di to.

1 Timoti 6:19

Ibalin kobe kal iru ere milangwa, ena eme kalkan wai mama dinama dire, i maribe ere i ku bile yenamue. Yenangwa mile pai wai i maribe ere mile painangwal painamue.

Kibiru 10:34

I ibal kobe ka main pire gi dinga, main i imo di painangwal painangwa wi yebe ongure, aa gi di piringa, ena kanin pai milungwa ibal kobe gain giil pirungwa, i ibalin kobi u taran pirere, te i kulgal bona aa te nenga, ibal aa girin di i ongwa kaun, i ibal kobe wai pire miriin painwe.

Kibiru 11:26

God eme kal wai ere na tenama di piremia, ena yalini iru nomanin si pirungwa, “Isipi ai kulgal bona te kobile moni aa te nerala pirekire, God ka main konagi erungwa yal Kirisito, gain giil pirangwa mere, pirala di piriga, wi yebe omua.”

Yemis 2:5

Na enan kobe, denan miranan i tega milinga, na ka di i terala piro. Kalkan aa te nekungwa ibal ka main aa te nere pire gi dinama dire, te God kenin ere ke milungwa ai, “Den miriin na tongwa ibal awli suna eralwa,” dire aan kere yongwa mere, awli pi suna erala dire, God kal aa te nekungwa ibal paale suna ere imue.

1 Pita 1:4

Pi tegi yobinga, ena God, “Kal wai ere na teralwa,” dungwa kal i na aa te nerabina dire, suul mile kane milebinwe. Kal wai ere na tenangwa iwe, kamin mina kalkan i kenin ere gule daalin ta sekenangure, te u digan ta pekenangure, te wai wen imo di painangwal painamue.

1 Pita 5:4

Kol iru egilanga, ena bolima siipe siipe kenin erungwa yal bil Yesu Kirisito u maribe pi ibal terere pare, “I konagi eringa paimua,” di i tere tobe i tenamue. Tobe tenangwa iwe, imo di painangwal painangwa tobe iru mere i tenamue.

Rebelesen 2:9

Taalime obin dongwa aw si waringa kanere, te i kalkan aa te nekinga para kaniiba, God kal wai ere i tongure i kalkan binanbile aa te nongwa ibal mere milinwa. Ibal taw, ‘Na Yuda ibal miliwa,’ dimba, kakiibi dire iru ta milekire, gain ka si i tongwa kaniwa. Ibalin kobi Satan ka main ibal taminin milemua.