Matyu 20:2 - Golin: God ka main buku

² Ibal taw kane, ‘Are kaun ta tobe bilungwa mere, kina taranta teralwa,’ dungure, ibal ‘Para kuunin eremua,’ dungure konagi erama dire, nusi girepe kan gul suna eremua.

Matyu 20:2 ပူးပေါင်းရင်းမြစ်များ

Matyu 18:28

“Ena yalini malge pire enin ta bole konagi aa ki di kobaan tongwa yal ta, kobile moni ten kina tawle goma tongure pirin paingure, ena naan aa gi dire iru dungwa, ‘Kobile moni tega malia i maan na to.’

Matyu 20:1

Dire Yesu iru dungwa, “Girepe kan gul kobaan kwimile taanima malge pire, nil konagi ibal konagi gul aa ki di tenama dire ongwa mere, God kenin ere ke milungwa iru mere milemua.

Matyu 20:13

Dimba komina gul kobaan maan iru di yal ta tongwa, ‘Ye nega, ena i piro, i konagi are kaun ta eringa, kina taranta para kuunin eremua, dinga na kobile kunibe ikibinwa.

Matyu 20:3

Are taw suna ongwa, nain kilok, yalini kwi malge pire yal taw imore milungwa kanere, iru di tongwa,

Matyu 20:9

Nil konagi ibal are pi pera waangure, paib kilok, kawn kule konagi erungwa, yal taran taran kina taranta tongure imua.

Matyu 22:19

Kobile moni takis terabinga, ta ire yuungire na kanalwa.” Dungure ta yuungure kanere

Matyu 9:37

Terere iru di gawlima kobe tongwa, “Komina milin binanbile bol yomba ibal bulangwa tawlita milemua.

Maka 12:15

Dimba, bawle terala dungwa Yesu pirere iru di tongwa, “Tameran i na suan i kanine? I kobile moni ta ire yuunangire na kanalwa,” dungwa.

Luku 1:15

Wai wen pirangwa main iwe. God wai pire gun ye yalini tenangure, te nil wain te nil gi kiingwa para ta nekenamua. God Kegemama Iban yalini den miriin suna u painangure, sipapa sire yobilaan bile tenamua. Yalini man den miriin suna milungwa para iru milamua.

Luku 10:35

Paire kamin taangure, kwimile Sameria yal i, pi ogu kobaan kina sutan tere iru di tongwa, ‘I yalini kenin ere gule ere milo. Komina gibilin sinanga malia kobile moni i tega i kuunin erekinamia, ena na kwi abila uralga kobile maan i te ain eralwa.’”

Luku 20:24

“Kobile moni milin ta ire yuunangire kanalwa. Kobile moni bolimina ibal milungwa, ibena guman mere kaan paame?”

2 Timoti 3:15

te goma gamege milinga kaun ka main milin buku wai wen dungwa ali ka minin ganin bile paalungwa pire pol si milinga para kaninga, ena aa gi di pire ere milo. I ibal kobe pire gi di Kirisito Yesu tengire, God aa te pilaan pai i tongure, sigare kule u wai nana dire, goma gamege milinga ka main minin ganin iray main di maribe ere i tomue.

Rebelesen 6:6

Kalkan sui sui kwi milungwa kobe milungwa suna ka ta uma di pire, ka iru dungwa, “Keba taranta twenti kina bilungure, te dodal sutakobe ama twenti kina bilemua. Iru inanga paamba, eri niriin te nil wain tobe di mine ere ikio.”