Matyu 2:2 - Golin: God ka main buku

² U bawa dire iru sirin bile tongwa, “Gaan ta Yuda ibal singaba bil milangwa, malia alde kule nome? Na yal kobe kobil kamin milebinga kulmama ta, yal bil iray u maribe ongwa kanere, ana dire deminin si terabinwa.”

Matyu 2:2 ပူးပေါင်းရင်းမြစ်များ

Matyu 2:3

Yal bil Kerodi pirungure yalini te Yerusalem ibal para nigi de pirungwa.

Matyu 21:5

“God iru dimia, ‘Sayon ogu ai gawlin kobe iru di to. I kenin erungwa yal bil i milinga gul unamua. Yalini kabin si milere bolima donki aw si ire unamua. Bolima donki gawlin kumil kwi aw si ire unamua.’”

Matyu 27:11

Ena Orom yal bil milungwa gul Yesu ale milungure, yalini iru sirin bile Yesu tongwa, “I Yuda ibal yal singaba bil milino?” Dungure Yesu mile, “I iru dinwa,” dungwa.

Luku 19:38

“Yal Bil ta, God ka dungwa kebe ere yuungwa God yal i miriin pai tenamua. Kamin gul mina ibal den miriin suna ura dungure, yaa ime si milamua. Te God deminin si tongure, taran milemua.”

Luku 2:11

I sanamoi Debiti ogin ain gilaa iray, gaan ta kule nomia. Gaan i God konagi erungwa yal, Kirisito Singaba milere aa ki di i tenangure, sigare kule u wai nanwa.

Luku 23:3

Dungure Pailete ka iru sirin bile Yesu tongwa, “Yuda ibal yal bil i milino?” Dungure, “I iru dinwa,” dungwa.

Luku 23:38

Yalini gibilin mine kol piapa bile paalungure, minin ganin iru bilungwa, “Yuda ibal yal singaba bil wen milemua.”

Yon Yesu guun kan ka minin ganin bilungwa 1:49

Dungure Nataniel waa dire ka iru dungwa, “Nil si tongwa yalo, i God Wan milinwa, te na Isirel ibal kobe kenin erungwa yal bil para milinwa.”

Yon Yesu guun kan ka minin ganin bilungwa 12:13

Piremia ena ibalin kobe simil nima arin bale aa te irere, Yesu guman kol baan kanala di pire, aya maya, dire deminin si God tere iru gala dungwa, “Yal ta God ka dungwa kebe ere yuungwa yal i, God miriin pai yalini tomua. Isirel ibal yal bil God miriin pai yalini tomua.”

Yon Yesu guun kan ka minin ganin bilungwa 18:37

Dimia ena Pailete mile, “I ka iru dina, ena i gariba ta yal bil milino?” dungure Yesu ka di kole ere iru dungwa, “I ka iru dingi, na iru ta dikiwa. Kirara kawen dungwa na dinama dire, na mina na kule yongure, gariba gul u maribe pi miliwa. Kirara kawen dungwa mere, ibal main i pirungwa, ibalin kobi na ka diga piremua.”

Yon Yesu guun kan ka minin ganin bilungwa 19:19

Pailete ka minin ganin bile eri pera bolimina si paalere ka iru dire bilungwa, “Nasarete ai nen Yesu, Yuda ibal yal bil wen milemua.”

Yon Yesu guun kan ka minin ganin bilungwa 20:28

Dungure Tomas maan dire ka iru di tongwa, “I na Singaba mile te na God para milinwa.”

Yon Yesu guun kan ka minin ganin bilungwa 5:23

Ibal kobe Nen kaan gale yebe erungwa mere, ibalin kobe Wan kaan gale yebe erama dire, Nen konagi iru ere Wan tomua. Ibal kobe Wan kaan gale yebe erekungwa, ena ibalin kobi Nen para kaan gale yebe erekimua. Nen Wan nusi eremia, ena ibalin kobe Nen para kaan gale yebe erekimua.

Yon Yesu guun kan ka minin ganin bilungwa 9:38

Dungure yalini mile, “Singabo, na pire gi di i teiwa,” di tere, ana di deminin si Yesu tongwa.

Kibiru 1:6

God yalini Wan kominin nusi gariba gul erala di ere milungwa kaun God ka iru dungwa, “Na angel kobe para muru ana dire deminin si Wanan tenangwa paamua.”

Rebelesen 22:16

“Ena na Yesu mile ka main ibal taminin ta ta para ka dungwa i, pirama dire, na inan angel ta nusi ime eriwa. I sanamoi Debiti yalini komin kanin na milere, te yalini gawlin na para miliwa. Te kulmama kwimile taanima de dungwa, Mebil iray de dungwa mere, na mile aw di i te miliwa.”