Matyu 23:8 - Golin: God ka main buku

⁸ Maamba i yal kobe ke kuunin milungure, te nil si i tongwa yal na taran wen milebinga, ena ‘Nil si tongwa yalo,’ di i tenangwa ta paikimua.

Matyu 23:8 ပူးပေါင်းရင်းမြစ်များ

Matyu 10:25

Iru paimia ena nil sungwa gaan kobe mile, nil si tongwa yal milungwa mere milala di pirangwa milamia, te nil konagi yal mile, na singaba yal milungwa mere milala di pirangwa milamia. Ena ibal kobe mile, ‘Sia yal bil kaan Bielsebul milinwa,’ iru di yal singaba ta tomia, ena gain ka bil si yalini gawliman kobe tenamua.

Matyu 17:5

Ka i di milungure kawa ta naabilungwa yobile suna erungure kawa ye suna erungwa ali ka ta iru dungwa, “Yalini na Wanan taran milemia nomanin wai tere, gun ye teiwa. Yalini ka dungwa piro.”

Matyu 23:10

I yal kobe singaba taran wen, na God konagi erungwa yal Kirisito milebinga, ena ‘Singabo,’ di i tenangwa ta paikimua.

Matyu 23:7

U ku bilungwa gul ongure, ‘Singabo,’ di gala dire te ‘Nil si tongwa yalo,’ di tongure wai pire miinin maamua.

Matyu 26:25

Dungure bale taal sinangwa yal Yudas iru di tongwa, “Nil si tongwa yalo, na i sirabin mo, sekerala di piria.” Dungure Yesu mile, “I iru dinwa,” di tongwa.

Matyu 26:49

Dire u bawa dire gin taran Yesu milungwa gul pire, “Singabo, mile dino,” dire guman mu dungwa.

Maka 10:51

Urere Yesu di yalini tongwa, “Kal ta i ere terabinga, takal nomanin si pirine?” Dungure omilin gi dungwa yal mile, “Singabo, omilan pilaa dinama di na nomanin si piriwa.”

Maka 11:21

Yesu ka di eri tongwa Pita nomanin si pire iru di Yesu tongwa, “Singabo, eri akola i manaa di tenga kengi sire gulemia kano.”

Maka 14:45

Dire u bawa dire gin taran Yesu milungwa gul pire, “Singabo,” dire guman mu dungwa.

Maka 9:5

Pita ka iru di Yesu tongwa, “Singabo, na yal kobe abila milebinga, wai pirebinwa. Are dine ogu bil sutakobe, ‘Kiyo,’ dinanga kiirabinwa. Ta i ki tere, ta Mose ki tere, ta Elaya ki terabinwa.”

Luku 22:32

Kal iru eramba, i pire gi dinga pisere erekinana dire, ana di God teiwa. I nomanin kwi si kiruul sire na kwi kulanga, ena i enin taw kobe yobilaan bile to.”

Yon Yesu guun kan ka minin ganin bilungwa 1:38

Yesu pol dire yal sui mun kol duulin bile ungwa kanere, ka iru sirin bile tongwa, “I yasu tameran une?” Dungure yal sui ka iru dungwa, “Arabai, (ka i Golin ka iru dungwa, Nil si tongwa yalo) i alde ki paine?”

Yon Yesu guun kan ka minin ganin bilungwa 1:49

Dungure Nataniel waa dire ka iru dungwa, “Nil si tongwa yalo, i God Wan milinwa, te na Isirel ibal kobe kenin erungwa yal bil para milinwa.”

Yon Yesu guun kan ka minin ganin bilungwa 11:8

Dungure gawlima kobe ka di kole ere iru dungwa, “Ka nil si tongwa yalo, malia Yuda ibal yal singaba kobe kobile kuba aa tere i sirala di erungwa, ain iray i kwi, ‘Nabina wo,’ dino?”

Yon Yesu guun kan ka minin ganin bilungwa 20:16

Dungure Yesu mile, “Maria,” dire kaan galungure, abalini si kiruul sire ka iru di Yesu tongwa, “Ka nil si tongwa yalo,” dungwa.

Yon Yesu guun kan ka minin ganin bilungwa 3:2

gilaa kaun ta Yesu milungwa gul urere iru di tongwa, “Arabayo, i nil si tongwa yal God nusi erungwa, na yal kobe kanebinwa. God yal ta aa ki dekenangwa, i kal eringa mere yal ta erekinamua. God i kawen aa ki di tomua.”

Yon Yesu guun kan ka minin ganin bilungwa 3:26

Di tongwa, ena Yon milungwa gul pire ka iru di yalini tongwa, “Arabayo, yal ta i bole Yodan nuule koliba kolibe milinga iray pirino? Yal ta milungwa mere iray, i pire dingiwe. Ena malia yalini nil bile ibal kobe tongure, ibal para yalini milungwa gul omua.”

Yon Yesu guun kan ka minin ganin bilungwa 4:31

Ena abal i ogin ain milungwa kaun gawl ima kobe kawan dire iru di Yesu tongwa, “Ka nil si tongwa yalo, i komina no mo.”

Yon Yesu guun kan ka minin ganin bilungwa 6:25

Pirere Yesu nil benge koli milungwa kanere ka iru di tongwa, “Nil si tongwa yalo, i genawna ereya une?”

Yon Yesu guun kan ka minin ganin bilungwa 9:2

Kanungure Yesu gawlima kobe ka iru sirin bilungwa, “Ka nil si tongwa yalo, yalini nen man kal digan ere taalime erungwa man paam mo, yalini inin kal digan ere taalime erungwa man paam mo, i ibena erima di pirine?”

2 Korin 1:24

Ka main pire dinga, “Ta eringa paimua, te ta eringa paikimua,” dire ka iru ta di i tekebinwe. Ta di tekebinga iwe. I ka main pire gi dinga, pi nima ongure, niminin mile ale milinwe. I ibal kobe wai pire miriin painama dire, na i bole kalkan ere konagi ere milebilwe.

2 Korin 4:5

Na yal kobe inan mile pai erebinga main, kere di maribe ere i ta tekere, “Yesu Kirisito mile na inan kobanan milemua,” di tere, te Yesu wai pirama dire, na yal kobe i nil konagi yal mile aa ki di i tobinwe.

Epesas 3:15

Abe God iwe, kamin te gariba ibal kobe kaan kaan para muru milungwa, yalini ibalin kobe inin inin kaan ye tongure milemue.

Pailimon 1:16

Dimba malia yalini nil konagi yal tawle ta milekungwi, na denan miranan yalini tegire, ka main enan kobe milungwa, yalini kaan wi yebe omue. Yalini iru mile paangwa pire kaniiba, i yalini pire tenanga iwe, goma yalini i nil konagi yal milimba, malia ka main gawlimanin para milangwiwe.

Yemis 3:1

Ena na enan kobe, i ibal kobe milinga suna yal taw binanbile ka main nil si tongwa yal milala di pirekio. Ka di i tega main iwe. God ka kol ere ibal tenangwa, ka niminin mile di ka main nil si tongwa ibal tenamba, ka iru di ka main nil si tekungwa ibal ta tekenamue.

1 Pita 5:3

Ka main ibal taminin i kenin erana dire, di i tongwa kenin eranga, ka dagi ta di tekire kenin ero. Ta di tekinanba, ibalin kobi ka main kol wai paangwa egilama dire, i kol iray goma yere egilo.

Rebelesen 1:9

Ena i ibal kobe ka main enin ta, na Yon miliwe. I na bole Yesu Kirisito gawliman milebilga, gain giil bole para pire milere, te yalini kenin ere ke milungwa suna bole milere, te ka main aa gi di pire milabingal milabinga bole milere, na ibal kobe iru milebilwe. God ka dungwa na kere di maribe erere, Yesu ka main kawen dungwa di gawa diga, ena ibal na nusi mena erere, “Pi pirin nil suna gariba ai mege kaan Patmos milo,” di na tongure, na u miliwe.

Rebelesen 19:10

Dungure angel iray singaba bil milema di pire, kawn mina yaa gobin bile ana dire deminin si yalini terala di eriiba, yalini ka iru di na tongwa, “I kal iru ere na tekio. I te i ka main enin kobe na para nil konagi ere Yesu tere, te Yesu ka main pire gi dire ka di gawa di tenga mere, na para iru milia, ena ana dire deminin si God to.” Ka iru di na tongwa piriga main iwe, Yesu ka main yalini inin di maribe ere ibal tongwa main, main i yobilaan bile ka kebe yal kobe tomue.

Rebelesen 22:9

yalini ka iru di na tongwa, “I kal iru ere na tekio. I te ka kebe yal kobe ka main enin kobe nil konagi ere Yesu tere, te ka minin ganin buku iray bile paalungwa, pire wiina eringa mere, na para iru milia, ena ana dire deminin si God to.”