Matyu 2:11 - Golin: God ka main buku

¹¹ Pi ogu ala pire gaan, te man Maria bole kanungwa. Kanere yaa gobin bile mile ana di deminin si tongure pare, kul gal bona tenama dire gal yawlere, kobile moni gol te paula ta minanin wai sungwa, te wel ta tobe bil bilungwa, gaan tongwa. Terere ul kiibi kanungure God mile,

Matyu 2:11 ပူးပေါင်းရင်းမြစ်များ

Matyu 1:18

Yesu Kirisito u maribe ongwa main iru paangwa. Yosepe, Yesu man Maria tobe kaya tomba ta i pikungwa. Pikungure God Kegemama Iban kal guman kwi dungwa eremia, Maria digan sungwa kanungwa.

Matyu 12:46

Ena Yesu ka di ibal te milungwa, Yesu man te kebin kobe u bawa dire malge mile, “Yesu ka di terabina wo,” dungwa.

Matyu 14:33

Yal kobe sipe ala milere deminin si Yesu tere iru dungwa, “I God Wan kawen milinwa.” dungwa.

Matyu 2:10

Kulmama kanungwa ena wai pire miriin paangwa.

Matyu 2:2

U bawa dire iru sirin bile tongwa, “Gaan ta Yuda ibal singaba bil milangwa, malia alde kule nome? Na yal kobe kobil kamin milebinga kulmama ta, yal bil iray u maribe ongwa kanere, ana dire deminin si terabinwa.”

Luku 2:16

Dire mugu di pire waa duure kane kole kole erere, Maria te Yosepe kanere, te gaan i bolimakau komina nongwa bol mina pai milungwa para kanungwa.

Luku 2:38

Yesu nen man u milungwa kaun i, abal dimanin i u bawa dire maki ye God tere, te God Yerusalem ibal aa ki di tere tobe tongure ere ain nama di pirungwa ibal kobe, abalini Yesu mile pai erungwa main di maribe ere ibalin kobe tongwa.

Yon Yesu guun kan ka minin ganin bilungwa 19:39

Yal ta kaan Nikodimas goma wen gilaa kaun ta pi Yesu milungwa gul ongwa, malia yalini Yosepe bole pirere, eri sutan kaan mea te alos, niriin minanin wai sungwa kule yuungwa. Eri niriin iray obin wen dongwa.

Rebelesen 19:10

Dungure angel iray singaba bil milema di pire, kawn mina yaa gobin bile ana dire deminin si yalini terala di eriiba, yalini ka iru di na tongwa, “I kal iru ere na tekio. I te i ka main enin kobe na para nil konagi ere Yesu tere, te Yesu ka main pire gi dire ka di gawa di tenga mere, na para iru milia, ena ana dire deminin si God to.” Ka iru di na tongwa piriga main iwe, Yesu ka main yalini inin di maribe ere ibal tongwa main, main i yobilaan bile ka kebe yal kobe tomue.

Rebelesen 5:8

Ingwa kaun i, kalkan sui sui milungwa ire, te yal singaba yal ta aan kawn muru te na anan milin sui sui ire, te yalin kobi bole, Bolima Siipe Siipe Gawlin iray kawn yaa gobin bilemue. Yalin kobi inin inin tabale bil ta gita mere dungwa aa tere, te pele bala ain yobilagi gol ere yongwa, ulgu minanin wai sungwa ali yongwa, para aa tomue. Ulgu minanin wai sungwa main iwe, God ibalin gawliman kobe ana di God tongwa mere, ulgu minanin iray di bilemue.