Luku 12:28 - Golin: God ka main buku

²⁸ God eri kuun sungwa kenin wai ere milemua. Milimba kuun sungwa iwe, kemina kuun wai si dinamba, erima are dere kuun ulu dinamua. God eri kuun sungwa kenin erungwa, i ibal kobe kenin ere milekenamo? Kenin ere milangiray. Pire gi tawlita dinga yal, God galsuna i kaw tenamua.

Luku 12:28 ပူးပေါင်းရင်းမြစ်များ

Matyu 14:31

Yesu gin taran aan aa tere, aa ki dire iru di tongwa, “I pire gi tawliga dingirawa, tameran i nomanin susu si pirine?”

Matyu 16:8

Dungwa Yesu pirere iru dungwa, “Pire gi tawliga dinga yal kobe milinga we. Komina ta dekungwa mere ka iru, tameran diria ere miline?

Matyu 17:17

Dungure Yesu maan dire iru di yalini tongwa, “Ayo, i yal kobe malia maalinga pire gi dikire, taalime eringa ibal milinwa. Kaun tamintan inin bole imo mile pairale? Kaun tamintan i taalime eringa na obin ere kine ire warabine? Gaan iray awli na na to.”

Matyu 17:20

Dungure Yesu maan iru di tongwa, “I pire gi tawliga dingiray paikimua. Na kawen di terala i piro. Koruul milin dungwa mere iru pire gi dinanga, ena ‘Kamin kuul ta i pi baan ta po,’ dinanga namua. Kal para wen erala di piranga ena eranga painamua.

Matyu 6:30

God eri kuun sungwa kenin ere milemua. Milimba kuun sungwa iwe, kemina kuun wai si dinamba, erima are dere kuun ulu dinamua. God eri kuun sungwa kenin erungwa, i ibal kobe kenin ere milekenamo? Kenin ere milangiray. Pire gi tawlita dinga yal iwe, God galsuna para kau i tenamua.

Matyu 8:26

Yesu maan dire dungwa, “Pire gi tawle dinga yal kobe, tameran kuril pire miline?” Dungure alere gwi koban sire, nil benge kiraan ka di tongure gwi si oli dire, nil sua si dungwa.

Luku 8:25

Yesu kal iru erere pare, iru di gawlima kobe tongwa, “Tameran pire gi di na tekene?” Di tomba yalin kobe pire sigagu dire kuril pire diria ere iru dungwa, “Nil te gwi yalini ka dungwa pire wiina erungwa, ibena mileme?”

Kibiru 6:7

Ibalin kobi milungwa mere ka ta di bile diralga piro. Nimin sire sire erungwa, gariba ali biire ibal komina yaalungwa pi sire u bil ongure, ibal komina buule nongwa iwe. God kane wai piremue.

1 Pita 1:24

Iru milinga mere, ka main minin ganin iru dire bilungwa paangwa, “Kulkan maangwa mere, ibal para iru milemua. Te kulkan kuun sungwa mere ibalin kobi kalkan deminin si tongwa kal i para iru dimua. Iru dungwa main paangwa iwe. Kulkan kengi sire gulungure, te kuun sungwa gilgin gule ule di yaa main simba,