Luku 17:30 - Golin: God ka main buku

³⁰ Iru erungwa mere Na U Ibal Obinga Yal u maribe nalga kaun, para iru eramua.

Luku 17:30 ပူးပေါင်းရင်းမြစ်များ

Matyu 16:27

Na U Ibal Obinga Yal mile, na Abe naabilungwa, te angel bole urala erebinwa. Urabinga ibal kobe kalkan erungwa mere maan ere terabinwa.

Matyu 24:3

Yesu Olibe kamin kuul mabin amin di milungure, gawlima kobe inin u ku bile milere iru di tongwa, “I ka dingi iray genawna u maribe name? I gariba gul kwi ime unangire, te gariba gul wei sinangwa kaun takal goma u maribe nangwa kanabine?”

Matyu 24:37

Yal Noa goma milungwa kaun, ibal kobe kalkan erungwa mere, Na U Ibal Obinga Yal uralga kaun, ibal kobe para iru eramua.

Matyu 24:39

Milimba kal ta u maribe nama di ibal kobe pirekungure, ena nimin sire, nil sire, ibal para si gule wei simua. Iru erungwa mere iwe, Na U Ibal Obinga Yal uralga kaun para iru eramua.

Matyu 26:64

Dungure Yesu maan iru di tongwa, “I iru dingiwe. Dinba ka di i ibal kobe terala i piro. Malia miliga i kaninba, eme Na U Ibal Obinga Yal, God Yobilaan wen Kobaan aan wen kol amin di miliga kanere, te kawa bolimina urabinga para kananwa.”

Maka 13:26

Kal iru erangure pare, Na U Ibal Obinga Yal God yobilaan bil pai na tenangure, niminin wen mile, te naabilungwa bole kawa bolimina urabinga, ibal kobe na kanamua.

Luku 17:24

Kamin nege erungwa gin taran kamin kola pi koli ongwa mere, Na U Ibal Obinga Yal uralga kaun iru eramua.

Luku 17:29

Milungure Eloto Sodon ai pisere ere mena ongure, kamin mina nimin sungwa mere, kobile enderin yaa main sungure, ibal para si gulemua.

Luku 21:22

Iru erangwa ena ibal kobe pirin paingure, God maan sinangwa main paimua. Ka main minin ganin bilungwa mere, kawen u maribe nama dire, main iru u maribe namua.

Luku 21:27

Kal iru erangure pare, Na U Ibal Obinga Yal, God yobilaan bil pai na tenangure, niminin wen mile te naabilungwa bole, kawa bolimina urabinga ibal kobe na kanamua.

1 Korin 1:7

Mile paina ena Singaba Yesu Kirisito kwi u maribe nangwa kaun suul milingire, God kal wai ere ibal tongwa mere i para main piringiwe.

1 Korin 1:8

Kamin kaun malia i wei sinangwa, Singaba Yesu Kirisito kwi u maribe nangwa kaun, i ibal kobe kal digan eringa kire di erungure, pirin paikire mile painana dire, God i ibal kobe kenin ere te milangwal milamue.

Kolosi 3:4

I ibal kobe mile pai eringa, Kirisito komin kanin taran wen milemue. Milere Kirisito kwi ure u bawa dinangwa kaun, i ibal kobe bole ereko u bawa dire yalini naabile aw dungwa para irere milanwe.

2 Tesalonaika 1:7

Pirere i ibal kobe te na ibal kobe para gaynan giil pire milebinga, God pilaan pai na tenamue. Iru ere na tenangwa kaun iwe, Singaba Yesu kamin ai pisere kwi ere ime unangwa kaun na tenamue. Yalini angel kobe niminin milungwa bole para urere,

1 Pita 1:13

Main iru paimia, ena nomanin suna ka milin elin si yere, te nomanin sigi di pire kalkan ero. Yesu Kirisito kwi ere ime ure u maribe nangwa kaun, kal wai ere i tenama di pire, pi tegi yeyo.

1 Pita 1:7

I ka main pire gi dinga kirara kawen dinana di pirama dungure, gain giil pirinwe. Kobile gol di painangwal ta paikinamba, niminin mile dinam mo, dikinam mo, kanama dire, enderin suna ali galemue. I pire gi di Kirisito tenga main wi yebe pire, kobile gol yaa ime simba, pire gi dinga di painangwal painama dire para sua i kanamue. Kobile gol enderin ali galungwa mere, taalime main main i aw sire gain giil piringa sua i kanamue. Pire gi di milangal milanga, ena Yesu Kirisito kwi ure u maribe nangwa kaun, God deminin si i tere, te Kirisito naabile aw dungwa bole ere ye i terere, te ai yebe di i tenamue.

1 Pita 4:13

Dimba Kirisito giil pirungwa mere, i giil iru piringa, ena i miriin payo. Miriin painanga, ena yalini naabile aw dungwa kawen kirara u maribe nangwa kaun i kirara wen wai pire miriin painanwe.

1 Yon 2:28

Ena na kule yega kobe, i yalini bole pena gale pi taran milo. Milanga ena yalini kwi gariba gul kwi u maribe pire unangwa, i ibal kobe kuril di kanekire gay ta gule tekenanwe.

1 Yon 3:2

Ye nobinga kobe, malia God wan abilin na ibal kobe milebinga, eme kal ta kwi u maribe pi na tenangwa pire pol sekebinwe. Dimba Kirisito kwi u maribe milangwa kaun, yalini milungwa main kawen kirara kanabina, ena yalini milungwa mere na ibal kobe iru milabinwe.

Rebelesen 1:7

I kano. Yalini kamin kawa mina ime unamue. Unangure ibal para omilin kanamue. Yal kobe yalini el sungwa, yalin kobi yalini para kanamue. Yalini ka kol ere gariba ibal para tenangwa, ena ibalin kobi kay mun bile yaare miinamue. Main iru u maribe nangwa, i kawen.