Matyu 25:1 - Golin: God ka main buku

¹ Ena Yesu ainere iru dungwa, “Kamin kaun iray gi anan kole kole muru enderin derin gale, abal ingwa yal unangwa pi, ‘Aya maya,’ dire guman yenangwa mere, God kenin ere ke milungwa iru mere milamua.

Matyu 25:1 ပူးပေါင်းရင်းမြစ်များ

Matyu 13:24

Yesu kwi di bile dire iru dungwa, “Yal ta milin wai komina gul yaalungwa mere, God kenin ere ke milungwa iru mere milemua.

Matyu 13:31

Yesu kwi di bile dire iru dungwa, “Eri koruul milin yal ta komina gul yaalungwa mere, God kenin ere ke milungwa iru mere milemua.

Matyu 13:38

Komina yaalungwa gul iwe, gariba ibal para muru milemua. Milin wai iwe, God kule yongwa kobe milemua. Te sulsi we, kal ki erungwa kobaan, ibalin kobe milemua.

Matyu 13:47

“Te ta ama iru. Ibal kobe nil kabe sungwa gal pusi pirin nil main ali erere, nil kabe main main sungwa mere God kenin ere ke milungwa main iru mere milemua.

Matyu 20:1

Dire Yesu iru dungwa, “Girepe kan gul kobaan kwimile taanima malge pire, nil konagi ibal konagi gul aa ki di tenama dire ongwa mere, God kenin ere ke milungwa iru mere milemua.

Matyu 22:2

“Yal bil ta abal gibilin si wan tere komina bil tongwa mere, God kenin ere ke milungwa iru mere milemua.

Matyu 25:7

gi kobe sigagu di alere, enderin derin galala dire aa tekun eremia.

Matyu 3:2

“God kenin ere ke milungwa kaun u maala umia, ena kal digan ere taalime eringa nomanin suna si kiruul so.”

Matyu 5:16

Enderin derin dongwa mere i ibal kobe ama iru milere kal wai ero. Eranga ibal kobe kanere deminin si Kamin Abe tenamua.

Matyu 9:15

Dungure Yesu iru di yalin kobe tongwa, “Yal ta abal inangwa kaun, yalini gawlima kobe guman yaare komina mawal ere milekungwa mere, na gawlimanan kobe ama iru ere milimba, kaun ta na awli nangure ena kaun iray, na gawlimanan kobe komina mawal ere milamua.

Yon Yesu guun kan ka minin ganin bilungwa 18:3

Kanemia ena Yudas eri main iray ongwa. Yuda ka main kenin erungwa yal bil kobe te Parasi kobe mile, “Simil nen te ka main ogu el kwi nu milungwa yal kobe awli po,” di Yudas tongure, yalini awli ongwa. Yalin kobe simil te kuba aa te ire pirere enderin derin aa te ire, te kewa gale ire ongwa.

Yon Yesu guun kan ka minin ganin bilungwa 3:29

Yal ta abal inangwa we. Abal pi yal milungwa gul ongure, te yal i ye nongwa pire unin si mile wai pire, abal ingwa yal i, tomua. Tongwa mere na ama wai wen pire Yesu teiwa.

Aposel 20:8

U ku bilungwa ai kiile ta mine, enderin derin binanbile gale paalungwa.

1 Korin 11:2

I ibal kobe morin morin na ka diga nomanin si pirere, te si aine aine di i tega wiina ere tenga, i kaanin gale yebe ere deminin si i teiwe.

2 Korin 11:2

I ibal kobe Yesu ka main pisere pi yal ta kulekenana dire, God miriin pire i tongwa mere, na para iru miriin pire i teiwe. Nen ta abilin gi biame awli pi bian erungwa yal tongwa mere, na i ibal kobe awli pi Kirisito aan mina teiwe.

2 Timoti 4:8

Singaba Yesu Kirisito mile ka kol ere kuunin ere tongwa yal, kwi ere ime unangwa kaun, tobe na terala dungwa, na tenamue. Tobe na tenangwa iwe. Na kabin sire wai wen mile painama dire, kal iru ere tobe mere na tenamue. Na taran tawle iru na tenangwa tamama. Ibal kobe mile Yesu Kirisito kwi ere ime unama di pire, wai wen pire milungwa, ena yalini tobe kan diga i, ibalin kobi para iru tenamue.

Taitas 2:13

Iru ere milabinga kaun, God yobilaan bilere aa te pilaan pai na tongwa yal, Yesu Kirisito, yalini naabile aw dungwa bole unangwa, kamin kaun i u maribe nama di pire, na ibal kobe pi tegi yobinga, kawen u maribe nama dire, suul mile kane milebinwe.

Rebelesen 14:4

Yalin kobe milungwa mere iwe. Yalin kobe abal ta ikimia, ena abal bole ta pai milekire dorimil mile paimue. Bolima Siipe Siipe Gawlin kol egilungwa mere, yalin kobi duulin bile pire kol iru egilemue. God te Bolima Siipe Siipe Gawlin yalin kobi kawn kule, paale suna ere irabila dire, tobe tomue. Yalin kobi gariba ibal main ki ta erekinama dire, tobe tomue.

Rebelesen 19:7

Bolima Siipe Siipe Gawlin abal ingwa kaun u bawa dungure, te abal i kalkan aa tekun eremia, ena na ibal kobe wai pire miinin maare yalini kaan gale yebe ere deminin si terabinwa.

Rebelesen 21:2

God ogin ain, Yerusalem ogin ain ta, kwi God milungwa gul kamin ai pisere ere ime ungwa kaniwe. Ibalin kobi mile ungwa mere iwe, abal yal terabina dire, egin wai gale tobinga mere, iru mere ere umue.

Rebelesen 21:9

Ena angel anan kole muru kole sutan kal ki ere ibal tongwa, pele bala ali ye maa muulungwa inin inin aa tongwa, angel ta i aa tere milungwa suna ure ka iru di na tongwa, “Abal yal ingwa, Bolima Siipe Siipe Gawlin abal ingwa, abalini i maribe ere i terala kanana wo.”

Rebelesen 4:5

Kenin ere ke milungwa bol suna dire kamin nege erungwa, te teli bilkaw dungwa, te kamin guru dungwa, i maribe eremue. Bol iray guman mina kewa anan kole muru kole sutan de dimue. Kewa dongwa iwe, God Iban anan kole muru kole sutan milemue.

Rebelesen 8:10

Angel sutan goma bu mugu bu dungure, malia ta ama bu dungure, kulmama bil ta maale kewa bil dongwa mere dere, kamin ai pisere yaa main simue. Nil nuule te nil gibilin si keli si taminin sutakobe erangwa, taminin ta i kulmama iray ere suna ali omue.