Matyu 4:3 - Golin: God ka main buku

³ Kiraan sire kela kule tongwa yal Satan, Yesu milungwa gul urere iru dungwa, “I God Wan kawo milanga, kobile i, u komina birete nama dire i ka di kobile i to.”

Matyu 4:3 ပူးပေါင်းရင်းမြစ်များ

Matyu 14:33

Yal kobe sipe ala milere deminin si Yesu tere iru dungwa, “I God Wan kawen milinwa.” dungwa.

Matyu 16:16

Sirin bile tongure, Saimon Pita maan dire iru dungwa, “I God konagi erungwa yal Kirisito milere, te mile painangwal painangwa Kobaan God, yalini Wan, i milinwa.”

Matyu 26:63

Iru sirin bilimba, Yesu pire unin si milungwa. Ka main kenin erungwa yal bil, kwi dire iru di tongwa, “God kwi mile paangwal paangwa, i pire maabinin mina aa taw sire i kirara kawen di na to. I God konagi erungwa yal Kirisito milino? Te i God Wan milin mo, milekene?”

Matyu 3:17

Ungure kamin mina ibe ka ta iru ere ime ungwa, “Yalini na Wanan teran milinwa. Kanere na gun ye wai pire teiwa,” dungwa.

Maka 1:1

God Wan Yesu Kirisito, yalini guun kan kawn kule u maribe ongwa.

Maka 3:11

Sia Yesu kanere i kwi bilere iru gala dungwa, “I God Wan milinwa.”

Maka 5:7

Yesu mile, “Sia milinga yalini pisere, ere mena wo,” dungwa sia iru gala bil dire dungwa, “God Yal Bil Wen Wan Yesu, na inan kanan paamia i kanin ta paimo? God mabin mina ka di teiwa. Giil na tekio.”

Luku 1:35

Dungure angel maan dire iru dungwa, “God Kegemama Iban ere ime ure i den miriin suna nangure, te God yobilaan bile kuman kinin si i tenamua. Tenamia ena gaan i kule yenanga ibal mile iru dinangwa, ‘Kabin sire wai wen milungwa yal mile, God Wan milemua.’

Luku 22:70

Dungure yalin kobe para ka iru di tongwa, “I God Wan milino?” Dungure yalini maan dire, “I ka iru dinwa,” dungwa.

Luku 4:3

Satan iru di Yesu tongwa, “I God Wan kawen milanga, kobile i u komina birete nama dire i ka di kobile i to.”

Luku 4:41

Sia kobe ibal den miriin suna milungwa ere mena pire gala iru dungwa, “I God Wan milinwa.” Dungure Yesu God konagi erungwa yal Kirisito, milema di sia kanemia, ena Yesu “Manaa dire dikio,” dire kawre di tere dungwa.

Luku 4:9

Ena dungure pare Satan yalini awli Yerusalem pirere, Yuda ka main ogu bil biriin bolin mina pi milere iru di Yesu tongwa, “I God Wan kawen milanga, i ole si yaa main so.

Yon Yesu guun kan ka minin ganin bilungwa 1:34

Dungwa mere kaniga, ena yalini God Wan milema di kaniwa,” dire Yon ka iru di ibal kobe tongwa.

Yon Yesu guun kan ka minin ganin bilungwa 1:49

Dungure Nataniel waa dire ka iru dungwa, “Nil si tongwa yalo, i God Wan milinwa, te na Isirel ibal kobe kenin erungwa yal bil para milinwa.”

Yon Yesu guun kan ka minin ganin bilungwa 20:31

Yesu mile God konagi erungwa yal Kirisito milere, te God Wan para milungwa, i ibal kobe iru pire gi dinana dire, na ka pore minin ganin biligi. Pire gi dinanga, ena Kirisito yobilaan bile i tenangure, dorimil wai wen mile painangal painanga.

Yon Yesu guun kan ka minin ganin bilungwa 9:35

Ena aa nusi mena erungwa Yesu pirere, waa duure kanere ka iru di tongwa, “U Ibal Ongwa Yal pire gi di teno?”

Aposel 9:20

Yalini gin taran Yuda ka main ogu ala iru bolin kule tongwa, “Yesu God Wan milemua.”

2 Korin 1:19

Diga main iwe, God Wan Yesu Kirisito ka main paangwa Sailas te Timoti te na para ka main i kere di maribe ere i ibal kobe tobingire, yalini ka gogo ta dikimue. Ta dikimba yalini ka taran wen dire, God giran pire wiina ere tongwa yal, milemue.

Galesia 2:20

Kirisito eri pera mina gulungwa iwe, gule na tongure milebinwe. Iru milebinga main iwe, kal digan ere taalime erebinga pirin gule ere na tenama dungure, iru milebinwe. Kal iru eremia, ena malia na kwi imo milebinga iwe, na inan nomanin paangwa mere, ta milekebinba, Kirisito nomanin nusi denan miranan suna ere na tongure milebinwe. Malia gariba gul maina mili obinga iwe, God Wan den miriin na tere gule na ibal kobe na tongwa, ena na pire gi di yalini tere mili obinwe.

1 Tesalonaika 3:5

Kal iru u maribe omia, ena na Timoti nusi i milinga gul ere i tobinwe. I ibal kobe bole ta milekebinga nigi de go pirebina, ena i pire gi dinga pi nima om mo, Satan i kiranin sire kela kule di i tongure, ka main konagi erebinga u main om mo, main iru pirabina dire, Timoti nusi ere i tobinwe.

Kibiru 12:16

Goma Aisaka wan kominin Iso milimba, kamin kaun taranta komina iru kuunin biingwa nerala dire, ka iru di kebin tongwa, “I komina ki na tenanga, ena abe kulgal bona aa te nongwa, wan kominin na muru iralba, i teralwa.” Iru dungwa kal piril sungwa erere, te main paikungwa kal erungwa mere, i iru ta ere milekerala dire, kanekun ere milo.

Kibiru 4:14

Ena ka iru diga paamia, ka main pire gi dire ka di gawa dibinga, ka main i aa gi di pire milabino. Iru milabinga iwe, ka main kenin erungwa yal bil milungwa mere, yalini yal singaba iru mile pi God milungwa gul pire, na ibal kobe kenin ere na te milemue. Ere milungwa yalini iwe, God Wan Yesu milemue.

Kibiru 7:3

Melkisedeke nen man te yalini sanamoi gilekume main paangwa, ka minin ganin ta di maribe erekimue. Te yalini kule nongwa kaun te gulangwa kaun, para di maribe ta erekimue. God Wan, Yesu, ka main kenin erungwa yal mile painangwal painangwa milungwa mere, Melkisedeke para iru kuunin milemue.

1 Yon 3:8

Satan goma wen kal digan ere taalime eremia, ena ibal ta kal digan ere taalime erangwa, ena ibal i Satan gawlin milamue. Iru main paamia, ena Satan konagi erungwa God Wan si i sutaw erama dire, yalini gariba gul u maribe omue.

Rebelesen 2:10

Kaun tawle mile pare, gaynin giil piranga, i kuril ta pirekio. I ibal taw ka main pire gi di milan mo, milekenan mo, sua i kanala dire, Satan i kanin sinamua. Sirere are kaun anan kole kole muru tawle gaynin giil piranwa. Na ka main aa gi di pire na te mile gulanga, ena i mile painangal painana dire, na kal iru ere i teralwa.