Kibiru 5:3 - Golin: God ka main buku

³ Te taalime main main u maribe pi yalini tongure, inin kal digan eremia, ena ibal kobe kal digan ere taalime erungwa God kire di erama dire, kabe si gale God tongwa iru tawle tamama. Yalini inin kal digan ere taalime erungwa God kire di erama dire, kabe si gale God para tomue.

Kibiru 5:3 ပူးပေါင်းရင်းမြစ်များ

1 Korin 15:3

Yesu guun kan main di na tongwa mere, na goma si aine di i tega piro. Ka main minin ganin bilungwa mere na ibal kobe kal digan ere taalime erebinga, yalini pirin gule ere na terala dire, gulemua.

Kibiru 10:12

Pirin gule ere tekenangwa paamba, ibal kal digan ere taalime erungwa, pirin gule ere tenama dire, Kirisito kamin kaun ginin taranta yalini inin miin mayan si gulama di pire God tomue. Iru tongwa main iwe. God kanere, “Kal main erungwa i, imo di painangwal painamua,” dimue. Te Kirisito iru erere pare, yalini pi Nen God aan wen kol amin di milemue.

Kibiru 7:27

Yuda ka main kenin erungwa yal singaba kobe yalin kobe inin kal digan ere taalime erungwa pire, are kaun kaun kabe si gale God tere pare, ibal kobe kal digan ere taalime erungwa pire are kaun kaun kabe si gale God tomue. Yalin kobi iru ere milungwa mere, Yesu iru ta erekimue. Yalini ginin taran tawle kabe si gale God tongwa ibal na si gulama dire, yalini, “Para owa,” dungure erungwa kaun i yalini inin tomue.

Kibiru 9:7

Ere milimba Yuda ibal ka main kenin erungwa yal bil, yalini yal taran tawle kiile ta ala kol dungwa ali ongwa paamue. Kamin kaun kaun binanbile ala ta pekire, me erin ta wei sungure are kaun taranta tawle ala ongwa, iru ere milemue. Ala ongwa kaun i, yalini inin te ibal kobe kal digan ere taalime erungwa pire, kabe sire mayan ire ala omue. Kal digan ere taalime erungwa i, God kire di ere tenama dire, kabe sire mayan ire ala omue.