Matyu 10:23 - Golin: God ka main buku

²³ Ogu ai ta giil pire i tenangwa ena si ere ai baan ta po. Isirel ogu ai para muru, ka main kere di piserekinangire, Na U Ibal Obinga Yal na kaya uralwa.

Matyu 10:23 ပူးပေါင်းရင်းမြစ်များ

Matyu 16:27

Na U Ibal Obinga Yal mile, na Abe naabilungwa, te angel bole urala erebinwa. Urabinga ibal kobe kalkan erungwa mere maan ere terabinwa.

Matyu 16:28

Na kawen di terala i piro. Ibal kobe taw malia abila milungwa ta gulekire, goma Na U Ibal Obinga Yal ibal kobe kenin ere ke milabina dire kwi urabinga, ibalin kobi goma kanere ena gulamua,” dungwa.

Matyu 2:13

Ere ongure pare, Yosepe kiibi kanungwa angel u maribe pire, iru di tongwa, “Kerodi gaan i waa duure si gulama di pirungwa, Alo, gaan te man para i awli ire Isipi gariba gul si kaya ere po. Gariba ire mile paire sinaa dire kwi ukio. Gariba ire, ‘Pisere ere po,’ na di i terabinga, ena kaun ire, ena i po.”

Matyu 23:34

I iru erana ka di terala i piro. Ka kebe yal, te nomanin paangwa yal, te ka main nil si tongwa yal para iru nusi ere i terabinwa. Terabingire, taw ire si gulere, taw eri pera mina bili sirere, taw i ka main ogin ala kuba sirere, taw baan si kiranin bile sirere,

Matyu 23:36

Kama kaya si gulimba, ibal malia maalungwa pirin para wen pai i tenamua. Tenangure gain giil bil piramua. Na kawen di i teiwa,” dungwa.

Matyu 24:27

Kamin nege erungwa, gin taran kobil kuman ongure ibal para kanungwa mere, Na U Ibal Obinga Yal iru mere uralwa.

Matyu 24:30

Nangure ena Na U Ibal Obinga Yal unama dire, kamin mina kalkan u maribe namua. Nangure, ibal gariba baan ta baan ta gariba kobe muru, kuril di kane pire unin si mile, Na U Ibal Obinga Yal God yobilaan bil pai na tenangure niminin wen mile, te naabilungwa bole kawa bolimina urabinga, ibalin kobe na kanamua.

Matyu 24:34

Na kawen dirala i piro. Kamin kaun malia ibal maalungwa kaya ta gulekinangure, kalkan kobi di tobingire u maribe nangure pare kanere, eme gulamua.

Matyu 24:48

Iru painamba nil konagi yal kal ki ere mile, ‘Na singaba baan araway mile kwi wekenamua,’

Matyu 25:13

Di bile diga main paangwa iwe, na kwi urabinga kaun pire pol sikinga i kanekun ere milo.”

Matyu 26:64

Dungure Yesu maan iru di tongwa, “I iru dingiwe. Dinba ka di i ibal kobe terala i piro. Malia miliga i kaninba, eme Na U Ibal Obinga Yal, God Yobilaan wen Kobaan aan wen kol amin di miliga kanere, te kawa bolimina urabinga para kananwa.”

Matyu 4:12

Yon kanin pai milungwa Yesu ka pore iray pirere, pi Galili gariba gul ongwa.

Maka 13:26

Kal iru erangure pare, Na U Ibal Obinga Yal God yobilaan bil pai na tenangure, niminin wen mile, te naabilungwa bole kawa bolimina urabinga, ibal kobe na kanamua.

Luku 18:8

Ka dirala piro. Yalini gin taran ka kol pire aa ki di tenamua. Di tenamba, Na U Ibal Obinga Yal gariba gul kwi urabinga, pire gi dungwa ibal milamo?”

Luku 21:27

Kal iru erangure pare, Na U Ibal Obinga Yal, God yobilaan bil pai na tenangure, niminin wen mile te naabilungwa bole, kawa bolimina urabinga ibal kobe na kanamua.

Yon Yesu guun kan ka minin ganin bilungwa 7:1

Ena ka iru di pisere Yesu Galili gariba gul suna kobi wari ongwa. Yuda ibal singaba kobe Yesu si gulala di eremia, ena Yesu Yudia gariba gul kamin kaun i ta nala di pirekungwa.

Aposel 17:10

Ena kamin girungure Tesalonaika ka main enin kobe mile, Pol te Sailas nusi Beria ai erungure, pirere pi bawa dire Yuda ibal ka main ogu ala ongwa.

Aposel 17:14

Ye tongure enin kobe Pol nusi pirin nil binan erimba, Sailas te Timoti bole Beria ai mile paangwa.

Aposel 20:1

Ena ka wi yau bil dungwa wei sungure, Pol mile, “Yesu gawlima kobe ere wo,” dire yobilaan bile terala dire, ka di tere kaalere ere Masedonia gariba gul ongwa.

Aposel 8:1

Ibal kobe Sitiben si gulungwa Sol, “Para paimua,” dungwa. Are kaun ta iray ibal kobe kal main nigi dongwa ere Yerusalem ai ka main ibal taminin tere, binanbile sirere ere milungwa. Ere milungure pire gi dungwa ibal para Yudia gariba te Sameria gariba u sutaw ongwa. Nusi erungwa ongwa yal kobe, Aposel, tawle Yerusalem ai mile paingwa.