Matyu 26:26 - Golin: God ka main buku

²⁶ Ena yal kobe komina nere milungwa, Yesu komina birete aa tere maki ye God tere, bege dire obin si yal kobe tere, iru dungwa, “Komina i, na miin te gaynan dimia, ire no.”

Matyu 26:26 ပူးပေါင်းရင်းမြစ်များ

Matyu 14:19

Ibal kobe kul ta paangwa gul amin di milama dire di tere, birete anan kole muru te nil kabe sutan aa tere, kamin mina ibe kane yebe ere God maki ye tere, komina birete bege di gawlima kobe tongure, gawlima kobe obin si ibal kobe tongwa.

Matyu 26:27

Dire pare nil wain sin kabe ta ire, maki ye God tere, suule obin si yal kobe tere iru dungwa, “I yal kobe para, nil i no.

Maka 6:41

Yesu birete anan kole muru te nil kabe sutan, aa tere kamin gul kane yebe ere God maki ye tere, komina birete bege di gawlima kobe tongure, gawlima kobe obin si ibal kobe tongwa. Tongure, yalini nil kabe sutan obin si ibal para muru tongwa.

Luku 22:17

Dire pare Yesu sin kabe ta ire maki ye God tere iru dungwa, “I ire obin si no.

Luku 24:30

Pirere komina nerala di erere, komina birete aa tere maki ye God tere, bege dire yal sutan tongwa.

Aposel 2:46

Are kaun kaun ibal kobe bole para pi Yuda ibal ka main ogu bil ala pire, ana di God tere te ogu dungwa dungwa mere komina birete bege dire nerere, te komina bole para obin si nere, gun yere wai wen pire milungwa.

Aposel 20:7

Ena Sare kaun gilaa komina birete bege dire nerabina dire, u ku bilebingire, erima ere nala dire, ka main di milungure, u gilaa taanima ongwa.

1 Korin 10:4

te God nil tongwa para nongwa. Nongwa nil i, kobile suna ali nil ungure nongwa. Kobile i God ibalin kobe tongure, kobile ibalin kobe bole para pire ena kobile iray we, Kirisito inin milungwa.