Matyu 26:46 - Golin: God ka main buku

⁴⁶ Ale, ere nabina wo. Bale taal na sinangwa yal kaya maala umia, kano,” dungwa.

Matyu 26:46 ပူးပေါင်းရင်းမြစ်များ

Matyu 26:45

Dire pare gawlima kobe sutakobe milungwa gul ure, iru di tongwa, “I yal kobe ul painga iray kwi paino? Ena i iru piro. Na U Ibal Obinga Yal, yal ta bale taal sinangure kal digan ere taalime erungwa, yalin kobe na sinangwa kaun u maala omua.

Matyu 26:47

Ena ka iru di milungure, ena gawlima kobe anan kole kole muru kawnan milin sutan, yal ta kaan Yudas te ibal binanbile para, kuba te di kuba pera aa te ire u milungwa. Yuda ka main kenin erungwa yal bil kobe te singaba kobe, nusi erungwa u milungwa.

Maka 14:42

Bale taal na sinangwa yal kaya maala umia, kano,” dungwa.

Luku 12:50

Na gaynan giil piralga paamba, ole pirekire suna ali ku ku maa yebe umua. Umia ena gaynan giil malia pirala di piriwa.

Luku 22:15

Milungure Yesu ka iru di yalin kobe tongwa, “Komina bil iray i bole para nerabina dire kirara kawen piriwa. Nere pare eme giil piralwa.

Luku 22:21

“Ka iru dibinba i piro. Na bale taal sinangwa yal, na bole komina malia ne milebinawa.

Luku 9:51

God Yesu kamin ai awli nangwa kaun u maala ungure, Yerusalem nala dire nomanin tegi dungwa.

Yon Yesu guun kan ka minin ganin bilungwa 14:31

Abe denan miranan tega gariba ibal para pirama dire, Abe ka di na tongwa para wiina eriwa. “Ale, ere nabina wo,” dungwa.

Yon Yesu guun kan ka minin ganin bilungwa 21:20

Gawlima ta Yesu den miriin tongwa yal na mile, goma Yesu binan kole komina ne mile, “Singabo, ibena bale taal si i tename?” dire sirin bile Yesu tega. Na Pita muna kol ugire, Pita si kiruul sire na kanere

Aposel 21:13

Di tobinba yalini maan iru di na yal kobe na tongwa, “Kay miire kal miltere ere na tenga, na nomanin si kiruul sinama dire, tameran iru erine? Yerusalem ai ibal kobe na kanin sinangwa, iru tawle ere na tenangwa i ta maakinamua. Maakinamba, ‘Yesu kaan aa te yebe eriga ibalin kobe na si gulangwa, para paimua,’ diwa,” dungwa.