Matyu 5:6 - Golin: God ka main buku

⁶ Ibal kobe God ka main konagi erala di pirungure maa yebe ongure, ibalin kobe miriin paamua. Paangure God kwi aine dinangure inangwa kuunin biinamua.

Matyu 5:6 ပူးပေါင်းရင်းမြစ်များ

Luku 1:53

Kenan gule milungwa ibal keba komina tongwa nomua. Nomba kal aa te nongwa ibal kal ta tekire, imore nusi erungwa ere omua.

Luku 6:21

I ibal kobe malia kenan gulungwa miriin paimua. Paire God kwi aine dinangure, inanga kuunin biinamua. I ibal kobe malia kay miinga miriin paimua. Paire waa gulanwa.

Luku 6:25

I ibal kobe malia nere kuubinin maanga, eke, miriin pirie. I kenan bil gule milanwa. I ibal kobe malia waa gulungwa, eke, miriin pirie. I muun bile kay miinanwa.

Yon Yesu guun kan ka minin ganin bilungwa 4:14

Dimba na nil kule teralga, nere kwi gulekenamua. Nil kule teralga, nere den miriin suna nil gibilin bilungwa mere dinangure, ena mile painangwal painamua.”

Yon Yesu guun kan ka minin ganin bilungwa 6:27

Komina ta bile yaanangwa nerala dire, konagi ta erekio. Dimba i mile painangal painanga komina nerala dire, konagi ero. God yobilaan sirin bile Na U Ibal Obinga Yal na tomia, ena komina iray i teralwa.”

Yon Yesu guun kan ka minin ganin bilungwa 7:37

Ena Yuda ibal erin kaun iray wei sinangwa kaun, kamin kaun i erin bilkaw milungure, Yesu ale milere gala dire iru dungwa, “Yal ta nil gulangwa, yal i na miliga gul ure nenana wo.

Rebelesen 7:16

Ibalin kobi kwi komina kenan ta gulekire, te nil kwi ta gulekinamua. Te are dongwa ibalin kobi kwi ta dekenangure, te kalkan nega wen dungwa ibalin kobi gain kwi ta dekenamua.