Matyu 25:34 - Golin: God ka main buku

³⁴ Ena kenin erungwa yal bil iru di ibal anan wen kol milungwa teralga, ‘I ibalin kobe, na Abe miriin pai i tongwa, na miliga gul ere wo. God kenin ere ke milungwa ain i ala unanga, kama kaya wen gariba main ere yongwa aa te wai ere i tongwa i nenana dire, ere ala wo.

Matyu 25:34 ပူးပေါင်းရင်းမြစ်များ

Matyu 13:35

Yesu iru di tongwa, “Ka kebe yal goma dungwa mere pire nima ongwa. ‘Ka di ibal teralga di bile diralwa. Goma gariba ere yongwa kaun, kalkan aal kule imo di paingwal paingwa, malia di maribe eralwa.’”

Matyu 19:29

Ibal kobe na wai pire, ogin gul te abinbi te kebinbi te alenbi te nen te man te gawlin te gariban kalkan kobi mere piserangwa, ena kalkan kobe binanbile, wan kandiret mere, inangure, te mile painangwal painama dire God iru ere tenamua.

Matyu 20:23

Dungure Yesu iru di tongwa, “Owa, ibal ki ere na tenangwa piralga mere i yasu para piranba, na daanan kole kole milo, di teralga na konagi ta paikimua. Na Abe, ‘Milo,’ dima di pirungwa mere milamua,” dungwa.

Matyu 21:5

“God iru dimia, ‘Sayon ogu ai gawlin kobe iru di to. I kenin erungwa yal bil i milinga gul unamua. Yalini kabin si milere bolima donki aw si ire unamua. Bolima donki gawlin kumil kwi aw si ire unamua.’”

Matyu 25:21

Dungure yalini kobaan yal iru di tongwa, ‘Kal para erinwa. Nil konagi yal wai mile wiina pai tere milinwa. Kalkan tawliga kenin eringa paimia, ena kalkan binanbile kenin erana dire, konagi i terabinwa. I ure na bole pena gale miriin paire gun yerabilwa.’

Matyu 25:23

Dungure yalini kobaan yal iru di tongwa, ‘Kal para erinwa. Nil konagi yal wai mile wiina pai tere milinwa. Kalkan tawliga kenin eringa paimia, ena kalkan binanbile kenin erana dire konagi i terabinwa. I ure na bole pena gale miriin paire gun yerabilwa.’

Matyu 25:40

Dinangure yal bil maan iru di terabinga, ‘Na kawen di terala i piro. Kalkan kan dibinga i na ibalan kobe digan milungwa ere tenga mere, i iru ere na tenwa.’

Matyu 25:41

“Ena ibal na anan kora kol milangwa iru di teralga, ‘God kal digan ere i tenga i ere baan ta po. Satan te yalini ka kebe ibal kobe, enderin de painangwal painangwa ai nangwa, i para po.

Matyu 27:37

Ka digwane waa tongwa piapa gibilin mina kol bile paalungure, ka minin ganin iru dilungwa, “Yal iray, Yesu milere Yuda ibal yal singaba bil wen milemua.”

Matyu 3:2

“God kenin ere ke milungwa kaun u maala umia, ena kal digan ere taalime eringa nomanin suna si kiruul so.”

Matyu 5:19

Ena iru paamia. Yal ta kile kaman ka i minin ganin taran wen wiina erekire, te ama iru nil si ibal kobe tenangwa, ena yal ta i God gawlima kobe suna muna kol namua. Dibinba Mose kile kaman ka yal ta wiina erere, te ama iru nil si ibal kobe tenangwa, ena yal ta i God gawlima kobe suna u guman kol namua.

Maka 10:17

Ena Yesu baan ta ere nala di ongure, yal ta Yesu guman mina bonin gwalin yaa gobin bile milere, iru sirin bile tongwa, “Nil si tongwa yal waiye, ta konagi wai erabinga mile pairabingal pairabine?”

Maka 10:40

Piranba, ‘Na daanan kole kole milo,’ di teralga na konagi ta paikimua. God, ‘Ibal iru milo,’ dima di pirungwa mere, milamua.”

Luku 11:28

Dimba Yesu maan dire iru dungwa, “I iru dinba, ibal kobe God ka dungwa pire wiina ere tenangwa, miriin go painamua.”

Luku 11:50

Iru eremia ena kama kaya wen God ka kebe yal si gule ungwa ungwa, ibal malia maalungwa pirin paingure, ena God ibal kobe malia maan sinamua.

Luku 12:32

“Bolima siipe siipe tawle taminin si milungwa mere, i yal kobe iru milinba kuril pire tekio. God kenin ere ke milungwa i ibal kobe bole milana dire, God iru pire dimua.

Luku 19:38

“Yal Bil ta, God ka dungwa kebe ere yuungwa God yal i miriin pai tenamua. Kamin gul mina ibal den miriin suna ura dungure, yaa ime si milamua. Te God deminin si tongure, taran milemua.”

Yon Yesu guun kan ka minin ganin bilungwa 1:49

Dungure Nataniel waa dire ka iru dungwa, “Nil si tongwa yalo, i God Wan milinwa, te na Isirel ibal kobe kenin erungwa yal bil para milinwa.”

Yon Yesu guun kan ka minin ganin bilungwa 12:13

Piremia ena ibalin kobe simil nima arin bale aa te irere, Yesu guman kol baan kanala di pire, aya maya, dire deminin si God tere iru gala dungwa, “Yal ta God ka dungwa kebe ere yuungwa yal i, God miriin pai yalini tomua. Isirel ibal yal bil God miriin pai yalini tomua.”

Yon Yesu guun kan ka minin ganin bilungwa 17:24

“Na Abe, ibalin kobe kobaan i milinba, ‘Kenin ero,’ di na tengire, na pi milalga ain ibalin kobe para pi milama di piriwa. Kamin kaya wen gariba ta ere yekebinga kaun, i den miriin na tenga, ena yobilaan bil bile na tenga ibalin kobe kanama dire, para pi milama di piriwa.

Yon Yesu guun kan ka minin ganin bilungwa 19:15

Dungure ibal kobe gala bil dire iru dungwa, “Awli baan ta pire si gulo. Awli baan ta pire si gulo. Eri pera mina si gulo.” Dungure Pailete ka iru di ibal kobe tongwa, “I ibal kobe yal bil eri pera mina na si gulama di pirino?” Dungure Yuda ibal ka main kenin erungwa yal bil kobe ka di kole ere iru dungwa, “Orom yal bil Sisa, na ibal kobe yal bil yalini taran milema di pirebinwa,” dungwa.

Aposel 15:18

God Singaba goma ka iray di maribe erere malia kwi dimua.’”

Aposel 3:26

God kal wai ere i terala dire, yalini nil erari yal Yesu inin paale suna ere ire, goma nusi ere i tomua. Kal ki eringa piserana dire kal wai ere i tomua,” dungwa.

Orom 8:17

Na God wan abilin milebinga, takal irabine? Yal dimanin kalkan aa te nongwa obin si wan abilin kobe tongwa mere, God kal wai ere na tere, Kirisito tenangwa mere, ere na tenamue. Na tenangwa iwe, Kirisito gain giil pirungwa mere, na ibal kobe gain giil iru mere pirabinga, ena eme Kirisito kamin mina naabile aw dungwa milungwa mere, para iru milabinga paamue.

1 Korin 15:50

Na enan kobe, na ka diga main iru paimia piro. Gariba ibal miin gain te mayan kule milungwa, pi God kenin ere ke milungwa ain ala ta pekenangure, te yobilagi maul si yongure, bile yaangwa milungwa kwi imo ta mile paikinamua.

1 Korin 2:9

Ta pirekimba ka main minin ganin iru dire bilungwa paangwa, “Ibal kal ta kanekire, te ta pirekire, te kal ta u maribe nama di pirekungure, kal i God aa tekun erere, den miriin yalini tongwa ibal ere terala dimua.”

1 Korin 6:9

Kabin sire wai wen ta milekungwa ibal, God kenin ere ke milungwa ai suna ta pekire, te kamin kabe ta ki nekenangwa, i ibal kobe ta pirekeno? I inin nomanin suna bawle te milingi, pisero. Yal abal kunibe ingwa kal main erungwa ibal mo, deminin si kobile galbale tere para ana di tongwa ibal mo, abal kunibe nongwa ibal mo, yal ta abal ingwa mere, yal ta pi yal ta ingwa ibal mo,

Galesia 5:21

te ibal ta kal aa te nongwa irala direre, te nil bia nere omilin maalere, te omilin maale gi abal kunibe ingwa main main erere, te kal digan iru para erungwa gain kal pirungwa maangwa kal i, i maribe eremue. Ka goma di i tobinga, ka iray kwi di i terabina piro. Ibal kobe kal main iru ere milangwa, ena ibalin kobi God kenin ere ke milungwa ain suna ali ta pekenamue.

Epesas 5:5

Ka ta di terabinga, kirara kawen u maribe nangwa piro. Yal ta abal kunibe inam mo, gi abal kane daan gule inam mo, kalkan para den inanin girangure kal iru ere waram mo, yalini kal main iru ta erangwa, God te Kirisito kenin ere ke milungwa suna ali ta pekenamue. Den inanin girungure ere warungwa iwe, galbale kobile deminin si tongwa mere, main iray iru mere ere ware, God mun kal waa tomue.

1 Tesalonaika 2:12

God kenin ere ke milungwa ain i pi suna milana dire, te yalini yobilaan bile naabilungwa bole para iru milana dire, God kal iru ere i terala dimue. Dungwa iray te God ka main i ibal kobe pire ware milanga, God i kane gun ye i tenama dire, ka iru di i tobinwe.

2 Timoti 2:12

Ka main aa gi di pire milabinga, ena yalini kenin ere ke milangwa kaun na ibal kobe yalini bole para kenin ere ke milabinwa. Na ibal kobe yalini ka dungwa di kile di mena erabinga, ena yalini para iru ere na ibal kobe na tenamua.

2 Timoti 4:8

Singaba Yesu Kirisito mile ka kol ere kuunin ere tongwa yal, kwi ere ime unangwa kaun, tobe na terala dungwa, na tenamue. Tobe na tenangwa iwe. Na kabin sire wai wen mile painama dire, kal iru ere tobe mere na tenamue. Na taran tawle iru na tenangwa tamama. Ibal kobe mile Yesu Kirisito kwi ere ime unama di pire, wai wen pire milungwa, ena yalini tobe kan diga i, ibalin kobi para iru tenamue.

Kibiru 1:14

Ka iru dungwa paamia, ena angel kobe milungwa main iwe. Angel kobe ibal iban mere mile, God nil konagi ere tenama dire, God ibalin kobi nusi kole kole eremue. God mile, “Ibal aa te pilaan pai teralgire, sigare kule u wai pi milamua,” dungwa pire angel kobe ibalin kobi aa ki di tenama dire, God nusi kole kole eremue.

Kibiru 11:16

kol iray ta pikire iru pirungwa, “Na gariba baan ta kamin ai nabinwa,” dire nomanin tegi dimue. Tegi dimia, ena ibalin kobi mile, “God milungwa na God milemua,” dungwa, God gay ta gulekimue. Ibalin kobi ai wai ta milama dire, God ogu ain iray aa tekun eremia, ena yalini gay ta gulekimue.

Kibiru 4:3

Na ibal kobe ka main pire gi dire pi tegi yobinga, ena God bole erin dorimil milebinwe. Milebinba Isirel ibal kobe kan diga iwe. God ka dungwa ka main minin ganin bilungwa mere, iru u maribe ongwa piro. “Na maabinan mina aa taw sire ka iru diga, ‘Ibalin kobi u na bole erin dorimil ta milekerabilwa.’” Yalini kamin te gariba kaya ere wei sire milimba, ka iru di Isirel ibal tomue.

Kibiru 9:26

Yuda ka main kenin erungwa yal bil ginin ta ta binanbile erungwa mere, Kirisito para iru erangwa, ena God kalkan ere yongwa kaun Kirisito yalini guli nangwa nangwa namba, iru erangwa tamama. Kamin kaun wei sinangwa kaun, malia yalini gin taran kirara u ibal ongwa, ibal kobe kal digan ere taalime erungwa, pirin gule ere terala dire, yalini inin mayan garu di tomue.

Yemis 2:5

Na enan kobe, denan miranan i tega milinga, na ka di i terala piro. Kalkan aa te nekungwa ibal ka main aa te nere pire gi dinama dire, te God kenin ere ke milungwa ai, “Den miriin na tongwa ibal awli suna eralwa,” dire aan kere yongwa mere, awli pi suna erala dire, God kal aa te nekungwa ibal paale suna ere imue.

1 Pita 1:9

God i nomanin te ibanin sigare kule u wai nanga, aa te pilaan pai i tenama dire, pire gi di Kirisito tenga, i para iru ire milina, ena miriin pai i tongure milinwe.

1 Pita 3:9

Ibal taw kal ki ere i tenangwa, i maan iru ere te kole erekio. Mo ibal taw ka su gale i tenangwa, ena i maan ka su gale te kole erekio. Ta erekire, ena God kal wai ere ibalin kobe tenama dire, i iru sirin bile God to. I iru ere ibalin kobe tenanga main iwe, Kal wai ere i tongwa i ibal kobe inana dire, God mile, “Na munan kol duulan bilana wo,” dire gala di i tomue.

Rebelesen 13:8

Bolima Siipe Siipe Gawlin si gulungwa, yalini buku ta ibal mile painangwal painangwa kaan bile paalemue. Gariba gul main ole ere yekungwa kaun, kaan i goma bile paalemue. Ibalin kobi taman, gariba ibal imo milungwa para muru, ana dire deminin si kabe biin i tenamue.

Rebelesen 17:8

Goma kabe biin i kwi milimba, malia ta milekemua. Ta milekimba, enderin gaul ai pisere ere yebe urala di eremua. Unangure pare, eme kirara wei sinamua. Ibal mile painangwal painangwa, ibalin kobe kaan gariba gul kaya ole ere yekungwa kaun, buku ta ali bile paalemua. Paalimba ibal kobe gariba gul mile kaan iru bile paalekungwa, ena ibalin kobi gariba gul milungwa kabe biin i kane buul kunamua. Goma kwi milimba, malia ta milekire eme u maribe namia, ena ibalin kobi kane buul kunamua.

Rebelesen 19:16

Yalini galsuna mina te kawn mina kaan ta iru bile paalungwa, “Gariba gul yal bil kobe milungwa, yalini yalin kobi goma yere pire yaa ime si te milere, te yal singaba kobe milungwa, yalini yalin kobi kenin ere ke milemua.”

Rebelesen 21:7

Ibal ta gariba kal pirungwa maangwa manaa di tere ka main pire gi di milangwa, ena na ibalini Nen God na milalgire, te yalini na wanan milamua.

Rebelesen 5:10

Ka main kenin ere milungwa ibal nil konagi ere God tenama dire, i kal iru ere ibalin kobi tenwa. Tengire ibalin kobi gariba gul kenin ere ke milamua.”