Matyu 10:20 - Golin: God ka main buku

²⁰ Ena kaun i ka dinanga i inin ka imore giran mina dinanba, i Abe God, yalini Iban nusi i nomanin suna erangure, ka giranin wiina eranwa.

Matyu 10:20 ပူးပေါင်းရင်းမြစ်များ

Matyu 6:32

Kalkan kobi Yuda milekungwa ibal kobe morin morin irala di piremua. I kalkan kobi ta nekire para ta milekenana, i Kamin Abe iru piremua.

Maka 12:36

God Kegemama Iban Debiti aa bawle tongure yalini inin iru dungwa, ‘God Singaba iru di na Singaba tongwa, I ure na daanan wen kol amin di milo. Milingire i kaymin ibal yaa ime si tegire, i egilana dire iru ere teralwa.’

Luku 11:13

I yal kobe kal digan ere milinba, i kalkan wai dungwa i wanin abilin terala di piringiwe. Ere tenga mere ibal kobe mile, ‘God Kegemama Iban na to,’ kaan di Abe kamin mina milungwa tenangwa, terala eremua.”

Luku 12:12

Ena kaun i ka dinanga mere, God Kegemama Iban ka nil si i tenamua,” dungwa.

Luku 21:15

I nomanin paangwa mere, ka dinana ena i kayminin ibal mile, ‘Ka dinga paikimua,’ di i tekenama dire, ka iru di maribe ere i teralwa.

Aposel 13:9

Di tomba, Sol yalini kaan ta Pol milungure, God Kegemama Iban den miriin suna ongure, sipapa sungure, Pol tena yulin bile kanere

Aposel 2:4

Ena God Kegemama Iban ibalin kobe den miriin suna pirere, sipapa sire yobilaan bile tongure inin ka pisere ibayal ka kowa kowa more more yuungwa.

Aposel 28:25

Yalin kobe ka dungwa u taran pekungure, Pol ka ta dungwa yalin kobe pire pisere ere ongwa. Ka dungwa iru dungwa, “God Kegemama Iban ka di Aisaya tongwa mere yalini di na sanamoi gilekume tongwa paamia piro.

Aposel 4:8

Dungure God Kegemama Iban Pita den suna pirere, sipapa sire yobilaan bile tongure, Pita ka iru di yal kobe tongwa, “Yuda ibal yal bil te yal singabo,

Aposel 6:10

Dimba God Kegemama Iban ka main di maribe ere Sitiben tongure, Sitiben ka dungwa wi yebe ongure yal kobe ka dungwa yaa ime sungwa.

2 Korin 13:3

Kirisito ka di Pol tongwa mere, yalini ka iru dim mo, dikim mo, kirara wen di na tongure, dima di pirana dire, main ta iru paangwa piro. Kirisito ka kol ere i tere giil i tenangwa kaun, yobilaan ura dire ta erekinangwi, yobilaan wen bile ere i tenamue.

1 Tesalonaika 2:13

Ena kal ta ama i milinga gul u maribe pi tongwa, na yal kobe morin morin maki ye deminin si God tobinga, main iru paangwa, na yal kobe God ka main kere di i tobingire pirere aa gi di pire main iru piringa, “Ka dungwa pirebinga i ibal ka main ta dikimba, God ka main dungwa paamua.” I kirara kawen dingire, i ibal kobe pire gi di milinga, ka main main paangwa i, i nomanin suna konagi paimue.

1 Pita 1:12

Yalin kobi konagi erungwa aa ki di yalin kobi inin ta erekungure, “Konagi eringa, eme ibal kwi maalungwa aa ki di ere tenanwa,” dire God main iru di maribe ere yalin kobi tere i ibal kobe kan dimue. Aa ki di i tongwa main iwe. Malia ka main kere di i tongwa yal kobe, Kirisito milungwa main para di gawa di i tomue. Tongwa God yalini inin Kegemama Iban nusi ime erungure, ure ka di yalin kobi tongure, kere di maribe ere i tomue. Ka di i tongwa main i, angel kobe pire pol si pirabina di piremue.

2 Pita 1:21

Iru di maribe ta erekinangwa main iwe. Ka kebe yal kobe inin nomanin si pire kal ta eme u maribe nangwa, di maribe ta ole erekimue. Ta erekimba God Kegemama Iban ka kebe yal kobe man bile tere nu sungure, God ka main di maribe ere ibal tomue.