Matyu 6:18 - Golin: God ka main buku

¹⁸ I iru eranga i komina mawal eringa ibal ta kanekinamba Kamin Abe ibal ta kanekungwa kanamua. Kanere aal kule paangwa para main kanere tobe i tenamua.

Matyu 6:18 ပူးပေါင်းရင်းမြစ်များ

Matyu 6:4

Aal kule ere tenanga, ena i Kamin Abe aal kule eringa para kanere, kal i tenamua.

Matyu 6:6

Yalin kobe iru erimba, i ana konagi erala di pire, i ogu ala pire kol yaale i Kamin Abe ibal ta kanekungwa, ana di yalini to. Tenangire i Kamin Abe aal kule paangwa para main kanere, tobe i tenamua.

Orom 2:6

Ibal kobe kalkan ere milungwa mere, God tobe maan tenangwa paamue.

2 Korin 10:18

Yal ta inin guun kan ware biinama dire, inin kaan gale yebe erungwa ta paikimia, yal ta konagi erungwa God kanere, “Wai pire gun ye i teiwa,” di yal i tenangwa paimue.

2 Korin 5:9

Iru pire dibinba, na abila mile pairabin mo, yalini bole milabin mo, i tamama. God Singaba na ibal kobe gun ye na tenama dire, konagi nega di erala di erebinwe.

1 Pita 1:7

I ka main pire gi dinga kirara kawen dinana di pirama dungure, gain giil pirinwe. Kobile gol di painangwal ta paikinamba, niminin mile dinam mo, dikinam mo, kanama dire, enderin suna ali galemue. I pire gi di Kirisito tenga main wi yebe pire, kobile gol yaa ime simba, pire gi dinga di painangwal painama dire para sua i kanamue. Kobile gol enderin ali galungwa mere, taalime main main i aw sire gain giil piringa sua i kanamue. Pire gi di milangal milanga, ena Yesu Kirisito kwi ure u maribe nangwa kaun, God deminin si i tere, te Kirisito naabile aw dungwa bole ere ye i terere, te ai yebe di i tenamue.

1 Pita 2:13

Ibal kobe yobilaan bile yal singaba tongure milungwa, ena Yesu Singaba main erungwa mere pire, yalin kobi ka dungwa pire wiina ere to. Kenin ere ke milungwa yal, yal bil wen Sisa ka dungwa pire wiina ere to.