Matyu 11:20 - Golin: God ka main buku

²⁰ Ena Yesu kaun ta ogu ai taw kal guman kwi dungwa binanbile ere tomba, kal digan ere taalime erungwa nomanin suna si kiruul sikungwa. Sikimia, ena kura ka iru di tongwa,

Matyu 11:20 ပူးပေါင်းရင်းမြစ်များ

Matyu 12:41

Yona ka main kere di tongwa, ena Niniba ibal pirere kal digan ere taalime erungwa pisere, nomanin suna si kiruul si piremua. Pirimba malia iwe, Yona milungwa mere ungwa tamama. Yal bil wen umba, i yal kobe ta pirekinwa. Pirekinga God ibal para ka kol ere tenangwa kaun u bawa dinangure, Niniba ibal mile ‘Pirin paimua,’ iru di i tenamua.

Maka 16:14

Ena ginin sutan di tongure eme Yesu gawlima anan kole kole muru kawnan milin taran komina ne milungwa kaun, Yesu u bawa dire iru di tongwa, “Ibal taw kobe na aliga i maribe ere kanere, ‘na alemua,’ dungwa kawen dima di ta pirekino? I pi tegi ye na tekino?” dire kan tongwa.

Maka 9:19

Yesu iru di ibal kobe tongwa, “Aya, i yal kobe malia maalinga pire gi dekinga ibal milinwa. Kaun tamintan inin bole imo mile pairale? Kaun tamintan i taalime eringa na obin ere kine ire warabine? Gaan i awli na miliga gul wo.”

Aposel 17:20

I ka di ta eringa na ibal kobe pirekun erekibina, main wen di maribe ere na tenanga pirabinwa.”

2 Korin 12:21

Na i milinga gul kwi uralga kaun, God i ibal kobe guman mina na kaanan yaa ime sinama di pire kuril piriwe. Goma yal taw kobe gi abal kane daan gule irala direre, te gi abal kunibe irala di den inanin girere, te kal digan ere taalime iru erungwa kwi ta erekirala dire, nomanin suna si kiruul ta sekimia, ena na nigi de pire simil kay mi milalwe.

Yemis 1:5

Iru paamba i ibal kobe milinga suna yal ta mile, “Na nomanin pai na tongwa, kuunin ta erekimua,” dire kawen dinangwa, ena yalini mile, “Nomanin kwi kuunin pai na to,” dire ana iru dire di God tenangwa paamue. God ibal kalkan tongwa kan ta tekire, te kora kule tomia, ena yal iray, “Na to,” dinangwa tenamue.

Rebelesen 16:11

Giil pirere, te nimbona ere giil sungwa pirere kamin ai kobaan, God gain ka si tomue. Si tere ibalin kobe kal digan ere taalime erungwa, mun kal waa tekire, nomanin suna si kiruul ta sekemue.

Rebelesen 16:9

Are bil dere nega dire ibal gain domia, ena ibalin kobe God kaan gale gain ka si tomue. Kal ki ere ibal tongwa main iray, ere ibal tenam mo, ta tekinam mo, God inin kobaan milimba, ibalin kobe kal digan ere taalime erungwa, nomanin suna si kiruul ta sikire, te yalini kaan gale yebe ta erekire, te deminin ta si yalini tekemue.

Rebelesen 2:21

Abalini kal digan i erungwa, kwi nomanin suna si kiruul sinama dire, na kamin kaun taw kane gogo ere miliiba, abal i kal digan erungwa i main main piserala pirekire nomanin si kiruul si pirekemua.