Matyu 12:18 - Golin: God ka main buku

¹⁸ “God iru di tongwa, ‘Ena i kano. Na nil konagi yal iwe, na inan paale i suna ere iga unamua. Na denan miranan tere gun yere yalini teiwa. Na ibanan ere yalini teralgire, na ka kol eralga main di maribe ere ibal para tenamua.

Matyu 12:18 ပူးပေါင်းရင်းမြစ်များ

Matyu 12:17

Dimia ena ka kebe yal Aisaya goma dungwa pi nima ongure iru bilungwa,

Matyu 17:5

Ka i di milungure kawa ta naabilungwa yobile suna erungure kawa ye suna erungwa ali ka ta iru dungwa, “Yalini na Wanan taran milemia nomanin wai tere, gun ye teiwa. Yalini ka dungwa piro.”

Maka 1:11

Ungure kamin mina ka ta iru ere ime ungwa, “I na Wanan taran milinwa. Kanere na gun ye wai wen pire i teiwa.” dungwa.

Maka 9:7

Kawa yobile suna ere yal kobe gule yongwa ali milungure, kawa ye suna erungwa ali ka ta iru dungwa, “Yalini na Wanan taran milemia, den miriin para teiwa. Yalini ka dungwa pire wiina ero.”

Luku 23:35

Ibal kobe kane milungure, Yuda ibal singaba kobe ka di sutaw ere tere iru dungwa, “Yalini ibal kobe aa ki dungure u wai ongwa, yalini God paale suna ere ingwa yal Kirisito milamia, ena yalini inin aa ki dinamba.”

Luku 3:22

God Kegemama Iban kauba imil giran guman kulungwa mere, si paale ire Yesu milungwa gul ime ungwa. Ungure kamin mina ka ta iru ere ime ungwa, “I na Wanan taran milinwa. I kanere gun ye wai wen pire teiwa.”

Luku 4:18

“God Singaba Iban na bole pena galemua. Kalkan aa te nekungwa ibal God guun kan pirama dire, yalini na konagi tere na paale suna ere imua. Kaymin ibal kal ta tegire ere ain nangwa di terala dire, te omilin gi dungwa ibal omilin pilaa dire kanama dire, te kanin sungwa kobe gule ere terala dire, na nusi ime eremua.

Luku 9:35

Kawa ye suna erungwa ali ka ta iru dungwa, “Na Wanan taran paale suna ere iga, yalini ka dungwa piro.”

Yon Yesu guun kan ka minin ganin bilungwa 3:34

God yalini nusi ime erere inin Iban kirara muru tomia, ena yalini God ka dungwa mere aine di milungwa.

Aposel 10:38

God Nasarete ai nen Yesu konagi tere, God Kegemama Iban tere yobilaan para bile tongure, yalini pi konagi wai wen erere Satan ibal kanin kule paalungwa, yalini ibalin kobe aa ki dungure u wai omua. God yalini bole para milungwa kal main iru eremua.

Aposel 11:18

Dungure ibal kobe pire unin si milere deminin si God tere iru dungwa, “Yuda milekungwa ibal nomanin suna si kiruul sire kwi mile painangwal painama dire, God iru ere tomua.”

Aposel 14:27

Antioko ai iray u bawa dire ka main ibal taminin, “U ku bilo,” dungure u ku bilungure, God yal sui aa ki dungure konagi erungwa, te Yuda milekungwa ibal pire gi dinangwa kol bala di tongwa, ka pore ere tongwa.

Epesas 1:6

God kal wai wen ere na terere, te yalini Wan taran gun ye tere nusi ime ere na tongwa, ena deminin si God te milabino.

Kolosi 1:1

Na Pol miligire, Kirisito Yesu nusi erungwa ongwa yal, Aposel, na milama dire, God iru pirala di pire na paale suna ere ingure, na miliwe. Na ibal kobe ka main enan yal ta Timoti na bole milebilgire,

Kolosi 1:13

Satan na kanin kulungure, si bilungwa ali ware milebinga, God kan gule ere na ibal kobe tere yalini Wan taran kenin ere ke milungwa ai awli suna erungure, milebinwe.

1 Pita 2:4

Ena i ibal kobe Yesu Singaba bole pena gale milana wo. Na ibal kobe kwi imo milebinga, komin kanin yalini taran milemue. Ogu kiingwa eri ta piserungwa mere, yalini para iru milimba, God yalini paale suna ere ire, “Tobe maa yebe pi biliwa,” dimue.

2 Pita 1:17

Abe God yalini Wan Kirisito naabile aw dungwa bole ere ye terere, te ai yebe di yalini tongwa kaun na yal kobe kanebinwe. Kanebingire kamin mina naabile aw dungwa ain ka ta ime ure iru dungwa, “Yalini na Wanan taran milemia, nomanin wai pire gun ye teiwa.”