Luku 1:17 - Golin: God ka main buku

¹⁷ Yalini goma yere God ka kebe yal milere, Ilaya yobilaan bile niminin milungwa mere milamua. Nen wan u taran nama dire, te kule sungwa ibal nomanin si kiruul sire, kwi u wai nama dire konagi iru eramua. Eramia ena God konagi erungwa yal, Kirisito unangwa kaun ibalin kobe nomanin naabile aw dinamua. Kal iru ere milangwa, ibal para wai wen piramua.”

Luku 1:17 ပူးပေါင်းရင်းမြစ်များ

Matyu 11:14

Ena ka dungwaray kirara kawo iru di piranga, ena Yon Ilaya milemua. Kamin kaya ka kebe yal mile, ‘Ilaya goma unamua,’ dungwa.

Matyu 14:4

Yon morin morin iru di Kerodi tongwa, “Abal ta i inga, ta paikimua.”

Matyu 3:3

Yon milungwa mere ka kebe yal Aisaya goma iru dungwa, “Gariba simi yongwa gul yal ta iru gala dimua. ‘God Singaba kol bala di tere unangwa, aa tekun ero.’”

Matyu 3:4

Yon bolima kamel sigin gal ware sigi dire, bolima gain kin dire gomare te deboma niriin komina iru nongwa.

Luku 1:16

Yalini ka di Isirel ibal tenangwa ena ibalin kobe binanbile den miriin suna si kiruul sire pire gi di God tenamua.

Luku 1:76

Gaan ta milingi ka di i terala piro. ‘God niminin milungwa ka kebe yal i milinwa,’ dire ibal iru dinamua. I goma yere aa tekun ere kol bala di Singaba tenanwa.

Yon Yesu guun kan ka minin ganin bilungwa 1:13

Ibalin kobi u God kule yongwa kobe ongwa iwe. Ibal nomanin pire gaan kule yongwa mere, ta kule yekungwi, God inin ibalin kobi nomanin si pire kule yongwa.

Yon Yesu guun kan ka minin ganin bilungwa 1:34

Dungwa mere kaniga, ena yalini God Wan milema di kaniwa,” dire Yon ka iru di ibal kobe tongwa.

Yon Yesu guun kan ka minin ganin bilungwa 3:28

Na goma mile ka iru digire, ‘Na Kirisito ta milekiwa,’ diiba God na goma nusi eremua.

Aposel 10:33

Iru dungure yal kobe nusi ere, ‘I ere wo,’ di kebe yobingire, i unga na wai pirebinwa. God u milungwa gul malia na ibal para milere, God ‘Ka do,’ di i tongwa mere pirala erebinwa.”

Orom 9:23

Yalini kane unin si milungwa main iwe. God piranin pai tongwa ibal yalini naabile aw dungwa mere bole milama dire, konagi main iru ere milemue. Ibalin kobe iru mere milama dire, goma paale suna ere imue.

Kolosi 1:12

God kenin ere ke milungwa gul naabile aw dungure, yalini ibalin kobe ain iray kalkan ere tenangwa mere, para iru ere i tenama dire, yobilaan pai i tomue. Tomia ena maki ye Abe God to.

2 Timoti 2:21

God ka main ibal taminin para main iru mere milemue. Ibal ta kalin nigi dongwa kan diga i pisere nomanin naabilangwa, ena muine ta ibal aa tere konagi wai erungwa mere, ere milamue. Ibal i iru mere milangwa, ka main konagi main wai dungwa paangwa eramue. Te kal dime dire ere milama dire, God yalini paale suna ere imue. Te konagi wai ere yal singaba tenamue. Te konagi wai dungwa main main para erala di pire milamue.

1 Pita 2:9

Ena ibalin kobe kal iru erimba, i ka main ibal taminin milinga iwe. Gawliman ta muru milana dire, yalini i paale suna ere ingure milere, te ka main kenin erungwa ibal mile konagi ere yal bil God te milere, te gariba bilin ta ibal kabin si mile kal dime di ere milere, te God kal dorimil erungwa di maribe ere ibal tenana dire, God i ibal kobe kenin ere ke milungure milinwe. Nomanin kama sungwa ware milinga piserere, yalini nomanin naabile aw dungwa bole milana dire, “Na duulan bilana wo,” di i tomue.

1 Yon 2:28

Ena na kule yega kobe, i yalini bole pena gale pi taran milo. Milanga ena yalini kwi gariba gul kwi u maribe pire unangwa, i ibal kobe kuril di kanekire gay ta gule tekenanwe.

Rebelesen 20:4

Ena iru kanere pare, yal bil kenin ere ke milungwa bol te ibal kobe bol iray amin di milungwa para na kaniwe. Kaniga ibalin kobi ka kol ere ibal tenama dire, God yobilaan iru pai tomue. Yesu ka main di maribe erungwa, te God ka dungwa, ibal kobe ka sutan i di gawa dimia, ena yal ton ibalin kobe si gulungure, ibalin kobi iban para milungwa na kaniwe. Ibalin kobi ana dire deminin si kabe biin te kabe biin i kobile galbale ta tekere, te kabe biin ibal maabin mina te aan mina minin ganin bile paalimba, ibalin kobi minin ganin i ole bilekemue. Ibalin kobi sigare kule si kwi yere, Kirisito bole me erin wan tausen kenin ere ke mile milemue.