Matyu 12:45 - Golin: God ka main buku

⁴⁵ Iru kanere pare, kwi ere pire, sia anan kole muru kole sutan awli milungwa gul urere, sia para yal den miriin suna pai milamua. Sia ta goma milangwa kal ki ere milamba, sia eme unangwa ki wen ere milangwa, ena yal iwe, goma yal i tawlita wai ere milimba, eme wai ta milekire, nigi wen de pire milamua. Iru erangwa mere, ibal malia maalere ki ere milungwa para, iru ere tenamua.”

Matyu 12:45 ပူးပေါင်းရင်းမြစ်များ

Matyu 12:24

Dungure Parasi kobe pirere iru di tongwa, “Sia bil wen kaan Bielsebul, Yesu nomanin suna milere aa ki di tongure, sia maa si mena eremua.”

Matyu 12:44

iru nomanin si pirangwa, ‘Ogu ta piseriga ogu iray kwi pi pairalwa,’ dire kwi ere nangure, ogu bine dire bigin sire aa tekun erungwa, ogu ala i iru erungwa pi kanamua.

Matyu 17:21

[I komina mawal ere ana di God tere, ‘Aa ki di na to,’ dinanga ena sia iru maa si mena eranba, ana iru di tekenanga kuunin ta erekinanwa,” dungwa.]

Matyu 23:15

“Yuda ka main nil si tongwa yal kobe te Parasio, i miriin kaale tongwa yal milingiwe. Ibal ta ibalin kobe ka main pisere, i inin ka main duulin bile warama di piringi, pire nega di warinwa. Ibal ta i, i duulin bile warangwa, ena i enderin gaul ai nanga mere ibal ta i kirara namua. Nangwa ena gain giil piranwa.

Matyu 23:24

Ibal awli enga yal kobo, omilin gi dungwa milingiwe. Kile kaman ka megemaaga wiina ere tenba, kile kaman ka bil iwe, pisere, wiina ere tekingi. Komina nenana dire ulgu komina si dangwa piserinba, bile yaangwa muru ne yugu dinga mere, kile kaman ka iru wen pire erinwa. Eringa gain giil piranwa.

Maka 16:9

[Ena Yesu gulere si kwi yere alere pare, Sarebil kaun i, kwimile taanima wen Madala ai abal Maria, yalini kanama dire i maribe erungure, abalini goma kanungwa. Goma sia anan kole muru kole sutan abalini den miriin suna milungure, Yesu sia iray maa si mena ere tongwa.

Maka 5:9

Dungure Yesu ka sirin bile tongwa, “I kaanin galo.” Yalini waa dire iru dungwa, “Na ibal binanbile milebinga na kaanan Miriki Wen paamua.”

Luku 11:26

Iru kanere pare, kwi ere pire sia anan kole muru kole sutan awli milungwa gul urere, sia para yal den miriin suna pai milamua. Sia ta goma milungwa kal ki ere milimba, sia eme unangwa ki wen ere milangwa, ena yal iwe. Goma yal i tawlita wai ere milimba, eme wai ta milekire nigi wen dongwa milamua,” dungwa.

Epesas 6:12

Na yal kobe na kayminan kura bile tobinga yal iwe. Yalin kobe ibal wo ta milekungwi, yalin kobe kamin ai yal ki kobaan milungure, te yobilaan bilungwa kobaan milungure, te si bilungwa kobaan milungure, te kamin ai sia kobe milungure, yalin kobe kaymin paale na tongure, kura yaalin yere bilebilwe.

Kibiru 10:39

Ka iru dimba, ibal kobe kuril pire mun kal waa Yesu Kirisito tongwa mere, iru ta milekebingi, na ibal kobe ka main pire gi dibinga, sigare kule u wai nama dire, God aa ki di na tomue.