Luku 4:18 - Golin: God ka main buku

¹⁸ “God Singaba Iban na bole pena galemua. Kalkan aa te nekungwa ibal God guun kan pirama dire, yalini na konagi tere na paale suna ere imua. Kaymin ibal kal ta tegire ere ain nangwa di terala dire, te omilin gi dungwa ibal omilin pilaa dire kanama dire, te kanin sungwa kobe gule ere terala dire, na nusi ime eremua.

Luku 4:18 ပူးပေါင်းရင်းမြစ်များ

Matyu 12:18

“God iru di tongwa, ‘Ena i kano. Na nil konagi yal iwe, na inan paale i suna ere iga unamua. Na denan miranan tere gun yere yalini teiwa. Na ibanan ere yalini teralgire, na ka kol eralga main di maribe ere ibal para tenamua.

Matyu 12:20

Bo gwige erungwa bile dire u mena pikimia, waira kule dungwa mere yalini ta sikire, aa yebe dinamua. Enderin derin gwaanangwa mere, yal ta iru milangwa ta sikire, aa ki di tenamua. Kalkan para muru aa tekun erama dire, dagi dire pai milamua.

Matyu 4:16

Ibalin kobe si bilungwa gul milungwa, aw bil ta dinangwa kanamua. Ibal kobe ibal gulungwa milimba, are si ibalin kobe milungwa gul eramua.”

Matyu 5:3

“Ibal kobe mile, ‘Na inan kuunin erekiwa,’ dire ibalin kobe miriin paimua. Paire God kenin ere ke milungwa gul pi suna milemua.

Luku 4:17

ka main buku kaan Aisaya, yal ta yalini tongwa. Tongure piapa arin aa pilaa dire kani pire ka milin ta i maribe ere kerungwa.

Luku 6:20

Ena Yesu gawliman kobe tena kane mile iru di tongwa, “I ibal kobe kalkan aa te nekinga miriin paimua. Paire God kenin ere ke milungwa gul pi suna milinwa.

Luku 7:22

Yesu kal iru erere ka maan di Yon ka kebe yal sui tongwa, “Omilin gi dungwa ibal pilaa dire kanungure, te kaun kebil sungwa u wai pire kol warungure, te seki egilungwa ibal wiige sungure, te kiraan gi dungwa ibal pilaa dire ka pirungure, te gulungwa ibal alere u kwi pire mile paingure, te kal aa te nekungwa ibal na guunan kanan pirungure, kal iru erungwa main i kane pire pi Yon di tenana po.

Yon Yesu guun kan ka minin ganin bilungwa 1:41

Ena Endiru gin taran abinbi Saimon waa duure kanere, ka iru di tongwa, “God konagi erungwa yal Mesaya, milungwa i kanebinwa.” (Mesaya kan dungwa i Kirisito mere dungwa.)

Yon Yesu guun kan ka minin ganin bilungwa 12:46

Gariba ibal para nomanin naabilama dire, aw di ibalin kobe terala di ere ime wiwa. Ibal kobe pire gi di na tenamia, ena ibalin kobe nomanin suna kama ta sekenamua.

Yon Yesu guun kan ka minin ganin bilungwa 3:34

God yalini nusi ime erere inin Iban kirara muru tomia, ena yalini God ka dungwa mere aine di milungwa.

Aposel 10:38

God Nasarete ai nen Yesu konagi tere, God Kegemama Iban tere yobilaan para bile tongure, yalini pi konagi wai wen erere Satan ibal kanin kule paalungwa, yalini ibalin kobe aa ki dungure u wai omua. God yalini bole para milungwa kal main iru eremua.

Aposel 26:18

Kamin si bilungwa gul pisere naabilungwa u maribe nama dire, nomanin pilaan pai yalin kobe tenanwa. Tenangire Satan ka dungwa pisere, God ka dungwa wiina ere tenamua. Iru erere pire gi na tenangwa, ena kal digan ere taalime erungwa kire di eramua. Erangure te God nomanin kulaparin ere tongwa ibal, yalin kobe bole para milamua.’

Aposel 4:26

Gariba ibal bil erungwa kobe, te kenin erungwa yal bil kobe u ku bile iru dungwa, ibal kobe kura bile God Singaba te yalini konagi erungwa yal, Kirisito terabinwa.’

Aposel 4:27

Kerodi te Pontias Pailete te Yuda milekungwa ibal te Isirel nen kobe, ibalin kobe ogu ai bil iray bole para u ku bilere kura bile nilerari yal Yesu tomua. Yesu kabin sire wai wen milungure, kenin erungwa yal konagi ere milama dire, kabe ki tongwa mere Yesu i suna erinwa.

Kolosi 1:13

Satan na kanin kulungure, si bilungwa ali ware milebinga, God kan gule ere na ibal kobe tere yalini Wan taran kenin ere ke milungwa ai awli suna erungure, milebinwe.

Yemis 2:5

Na enan kobe, denan miranan i tega milinga, na ka di i terala piro. Kalkan aa te nekungwa ibal ka main aa te nere pire gi dinama dire, te God kenin ere ke milungwa ai, “Den miriin na tongwa ibal awli suna eralwa,” dire aan kere yongwa mere, awli pi suna erala dire, God kal aa te nekungwa ibal paale suna ere imue.

1 Pita 2:9

Ena ibalin kobe kal iru erimba, i ka main ibal taminin milinga iwe. Gawliman ta muru milana dire, yalini i paale suna ere ingure milere, te ka main kenin erungwa ibal mile konagi ere yal bil God te milere, te gariba bilin ta ibal kabin si mile kal dime di ere milere, te God kal dorimil erungwa di maribe ere ibal tenana dire, God i ibal kobe kenin ere ke milungure milinwe. Nomanin kama sungwa ware milinga piserere, yalini nomanin naabile aw dungwa bole milana dire, “Na duulan bilana wo,” di i tomue.