Matyu 21:32 - Golin: God ka main buku

³² Nil bile tongwa yal Yon, ure i kol wai ta bala di i tomba, yalini ka dungwa aa gi di pirekingi. Dimba takis ingwa yal kobe, te yal maale ingwa abal kobe bole, aa gi di piremua. Pirungwa i kaninba, i nomanin suna si kiruul sikire, pire gi di tekinwa. Iru paangwa ena ibalin kobe goma namua,” dungwa.

Matyu 21:32 ပူးပေါင်းရင်းမြစ်များ

Matyu 11:18

Yon urere komina mawal ere nil wain para nekungure ibal para kane, ‘Yal du milemua,’ dimua.

Matyu 21:25

Yon nil bile tongwa main u maribe ongure, ibena yalini nusi erime? God nusi erim mo, ibal nusi ereme?” Dungure yalin kobe inin ka diria ere iru dungwa, “‘God nusi eremua,’ dirabinga yalini iru dinangwa, ‘Tameran yalini i pire gi di tekine?’

Matyu 21:31

Wan ena nen ka dungwa wiina ereme?” Dungure yalin kobe iru maan dire di tongwa, “Wan kominin eremua,” dungure Yesu iru di tongwa, “Na kawen di terala i piro. Kobile moni takis ingwa yal kobe, te yal maale ingwa abal kobe bole, God kenin ere ke milungwa ai suna goma namua. Nangure i eme nanba.

Matyu 5:46

I ye nenga tawle den miriin tenanga, God i wai pire tenamo? Tamama. Aya, kobile moni takis ingwa yal kobe para iru erungwiwe.

2 Timoti 2:25

Milere kaymin paale tongwa ibal ka di kuunin ere tenangwa, ka mone di di tenamue. Ibalin kobi kal digan erungwa, nomanin suna si kiruul sire ka main kawen dungwa pire pol sinama dire, God kol ta bala di tenama di pire, ka mone di di tenamue.

Kibiru 3:12

Na ka main enan kobe, i ibal kobe milinga suna, ibal ta nomanin gule daalin sire ka main pire gi dikire, mun kal waa God tenangwa mere, ibal ta iru ta milekenama dire, i kanekun ere milo.

2 Pita 2:21

Kabin sire kal wai erungwa main pire pol ta sikire, main i duulin bile ta erekinangwa, ena kal nigi dongwa eramue. Eramba main i kaya pire pol sire duulin bile erere, eme main i mun kal waa tere God kile kaman ka di tongwa piserangwa, ena kal nigi wen dongwa eramue.

Rebelesen 2:21

Abalini kal digan i erungwa, kwi nomanin suna si kiruul sinama dire, na kamin kaun taw kane gogo ere miliiba, abal i kal digan erungwa i main main piserala pirekire nomanin si kiruul si pirekemua.