Luku 7:29 - Golin: God ka main buku

²⁹ Dungure ibal imore para te kobile moni takis ingwa yal kobe, “Nil bile na to,” di Yon tongure nil bile tomia, ena Yesu ka dungwa i pirere, wai pire maki ye God tongwa.

Luku 7:29 ပူးပေါင်းရင်းမြစ်များ

Matyu 5:46

I ye nenga tawle den miriin tenanga, God i wai pire tenamo? Tamama. Aya, kobile moni takis ingwa yal kobe para iru erungwiwe.

Luku 20:6

Paamba, ‘Ibal nusi eremua,’ dirabinga ibal binanbile Yon God ka kebe yal milema di piremia, ena kobile aa tere na si gulamua.”

Luku 3:12

Kobile takis ingwa yal kobe nil bilala di pire ure iru dungwa, “Ka nil si tongwa yalo, na yal kobe takal erabinga pire dine?”

Luku 7:28

Na ka di i terala i piro. Ibal maalungwa muru ibal taw u singaba omba, Yon u singaba bil wen omua. Omba yal digan ta God kenin ere ke milungwa ai suna ongwa, yalini Yon yaa ime simua.”

Luku 7:35

Dinba God kule yongwa milemia kal wai eremia, ena yalini kirara kawen dima di kanebinwa.”

Aposel 18:25

Yesu Singaba kol bala di ibal tongwa mere, ibal kobe nil si yalini tongure, yobilaan bilere Yesu milungwa mere ka dire ka nil si ibal kobe tongwa. Tomba Yon nil wo bile ibal tongwa, main iru tawle pirungwa.

Aposel 19:3

Dungure yalini kwi sirin bile tongwa, “Ta ka main pire gi dinga, nil bile tongure ine?” Dungure yalin kobe waa dire di tongwa, “Yon ka main pire gi dibinga nil bile na yal kobe na tomua.”

Orom 10:3

God mile, “I kabin sire wai wen milinwa,” di ibal tongwa main i, pire pol sikire, kol i duulin bile ta erekinamba, inin kabin sire wai wen milabina di pirungwa mere, pire ere waremue.

Rebelesen 15:3

Milere God nil konagi yal Mose te Bolima Siipe Siipe Gawlin yal sui konagi erungwa pire geril ta iru bale yere dire di God tongwa, “Niminin milungwa yal, Yobilaan Kobaan, God Singaba i konagi eringa naanin pai eringa, na ibal kobe kane kul yobinwa. Gariba bilin ibal ta ta para, i ibalin kobi kenin ere ke milinga, i mile pai eringa main, kal dime di ere kawen kirara wai paangure milinwa.

Rebelesen 16:5

Angel ta nil kenin ere ke milungwa angel i, ka dungwa pirigire, ka iru dungwa, “Kabin sire wai wen ere milinga yale, i milangal milanga, te goma milingal milinga, i ka kol ere ibal tenga, kabin sire kal wai wen ere ibal tenwa.