Matyu 17:27 - Golin: God ka main buku

²⁷ Paikinamba, nigi de pire na yasu ta tekinangwa, ena i nil benge pire nil kabe sungwa kan pusi nil ali ere, nil kabe goma sinangure giran ali aa paule kananga, kobile moni dinamua. Ka main ogu kobile takis pi kobile i tenanga, na te i takis terabinga mere kuunin painamua,” dungwa.

Matyu 17:27 ပူးပေါင်းရင်းမြစ်များ

Matyu 17:26

Sirin bilungure Pita, “Baan ta ibal tomua,” dungure ena Yesu iru di tongwa, “I iru dingi, ena enin kobe tekenangwa paikinamua.

Matyu 18:6

“Gamege iru pire gi di na tongwa iwe. Yal ta ure kakiibi di kela kula tenangure gaan i kal digan ere taalime erangwa, ena gain giil bilkaw piramua. Kela kula tongwa yal i, kobile bilkaw naan mina kan sire pusi pirin nil ali erangure, sagu dire gulangwa paimua.

Matyu 18:8

“I kawnin mo anin erina kal digan ere taalime eringa i, di keli sire piseranga mere i kal digan i pisero. I anin kawnin sui para wai imo dungwa, enderin gaul ai nanga ta paikinamba, i anin kawnin ta diman dinangure kamin ai mile painanga ena iru painamua.

Matyu 5:29

“I omilin wen kol kanina kal digan ere taalime eringa ena i omilin wole eranga mere, kal digan i pisero. I gain kal para wai imo dungwa enderin gaul ai nanga ta paikinamba, i gaynin kal ta u nangwa kal digan ere taalime erekinanga, ena wai painamua.

Matyu 5:30

I anin wen kol erina kal digan ere taalime eringa, ena anin de keli sire piseranga mere, i kal digan i pisero. I gain kal para wai imo dungwa enderin gaul ai nanga ta paikinamba, i gaynin kal ta u ongwa kal digan ere taalime erekinanga, ena wai painamua.

Maka 9:42

Ena Yesu ainere ka iru di gawlima kobe tongwa, “Gamege iru ta pire gi di na tongwa iwe. Yal ta ure kakiibi dire kela kule tenangure, gaan i kal digan ere taalime erangwa, ena gain giil bilkaw piramua. Kela kule tongwa yal i, kobile bilkaw naan mina kan sire, pusi pirin nil ali erangwa paimua.

Maka 9:43

I anin erina kal digan ere taalime eringa ena anin di keli sire piseranga mere, i kal digan i pisero. I anin taran kule milere kamin ai mile painanga para wai dimba, i anin sutan kule milere gawl ai te enderin de paangwal paangwa nanga, ta paikinamua.

Luku 17:2

Ka main ibal imore milungure, yal ta ure kakiibi di kela kule tenangure, ibalin kobi kal digan ere taalime erangwa, ena kela kule tongwa yal i kobile naan mina kan sire pusi pirin nil erangwa paimua.

Yon Yesu guun kan ka minin ganin bilungwa 6:61

Dimba gawlima kobe nigi de pirungwa, Yesu inin nomanin si pirere ka iru di tongwa, “Ka diga i pirere ka main i munin kol erano?

Orom 14:21

Na kabe nerabin mo, nil bia te nil wain nerabin mo, kal ta erabinga, yal ta kanere ka main paangwa mere, ta erekire kal piril sungwa erangwa iwe. Iru ta erekinama dire, komina iray ta nekire kal iru ta erekirabinwe.

1 Korin 8:13

Komina ta nerabinga, na enan kobe kal digan ere taalime eramia, ena na inan kabe ta nekerabinga, na enan kobe kal digan ere taalime ta erekinama dire, kabe ta nekerabinwe.

1 Korin 8:9

Iru painamba i kanekun ere milo. “Kabe si gale galbale kobile tongwa iray nerabinwa,” dinanba, ka main pire gi tawliga dire niminin ta milekungwa ibal kanere, kal digan ere taalime ta eramue. Ta erekinama dire, i kanekun ere milo.

2 Korin 6:3

Na ibal kobe ka main konagi erebinga, ibal taw kobe kane nigi de pire na tekenama dire, kal piril sungwa ere ibalin kobi ta tekebinwe.

2 Korin 8:9

Singaba Yesu Kirisito kal wai ere ibal tongwa main, i pire pol singiwe. Yalini kalkan para wen kobaan yal milimba, God i ibal kobe nomanin wai tongure milana dire, ere ime ure u ibal pire kalkan aa te nekungwa mere omue.

1 Tesalonaika 5:22

Te kal ki erungwa kal i kananga, i kirara wen ta erekio.

Yemis 2:5

Na enan kobe, denan miranan i tega milinga, na ka di i terala piro. Kalkan aa te nekungwa ibal ka main aa te nere pire gi dinama dire, te God kenin ere ke milungwa ai, “Den miriin na tongwa ibal awli suna eralwa,” dire aan kere yongwa mere, awli pi suna erala dire, God kal aa te nekungwa ibal paale suna ere imue.