Matyu 18:8 - Golin: God ka main buku

⁸ “I kawnin mo anin erina kal digan ere taalime eringa i, di keli sire piseranga mere i kal digan i pisero. I anin kawnin sui para wai imo dungwa, enderin gaul ai nanga ta paikinamba, i anin kawnin ta diman dinangure kamin ai mile painanga ena iru painamua.

Matyu 18:8 ပူးပေါင်းရင်းမြစ်များ

Matyu 17:27

Paikinamba, nigi de pire na yasu ta tekinangwa, ena i nil benge pire nil kabe sungwa kan pusi nil ali ere, nil kabe goma sinangure giran ali aa paule kananga, kobile moni dinamua. Ka main ogu kobile takis pi kobile i tenanga, na te i takis terabinga mere kuunin painamua,” dungwa.

Matyu 25:41

“Ena ibal na anan kora kol milangwa iru di teralga, ‘God kal digan ere i tenga i ere baan ta po. Satan te yalini ka kebe ibal kobe, enderin de painangwal painangwa ai nangwa, i para po.

Matyu 25:46

Iru dirabingire ena yalin kobe giil bilkaw wen pire milangwal milamba, kabin sire wai wen milungwa ibal kobe, mile painangwal painamua,” dire Yesu iru dungwa.

Luku 14:33

Iru paimia ena i ibal kobe kal para aa te nenga mun kal waa tekenanga, ena na gawlimanan kobe ta milekenanwa. Mun kal waa tenanga, ena na gawlimanan milanwa.

Luku 16:24

iru gala dungwa, ‘Abe Ebarakam, miriin pire na to. Enderin ai mile giil bilkaw piriga, ena i Alasaras nusi erangure, yalini aan milin taran nil si bawre kule tenangure, na girabilanan mina aa tenangure gwi kiinamua. I iru ere na to.’

Orom 13:12

Si bilungwa gul milebinga kaun iray wei sirala di erungure, kamin naabile aw dungwa kaun u maala omia, ena si bilungwa gul kal ki erebinga pisere, naabile aw dungwa gul kal wai dungwa aa gi di pire ere warabino.

Rebelesen 14:10

ena God den gule ibalin kobi tenangure piramua. Den gule tenangwa iwe, den tawle ta gule tekenangwi, kawen kirara den gule ibalin kobi tenamua. Ibal kobe ana dire deminin si kal sui iray tenangwa, enderin galungwa te kobile ta kaan salpa, gale paalungwa, ibalin kobi dere God angel wai wen milungwa kobe te Bolima Siipe Siipe Gawlin guman mina gain giil pire milamua.

Rebelesen 20:15

Ibal mile painangwal painangwa ibalin kobi kaan buku ta mina bile paalimba, ibal taw kobe kaan buku iray mina ta bile paalekenangwa, ena God ibalin kobi pusi enderin de painangwal painangwa ai eremue.

Rebelesen 21:8

Dimba ibal yobilaan ta bilekire na ka di kile di mena erungwa ibal, te ka main aa gi di pirekungwa ibal, te kal piril sungwa erungwa ibal, te ibal si gulungwa ibal, te yal abal kunibe ingwa ibal, te kankiray erungwa ibal, te kobile galbale deminin si tongwa ibal, te kakiibi kobaan, ibal para iru kobile kaan salpa enderin de painangwal painangwa ain milangwa paimua. Ain iray milangwal milangwa kawen kirara gulamua.”