Matyu 26:29 - Golin: God ka main buku

²⁹ Na kawen dirala i piro. Malia na nil wain nega mere, iru ta ama nekeralba, God kenin ere ke milungwa ai pi milalga eme kwi neralwa.”

Matyu 26:29 ပူးပေါင်းရင်းမြစ်များ

Matyu 13:43

Kabin sire wai wen milungwa ibal kobe milere, God kenin erungwa ain suna are aw dungwa mere, aw dinamua. Ibal kiranin gi dikimia kiranin gule piro.”

Matyu 16:28

Na kawen di terala i piro. Ibal kobe taw malia abila milungwa ta gulekire, goma Na U Ibal Obinga Yal ibal kobe kenin ere ke milabina dire kwi urabinga, ibalin kobi goma kanere ena gulamua,” dungwa.

Matyu 18:20

Yal sutan mo sutakobe na pire u taminin milangwa, na para suna milabinwa. Milabinga, na Abe kamin mina milungwa kal iray i tenamua.” dungwa.

Matyu 25:34

Ena kenin erungwa yal bil iru di ibal anan wen kol milungwa teralga, ‘I ibalin kobe, na Abe miriin pai i tongwa, na miliga gul ere wo. God kenin ere ke milungwa ain i ala unanga, kama kaya wen gariba main ere yongwa aa te wai ere i tongwa i nenana dire, ere ala wo.

Matyu 26:28

Ibal kobe binanbile God bole guman kane ire u taran nama dire, na inan mayan garu diralwa. Te ibal kal digan ere taalime erungwa kire di erama dire, na inan mayan garu diralwa.

Matyu 26:30

Dire geril ta di pisere ere malge pire, kamin kuul Olibe ongwa.

Matyu 28:20

Na kile kaman ka para di i tega ibal kobe wiina erama dire, ka nil si to. Ta dirala piro. Kamin kaun kaun i bole morin morin mile pairalwa. Mili nalga, kamin te gariba para wei sinangwa kaun, na i bole mile pairalwa,” dire Yesu iru dungwa.

Maka 14:25

Na kawen dirala i piro. Malia na nil wain nega mere iru ta ama nekeralba, God kenin ere ke milungwa ai pi milalga eme kwi neralwa.”

Luku 12:32

“Bolima siipe siipe tawle taminin si milungwa mere, i yal kobe iru milinba kuril pire tekio. God kenin ere ke milungwa i ibal kobe bole milana dire, God iru pire dimua.

Luku 15:32

Dimba i kebininbi kaya gulema di pirebinba, malia u milere, te u baan ta ongwa kanekibinba, maliaga kanebinwa. Kanebinga ena komina bil ki nere para wai pirebinga, para paamua.’”

Yon Yesu guun kan ka minin ganin bilungwa 15:11

“Na wai pire miranan paiga mere, i yal kobe para iru milana dire, ka diga iray kaya di i yal kobe teiwa.

Yon Yesu guun kan ka minin ganin bilungwa 16:22

I yal kobe para iru wen milinwa. Malia i yal kobe miriin pire na tere nigi de pire milinba, na i kwi kanalga wai pire gun ye milanwa. Gun iru ye milanga, ibal kobe i sutaw ere i tekenamua.

Yon Yesu guun kan ka minin ganin bilungwa 17:13

Dimba malia i milinga gul kwi urabinga, ena na miriin paire gun ye milebinga mere, ibalin kobe iru milama dire, gariba gul mile ka iru diwa.

Aposel 10:41

Erimba ibal para ta kanekimua. Na yal kobe kanama dire, God na paale suna ere ingwa, ena na yal kobe tawle kanebinwa. Yesu gulere alungure pare, na yal kobe yalini bole komina te nil para nobinwa.

Kibiru 12:2

Na ibal kobe pire gi di God tobinga main iwe. Pire gi dibinga main i, Yesu kawn kule ere na tere, te pire gi di God te milabingal milabina dire, Yesu kal para iru ere na ibal kobe na tomue. Iru ere na tomia, ena Yesu nomanin tegi di milabinga, ena mile pai wai ere milabinwe. Yalini gain giil pirangure pare, miriin pai milala di piremia, ena eri pera mina si gulungwa, “Para paimua,” dire te “Gay gule milalga ta maakimua,” dimue. Malia yalini God kenin ere ke milungwa bol guman mina amin di milemue.

Rebelesen 14:3

God kenin ere ke milungwa bol ire, te kalkan sui sui kwi milungwa kobe ire, te yal singaba yal ta aan kawn muru na anan milin sui sui ire, te ibalin kobi guman mina ka dungwa piriga i, geril ta kwi di milemue. Ibal kobe geril ta kwi iray nil si ta pirekenamba, ibal binanwenbile kandret poti po tausen, geril iray nil si piramue. God yalin kobi gibilin sirala dire, yalini tobe bil tomue. Gariba kal pirungwa maangwa, yalin kobi manaa di tenama dire, tobe tomue.

Rebelesen 7:17

Ibalin kobi iru ere milangwa main iwe. Kenin ere ke milungwa ain suna Bolima Siipe Siipe Gawlin, Yesu Kirisito, milere ibalin kobi kenin ere terere nil gibilin bilungwa gul awli namua. Nil iray nenangwa, nil gulungwa kwi ta gulekire mile painangwal painamua. Ibalin kobi kay miingwa God miriin pire omilin duul kire di ere tenangwa, kay miingwa kwi ta miikinamua.”