Matyu 27:56 - Golin: God ka main buku

⁵⁶ Kanungure Madala ai abal ta Maria milungure, te Yemis te Yosepe man Maria milungure, te Sebedi wan kobe man para milungwa.

Matyu 27:56 ပူးပေါင်းရင်းမြစ်များ

Matyu 13:55

Ogu miremil kiingwa yal wan tawle milin mo? Milemua. Maria wan milere, Yemis te Yose te Saimon te Yudas abinbi ta milekemo? Milemua.

Matyu 27:61

Madala ai abal ta Maria te Maria ta bole alia mile, kobile giran kaana amin di milungwa.

Matyu 28:1

Ena Sareba kaun wei sungure Sarebil kaun taanima wen are nol erungure, Madala ai abal ta Maria te Maria ta, pi yene yobilaan gul nala di ongwa.

Maka 15:47

Madala ai abal Maria, te Yose man Maria bole Yesu yongwa ai kanungwa.

Maka 16:9

[Ena Yesu gulere si kwi yere alere pare, Sarebil kaun i, kwimile taanima wen Madala ai abal Maria, yalini kanama dire i maribe erungure, abalini goma kanungwa. Goma sia anan kole muru kole sutan abalini den miriin suna milungure, Yesu sia iray maa si mena ere tongwa.

Luku 24:10

Madala ai abal ta Maria milungure, te Yoana milungure, te Yemis man Maria milungure, te abalin kobe te abal taw para kalkan kanungwa i, pi nusi erungwa ongwa yal kobe, Aposel, di maribe ere tongwa.

Luku 8:2

Abal taw kobe nibil erungwa aa te wai ere tere, te taw sia den miriin suna milungwa maa si mena erungure, abalin kobe Yesu bole para ongwa. Abal ta kaan Maria, abalini kaan kiibi Madala milungure, sia anan kole muru kole sutan abalini den miriin suna milungwa maa si mena erungwa.

Yon Yesu guun kan ka minin ganin bilungwa 19:25

Yesu eri pera si gulungwa main i, abal kobe iru pi ale milungwa. Yesu man te yalini man kebin te Kilopas ebinbi kaan Maria, te Madala ki paangwa abal Maria, abal iru pi ale milungwa.

Yon Yesu guun kan ka minin ganin bilungwa 20:1

Ena Sarebil kaun kwimile taanima wen kamin kama si dungure, Madala ai abal ta Maria pi yene yobilaan gul pirere, kobile milin kobile giran si pere dungwa kaya yawle erungure kanungwa.

Yon Yesu guun kan ka minin ganin bilungwa 20:18

Dungure ena Madala ai abal Maria, pi Yesu gawlima kobe milungwa gul pire, “Yesu Singaba kaniwa,” di yalin kobe tere te, “Ka iru di to,” dungwa mere di maribe erungwa.