Luku 6:48 - Golin: God ka main buku

⁴⁸ Yal ta ogu iru kiingwa mere yalini iru milemua. Yal i ogu main balere ogu dimin wai gul ogu kiimua. Kiimia ena nimin sire nil simba, ogu mama wen kiingwa si suule erekimua.

Luku 6:48 ပူးပေါင်းရင်းမြစ်များ

Luku 6:47

Ibal kobe na miliga gul ure na giranan wiina pai tenangwa, ena yalini milungwa mere main di maribe ere terala piro.

Luku 6:49

Dimba yal ta na giranan wiina pai tekenangwa, ogu main wai balekire ogu dimin digan gul ogu kiingwa mere, yalini iru milemua. Nimin sire nil simia, ena ogu gin taran si suule eremua.”

Yon Yesu guun kan ka minin ganin bilungwa 16:33

I yal kobe bole pena gale na tere den miriin suna ura dinangure kamin wai taanama dire, ka iru di i yal kobe teiwa. Gariba gul ibal gain giil pire i yal kobe tenamba, gariba gul yal singaba, Satan, na yalini si ime ere i sutaw ere tobinga, ena i yobilaan bile milo.”

Aposel 14:22

Pire gawlima kobe pire gi di nima pire milama dire, ka iru di tongwa, “Pire gi di milangal milo.” Dire iru nil si tongwa, “God kenin ere ke milungwa ai suna nabinga, goma giil binanbile pire eme suna nabinwa.”

Epesas 2:20

Yesu ka main ibal taminin milungwa mere, kanin main di terabina piro. God ogu kiingwa, yalini nusi erungwa ongwa yal kobe, Aposel, te yalini ka kebe yal kobe, maan kawligi mere milungure, te Yesu Kirisito biriin kawligi mere milungure, te i ibal kobe ogu gulan mere milinwe.

2 Timoti 2:19

Kal iru erimba, God ka main mama dungwa, yalini inin iru pire eremue. Erungwa main iwe. Yalini ka iru dire bile paalungwa, “Na ibalan kobe guman kane pire pol siwa.” Te, “Ibal kobe mile, ‘Na Yesu Singaba ibalin kobe miliwa,’ dinangwa, ena ibalin kobi kal ki erungwa pisere kwi ta erekinangwa paamua.”

2 Pita 1:10

Iru diga paamia, ena God, “I na duulan bilana wo,” dire te i ibal kobe paale suna ere ingwa main, i ibal kobe kirara wen kanabina di pire, konagi nega di ero. Kal main di i tega i eranga, ena i ibal kobe yaa main ta sikinanwe.

1 Yon 2:28

Ena na kule yega kobe, i yalini bole pena gale pi taran milo. Milanga ena yalini kwi gariba gul kwi u maribe pire unangwa, i ibal kobe kuril di kanekire gay ta gule tekenanwe.

Yut yalini ka minin ganin bile tongwa 1:24

Ena i ibal kobe kal digan ere taalime ta erekinana dire, God yobilaan bile i tenangwa, kuunin erere, te kamin ai yalini guman mina milanga, pirin ta pai dekenama dire, yalini i awli pi suna erangwa wai pire terabinwe.