Luku 23:7 - Golin: God ka main buku

⁷ Pirere, “Kerodi kenin erungwa ain nen milemua,” dungwa pirere, ena Kerodi malia Yerusalem ai milungwa para pirere, yalini Yesu nusi Kerodi milungwa gul erungwa.

Luku 23:7 ပူးပေါင်းရင်းမြစ်များ

Matyu 14:1

Ena Yesu guun kan ware biingwa, kenin erungwa yal bil kaan Kerodi pirere,

Matyu 14:3

Ka iru dungwa main iwe. Kama kaya Yon kanin kulala dire, Kerodi ibal nusi erere, pi kanin si yuungure, kanin paangwa. Kanin kulere kanin paangwa main iwe. Kerodi kebinbi Pilipi, ena yalini ebinbi kaan Kerodias, “Yon kanin pai to,” dungwa ena kanin pai tongwa.

Matyu 14:6

Kerodi kule nongwa kaun pire ibal kobe u ku bilungure, Kerodias abilin suna ali urere, egin gale erungwa. Erungure Kerodi kane wai wen pire tere,

Maka 6:14

Yesu guun kan kole kole ware biingwa, kenin erungwa yal bil kaan Kerodi pirungwa. Ibal taw mile, “Nil bile tongwa yal Yon, gulere ale u kwi omua. Omia, ena yobilaan bile kal guman kwi dungwa eremua,” dungwa.

Luku 13:31

Ena kaun iray Parasi kobe taw Yesu milungwa gul urere ka iru di tongwa, “Kerodi, ‘I si gulalwa,’ dungwa pirebina, ena i abila pisere kaya ere baan ta po.”

Luku 23:6

Ka dungwa i, Pailete pirere, “Yalini Galili nen milim mo, gariba baan ta nen milime?” dire iru di sirin bile pirungwa.

Luku 3:1

Ena yal bil Sisa Taibirias milere Orom gariba gul muru kenin ere milungure, ena bolima ogu anan kole kole muru kawnan milin kole muru wei sungwa kaun iwe. Pontias Pailete singaba mile gariba bilin mege ta, Yudia gariba gul kenin ere milemia, te Kerodi mile gariba bilin mege ta, Galili gariba gul kenin ere milemia, te Kerodi kebinbi Pilipi mile gariba bilin mege ta, Ituria gariba gul te Tirekonaitis gariba gul imu dire kenin ere milemia, te Elaisenias mile gariba bilin mege ta, Abilini gariba gul kenin ere milemia.

Luku 9:7

Ena Yesu kalkan erungwa i, Galili gariba gul kenin erungwa yal Kerodi pirungwa. Ibal taw mile, “Nil bile tongwa yal, Yon gulere ale u kwi omua,” dungure te ibal taw mile, “Ilaya u bawa dimua,” dungure te ibal taw mile, “Goma God ka kebe yal ta gulere ale u kwi omua,” dungwa. Ibal kobe iru dimia, ena Kerodi pire gogo ere milungwa.

Aposel 4:27

Kerodi te Pontias Pailete te Yuda milekungwa ibal te Isirel nen kobe, ibalin kobe ogu ai bil iray bole para u ku bilere kura bile nilerari yal Yesu tomua. Yesu kabin sire wai wen milungure, kenin erungwa yal konagi ere milama dire, kabe ki tongwa mere Yesu i suna erinwa.