Luku 10:29 - Golin: God ka main buku

²⁹ Dimba Yuda kile kaman ka nil si tongwa yal ibal na painama di pirere, iru di Yesu tongwa, “Dimba na enan taw kobe ibena mileme?”

Luku 10:29 ပူးပေါင်းရင်းမြစ်များ

Maka 8:34

Ena Yesu mile, ibal kobe para wen milungwa, te gawlima kobe para, “Ere maala wo,” di gala dire iru di tongwa, “Yal ta na munan kol duulin bilala di pirangwa, ena yalini gain kal pirungwa maangure manaa di tere, te na giil pire gulabinga mere, yalini giil pire gulere, na duulin bilamua.

Luku 10:36

Yesu ka pore iru dire ka iru sirin bile yal i tongwa, “Kunibe nongwa yal kobe ure yal ta simba, yal sutakobe kombil wiria di kanungwa iwe. Enin taw ibena milama di pirine?”

Luku 16:15

Tongure Yesu ka iru di yalin kobe tongwa, “Ibal kobe milungwa gul na nomanin wai paangwa milebina di pire konagi iru erinba, God i nomanin te den miriin suna kane pol simua. Ibal kobe mile, kal ta wai wen dima di pirimba, God kane, ‘Kal imore dimua,’ dimiawa.

Orom 10:3

God mile, “I kabin sire wai wen milinwa,” di ibal tongwa main i, pire pol sikire, kol i duulin bile ta erekinamba, inin kabin sire wai wen milabina di pirungwa mere, pire ere waremue.

Orom 4:2

Ebarakam inin kile kaman ka wiina ere tere kal dime di ere milungwa God kanere, “I kabin sire wai wen milinwa,” di tenangwa, ena yalini inin kaanin gale yebe eramba, God mabinin mina iru kaan ta gale yebe erekinamue.

Galesia 3:11

Te ka main minin ganin iru dire bilungwa paangwa, “Yal ta mile God ka dungwa pi tegi yenangure, God mile, ‘Yal i pirin paangwa gule ere tegire, kabin sire wai wen milemua,’ dinangwa, ena yal i u wai pire mile painangwal painamua.” Iru dungwa paamia, ena yal ta Mose kile kaman ka pire wiina erangwa, God mile, “I pirin paangwa gule ere tegire, kabin sire wai wen milinwa,” di yalini ta tekenamue.

Yemis 2:24

Kal iru eremia, ena i ibal kobe main iru kananwe. Yal ta ka main pire gi dire, te mile pai erungwa mere, God kalin main sui kanere, “I kabin sire wai wen milinwa,” di yalini tenamue.